رويات نور الغلا متخصص للروايات , روايات,روايات,روايات نور الغلا للنقاش الهادف والبناء




العودة   روايات نور الغلا > روايات نور الغلا , منتديات نور الغلا > روايات

رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة

رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة ...


الملاحظات

روايات روايات طويلة روايات قصيرة روايات عامة روايات جديدة روايات 2013 روايات رائعة

إضافة رد
قديم 16-12-2012   #1
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

iicons13 رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



دخل عليه فوازمساعد الشركه واللي هو صديق عمره واقف

يطالع صديقه وهو ضايق ومو حاس في الدنيا

فواز:ياخي لك ساعتين وانت ذابح عمرك في التفكير
صدقني راح تفرج.

ناضره فتره وابتسم ابتسامه غريبه ورجع يناضر في

الاوراق اللي قدامه وكأن الحل ضاع بوسطها

تكلم من بعد الصمت اللي عذب قلب رفيق دربه

...........:تدري لو مالقينا حل هاليومين وش اللي بيصير فينا

رجع ورفع عيونه بصاحبه وركز النظر فيه .

.........:راح نخسرخمسه مليون وراح تدهور شركاتنا

اللي بالخارج بيصير خلل بالميزانيه وعلى مانوازنها

بتروح علينا صفقات كبير وخاصه مع الوفد الكوري
هذا غير الوفد الياباني الي راح نجتمع فيهم هاليومين بخوص التصميم الاساسي .

تقدم منه صديقه وجلس بالكرسي المقابل

فواز:شوف انا اذكر واحد من معارفي محامي اكيد

يعرف لنا احد في قسم التصميم ممتازوممكن يخرجنا من هالبلوه اللي احنا فيها
........:اقولك هاليومين لازم نلاقي حل تقولي زميلي محامي
فواز تنرفز منه ومن اسلوبه اللي مقفل وياه حاول يشرح له اكثر.
.فواز:انت ماتفهم يااخي اقولك بحكم شغله اكيد معارفه كثير واحتمال كبير يفيدنا بهشغله


وبعدين ياخي انت مدامك ماتثق فيني ليش معيني مساعد للشركه

.... افا عليك يافواز لو منت ماتلاقيني للحين هادي.
فواز..خلاص ياخي خلنا نتوكل ونتصل بارجال وصدقني مابنخسر.

....توكلنا على الله اتصل وبنشوف لو يقدر.

اخذ فواز جواله من جيبه وجلس على الكنب اللي بالمكتب ودق على المحامي

بعد انتضار مو طويل رد المحامي
فواز...بعد السلام والسؤال عن الحال ماقدر يطول مع المحامي لانه يشوفه صديقه مركز معه وكانه منتضر الغيث ودخل في الموضوع بسرعه

فواز...محمد انا قصتك في خدمه واتمنى الاقيها عندك

محمد... افا عليك فوازلاتشك اني ممكن اتخلى عن مساعدتك انت تامر امر

فواز... تسلم الله يقدرني وارد لك هالخدمه

المهم ,حنانمر في ازمه كبيره بسبب سرقة اكبر تصميم من قبل المصمم اللي يشتغل بالشركه والبلاء الاعظم ان هالتصميم لازم يعرض بعد يومين والا راح نخسر

ملايين عشان كذا ابيك تشوف احد المختصين الكبار ال متمكنين من هالشغلات ويقدر يحل لنا هالسالفه بسرعه.

محمد... والله السالفه كبيره بالحيل يعني يبي لنا شخص دون شخص اخاف ادلك ومايطلع الشخص المناسب.

فواز...لامن هالناحيه الثقه كبيره ونكتفى بنضرك
لهالامور بس انت حاول تلاقيه باقصى سرعه

محمد...خلاص مدام عرفت حجم المشكله راح ادور

الشخص المناسب,عموما فوازلانضيع وقت الحين وخلني ادور وراح ارد عليك قريب

فواز ...تسلم بس لاوصيك حاول حتى لو ترفع مرتبه دبل الدبل غير هذا اعتقد ماراح يرفض لوعرف انها من مجموعة شركات
((سلطان الراهي)
محمد سكت تبلم وانصدم لما عرف ان فواز يشتغل في شركات سلطان الراهي اللي سمعته كلأن يتكلم فيها وانه يمتلك اكبر الشركات في البلد .

فواز استغرب سكوته وتكلم لما حس انه انشغل
فواز:محمد خلاص مابي اطول عليك اكثر واتمنى ترد علي بدري.

محمد صحى من سرحانه لما سمع فواز يتكلم
محمد:خلاص اعتمد فيني ساعه وارد عليك يلا سلام.
فواز.سلام.

بعد ماقفل الجوال التفت الخويه وحس ان ملامحه هدت شوي وكانه ارتاح

توه كان بيتكلم الا السكرتير طق الباب ودخل وبيده اوراق.

استغرب فواز جيته لانه منبه عليه محد يزعجهم
تقدم السكرتير وحط الاوراق على الطاوله وكان مكتوب عليه بالعريض ارجو الرد عاجل
الي مجموعاااات شركات سلطان الراهي.

سلطاااان كل اللي سواه جالس يطالع المكتوب بدون مايمد يده ويفتحه كانه متاكد ان جواه مشكله اكبر.

فواز تقدم من سلطان وسحب الاوراق وفتحها وكانت عيونه تنتقل بين الاوراق وكانه مو مصدق المكتوب سلطان ماعد اتحمل سحب الاوراق واخذ يطالعها فتره طويله ,بعدها نادى السكرتير.

سلطان بصوت عالي واعصابه تلفانه:خالد خالد,
دخل بسرعه من صوت صراخ سلطان هبيته وهو رايق تفرض عليك تضرب له تحيه وتحترمه غصب وينخاف منه لو عصب .

خالد...سم طال عمرك.

سلطان ..شوف لي اقرب طياره على فرنسا وجهز لي السياره.

انصرف خالد بسرعه مثل مادخل
.
سلطان طالع خويه وباله مشتت يعرف انه منهد حيله بس يسوي نفسه متماسك.سلطان جلس جنب فواز.
سلطان:
فواز الحين مضطر اسافر وانت عليك تحل السالفه اللي هنا وانا راح احل المصيبه اللي هناك وراح ارد اليوم باليل او بكره بالكثير.
طالعه فواز يحس انه عاجز كل اللي سواه سلم على سلطان ورجع للشركه.

تعريف بسيط بالاشخاص اللي انذكرو

سلطان الراهي >عمريولعني s0kara-com-s26.gif3 سنه


,طويل عريض جسمه رياضي100%يحب السباحه والمشي يعشق ركوب الخيل وخاصه باوقات,يميل لونه للسمار بس مناسب عليه حيل, عصبي جدا. مايحب العناد ودايم يميل للاشخاص اللي يرضخون لاوامره ,شكله يفرض على الكل يهابه ويحترمه, كلمته ماتنعاد وماتنرفض ,من اغنى تجار الخليج,وسيم جداواللي محليه زياده نظرات عيونه ولونها العسلي الفاتح ,مومتزوج ومايفكر يرتبط.
.اما صديقه علي والمحامي راح
نتعرف عليهم في البارت الجاي.

ردالمحامي على فواز انو لاقى الشخص الممكن يكون مناسب لان معارفه في هالتخصص قليلين,

اتصل فواز على سلطان يبشره بهالخبر لعل يخفف على خويه همه
.فواز :وصلت ولاباقي
سلطان:بسم الله سلم بالاول ,تنهد .....اي وصلت

فواز: تلومني انا احترق متى بطمني وانت ولا هناك واللي صدمني اكثر اتصل وبكل برود ترد.

سلطان ابتسم لو سوى ماسوى مايقدر يوصف حبه لفواز

سلطان:والله توني فتحت جوالي واللي فجعني اني شفت خشتك على جوالي ورديت بدون وعي كل هذا لانك تخرع.

فواز :طالع عليك انت وخشتك,المهم عندي لك خبر كلمني المحامي وبيرسل لنا مدير التصميم عقب ساعه وراح اتفاهم معه واحاول اقدم له عروض اكبر.

سلطان:المهم لاتنسى اول شي يوقع على عقد تعامله معنا على الاقل ثلاث اشهر.

فواز:okوالحين استاذن عشان اشوف مدير التصميم باي
.سلطان :باي

سلطان بعد ماقفل من فوازخلص اجرات المطارراح دايركت على الشركه واجتمع في الموضفين مع الوفد الكوري ووقع العقد واتفق راح يبدا شغلهم بعد اسبوعين مع مدير التصميم,خرج من الشركه وهو كاره نفسه من التعب وتوجه لفلته ماصدق انه يوصل لغرفة النوم اخذ شور ونام بعد ماطمن اهله عليه
.
اما عند فواز في الشركه

قال له السكرتير بوصول مدير التصميم وطلب منه يدخله سمع طق الباب ورفع راسه عشان ياذن له بالدخول
,صدمه ,ذهول,شي غير متوقع,اللي شافه بنت بعمر الثمن تعش توقع شخص بالاربعينات بحكم انو المشكله اللي متعرضين لها كبيره
تدارك نفسه .فواز:انتي مديرة التصميم

(ريفان)...اي انا مديرة التصميم من طرف المحامي محمد.
فواز تفضلي
شرح لها كل شي وسواء العقد .وباله مع سلطان لو دراء وش بيسوي فيه
.ومن طرف كان معجب بهالانسانه فاهمه كل شي ولها هيبه وحضور قوووي.
من بكره رجع سلطان امافواز فضل السكوت وفضل ان سلطان يواجه الامر الواقع بنفسه,
توجه لشركه من بدري والتقى بفواز وطلب من السكرتير ينادي مدير التصميم عشان يتطمن على الشغل,
من طقت الباب فواز نزل راسه خاف من نظرات خويه .
سلطان:اتفض..وانقطعت الكلمه لما شاف اللي يطق الباب بنت والاغلب طفله بس كانت ملفته بشكل ومبهره على انها بلاثام والعباة
.سلطان ناضر فواز وعرف انه خبى عليه لانه من جنس الحريم .
سلطان :تفضلي بتضلين وقفه مامليت وانت طالعين.
ريفان طالعته من فوق لتحت وكانها تقيم اسلوبه مع مركزه كانت مستغربه ليش يكلمها بهالطريقه.
تقدمت الين وصلت للمكتب بخطوات واثقه وماكانه تكلم

رفعت عيونها ناضرت فوازوكل هذا وسلطان يشوف واخيرا تكلمت.
ريفان:استاذ فواز متى حاب نناقش التصميم ,كان صوتها نغم خاص ناعم وجذاب حتى ان فوازلما تكلمت تجراء يرفع عيونه ويطالعها

سلطان توسعت عيونه من تجراء وتكلم معه بهالاسلوب وهذي كلش تتكلم بستهتارومطنشته وكانه ولاشي بنظرها.
تقدم منهاوهو خلاص ثارت جنونه اعصابه فولت منها.
سلطان :غيرك اشطر وماقوى شكلك صغيره على الشغل وماتعرفين انضمة الاحترام
.رفعت راسها تشابكت عيونهم للحضات ريفان
لما شافت الشرار اللي بعيونه خافت وشتت نضرها وصارت تجمع الاواق اللي حطتهم على المكتب,ابتسم بسخريه لما لاحظ رجفتها وخوفها واعطاها ضهره وتكلم:ثاني مره ياماما اذا كلش مو وجه احترام لاتدخلين شركات محترمه.

لاول مره تتجراء وتقدمت منه وقفت مقابله وهي متنرفزه من اسلوبه وتقليل في قدرها.
ريفان: صدقني انا ماجيت اشحتك صدقه وركزت عيونها بعيونه انت اللي سعيت وراي وانتو بصراحه ياحرام كسرتو خاطري وتاكد لو ماوعت الاستاذ فواز والاستاذ محمد كان من الحين تاركه الشغل لاني ماتشرف اكون هنا.
كانت تتكلم وهي خافه وتتصنع القوه هيبته ونضراته تشتت اللي قدامه حتى اذا واثق من نفسه.
اما سلطان كان ملاحظ خوفها ورجفتها
سلطان بعد ماسكتت قال بنفسه(هين تربيتك يالبز على يديني والله لااكرهك انك دخلتي هنا بجد اصبري علي )كل هذا وكان ريفان وفواز ينتظرون ردت فعله,لما لاحظ انهم يناضرونه,ابتسم وهمس لها بحيث مايسمعه الا ريفان........؟
,واللي طاح قلبها من كلامه وحست انها ورطك حالها.
(ريفان)عمرهيولعني !64!.gif3تخصص تصميم الاولى على قسمها
امها تركيه حالتهم تحت المتوسط ملكة جمال بكل ماتعنيها طويله شعرها يووصل لتحت الفخذ اسود,بيضاء على وردي اعيونها عشبي. شفيفهاتوتيه وصغير جذابه انفها سلة سيف ,في عيونها لمعه تنسيك الدنيا ومافيه بخدودها غمزات محليتها ومعطيتها اصغر من عمرها.لما تعصب او تبكي تطلع ورديه وتكون جذابه اكثر........



v,hdm juhg Ykev ikh gdg; , og ,dg; d,gukd >>Hkh Hpf; Hfd rvf; jvn lkd tqn wfvd L ;hlgm ljn ldg; Npf; Hkh dN tqp Ykh ,]N;



 


رد مع اقتباس

قديم 17-12-2012   #2
{ rn.. ♥ ..fh •»
نبض المنتدىآ

الصورة الرمزية rn.. ♥ ..fh



 عضويتيّ : 2197
 تاريخ تسجيلِي : 2011 Jun
 مجموع مشاركاتي : 3,405
مواضيعي :
ردودي :
 نقاطِي :  38030
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



ااااااااااااااااااااااااااااءءءءءءءءءءءءءءءء كمممللليييي


 


رد مع اقتباس

قديم 17-12-2012   #3
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة




بسم الله الرحمن الرحيم
أخاف اصرخ وانا وحدي....ولايسمعني أي انسااان..!!
ويرجع لي صدى صوتي:....{تراك بعالم الكتمااان}..!!


أخاف ابكي وماالقى....لدمعي واحد(ن)شفقاااان...
ويزداد الالم فيني.....واحس بلوعة الحرماااان...


أخاف اضحك واتكدّر.....بضحكه مالها عنواااان..
وادوّر اهلي وربعي....وحتى صحبي والخلاّاان..


أخاف اقول:ابي افرح.....لانّي للفرح عطشاااان..
واضيّع موطن الفرحه....واتوه بعالم الاحزااان...


متى ياخوفي تتركني....وانا اجازيك بالهجراان..
متى دنياك ترحمني....واعيش بعالمي بأمااان...


متى ياحزني اتجرأ.....واصيح بصوتي التعبان:


((كفااايه ياحزن تكفى....تراني في النهايه انساااان

لكل من رد على روايتي شكر صادق

البارت الثاني

ريفان: صدقني انا ماجيت اشحتك صدقه وركزت

عيونها بعيونه انت اللي سعيت وراي وانتو بصراحه

ياحرام كسرتو خاطري وتاكد لو ماوعدت الاستاذ فواز

والاستاذ محمد كان من الحين تاركه الشغل لاني
ماتشرف اكون هنا
.
كانت تتكلم وهي خافه وتتصنع القوه هيبته ونضراته تشتت اللي قدامه حتى اذا واثق من نفسه.

اما سلطان كان ملاحظ خوفها ورجفتها

سلطان بعد ماسكتت قال بنفسه(هين تربيتك يالبز على يديني والله لااكرهك انك دخلتي هنا بجد اصبري علي

)كل هذا وكان ريفان وفواز ينتظرون ردت فعله,لما لاحظ انهم يناضرونه,ابتسم وهمس لها بحيث مايسمعه الا ريفان..

سلطان:لو عتي الحركه هذي مره ثانيه اهلك مارح يرتاحون بعيشتهم, ووعد الحر دين.

ريفان طاح قلبها من كلامه وحست انها ورطت حالها.

سلطان يدري انه زاد خوفها وخاصه انها صغيره اكيد بتصدق أي شي واللي مستحيل يظلم احد معاه بس حب يعطيها قرصة اذن.

التفت لفواز وهو يشوف ريفان جامده في مكانها

سلطان: استاذ فواز انتو وقعتو اوراق العقد ولا لسى.

فوازعرف ان سلطان معصب من قال له استاذ لانه متعود يناديه بسمه.

فوازرفع عيونه لسلطان:سلطان سبق وقلت لك أي وانت

قلت لي من قبل العقد تكون مدته ثلاث اشهر ولانسيت الله يهدك.

كان يتكلم ونضراته تعني تكفى اهدى لان السالفه في ماتستاهل.

سلطان :بعاد, وثلاث اشهر وين فيني اتحمل...

وتعمد يقول...لكن مادمت سويته بعتبرها زكاة على الشركه.

ريفان الي هنا وخلااااااص متحملت زياده.

ريفان كل اللي طلع منها واللي متوقعته


ريفان:ههههه بجد ماتعرف تتحكم في اعصابك اووو الى هالحد انرفز.

ريفان اصدرت ضحكه بلحنها اللي تتميز فيه وكانها من راحه مو من صميم قهرها

ركزت نضرها فيه وارخت صوتها:كلها ثلاث اشهر

وعليك مني ماتشوفني الا بوقت الازوم مو عشان راحتك

ونزلت عيونها بالارض..لغايه في نفسي.

رجعت ترفع عيونها لفواز :استاذ فواز لو سمحت ممكن

انت اللي تكون المشرف على شغلي.

فواز:والله هذا يرجع للمدير لو سمح لي اكيد بتكون

اعمالك تحت يدي بدل ماتجيه تجي لي.

سلطان لما ارخت صوتها استغرب ولما نزلت عيونها

حلف بنفسه انها مو طبيعيه.

سلطان لماسمع كلام ريفان حب يرد عليها بس عشان يقهرها
:امممم حضرت المديره اشوفك من اليوم بديتي تعطين الاوامر.

ريفان لما سمعته يقول كذا قاطعته:انت ليش تفسر الامور

على كيفك بعدين رجاء خاص احترمني.

سلطان بسخريه:هه احترمك والله حاله

توك قطعتي كلامي الحين ومحترمتي حالك

..ورفع صوته وبصرامته المعروفه..

لازم تعرفين حدودك هنا انا مو مثل اصحابك الموضفين

تعلين صوتك براحتك.. فهمتي

وناضرها من فوق لتحت وكانه مستحقرها توجه لمكتبه

وجلس عليه وحط رجل على رجل وطلع السيجاره

وحطها بفمه وهي تطالعه مو فاهمه شي

طلع السيجاره من فمه وطالعها:انتي قالولك ان هنا مكتبك

يلا انصرفي وعقب ساعه بيكون الاجتماع هنا

بخصوص التصميم لان ماعندنا وقت.

ريفان صارت تغلي من داخلها على حركاته
(اراويك الساعه بالمضبوط بس اصبر اجل انت اللي ماعندك وقت)

ناضرته وبعيونها لمعه واضحه
:خلاص بعد ساعه اكون هنا وشددت على...استاذ سلطان عن اذنك وطلعت من المكتب.

استغرب سلطان انها ماحاولت ترد عليه ولا بكلمه وطلعت منه ابتسامة انتصار.

فواز يناضر له وهو يبتسم وشكله سرحان

:ياخي انت ماتقولي شلي تفكر فيه بالله.

سلطان وكانه مايسمع بدون رد


فواز ضرب الطاوله على الخفيف عشان ينتبه له

ناضره سلطان ينتضر وش يبي يقول.

فواز:سلطان الله يهداك اشفيك على البنيه والله حرام

عليك هي ماسوت فيك شي بالعكس لوتشوف ملفها

وامتيازتها ترفعها مو تهزى فيها.

سلطان:خلها تولي هذي قوية عين عليها ثقه وماتحشم

احد وكانها واثقه ان ماقبلناها غيرنا بيقبل

فيها اكيد وراها احد من اهلها قادر يوفر لها بدل الوضيفه عشر.


فواز :يااخي لاتلومها شغلها الكل يمدحه لما كانت بالجامعه

اما من ناحية احد له مكانه كبير بالبلد من اهلها

مااعتقد لان اللي عرفته ان ابوها يملك مزعه وعاشين

على الله ثم عليها وعندها اخو اكبر منها اتخرج وللحين

مالاقى شغل عشان يساعد ابوه.

سلطان اعتدل بجلسته وركز مع كل حرف يقوله فواز

سلطان :تقصد ان حالتهم بسيطه اجل من وين هالغرور والثقه.

فواز مو مهم من وين المهم لاتضيق هالمسكينه كلها اشهر وتمشي.
سلطان : طيب ليش..وقطع سواله الجوال يدق كان الاسم اللي على شاشة الجوال

(اعظم كنوزي رضاها)

ابتسم ورد بحب صادق

سلطان:لبيه ياجمل هديه عرفتها في سماي.

مها (امه):لبيت ياروح امك ,صباح الخير

سلطان:صباحك طيب يالغاليه كيفك فديتك.

امه:طيبه الله يحفضك ,الا اقول يمه وينك الحين.

سلطان :هههه بقلب اميمتي

امه:دوم هاالضحكه ياولدي عقبال مسمع هالكلام لام عيالك.

سلطان :وانا يمه كل ماقلت كلمه تقولين ام عيالك,الا

قولي لي يالغاليه ليش تسالين ويني فيه.

امه:خالتك عندي بالبيت تبيك الحين اذا تقدري تجي
سلطان خاف لايكون فيه شي ومخبيه عليه:يمه ويلي

يحفضك لي لا يكون به علم ماهو زين.

امه:لاوالله ياوليدي مامن شر بس تبي تسلم عليك فديتك

سلطان ارتاح:خلاص يالغاليه مشوار الطريق وانا عندكم

تامري على شي ثاني

امه: تسلم وانا مك انتبه على نفسك بحفظ الرحمن مع السلامه.

سلطان:مع السلامه.

ناضرفواز اللي مشغول بالاوراق اللي قدامه.

سلطان:فوازوه انا مضطر اروح الحين للبيت الوالده تبيني تامر على شي.

فواز:والله تصدق صرت اشك بصوت خالتي سحر من شوي ماكلنا والحين شاق الحلق.

سلطان اختفت البسمه اللي على وجهه لما تذكر ريفان وقف واخذ نضارته وجواله

سلطان:هذي الغاليه جنتي وناري.

فواز:الله يخليها لك,بس تعال انت مو تقول بعد ساعه اجتماع.

سلطان :انشاء الله مو مطول اترخص

فواز: مع السلامه.

\\\\\\\\\\\\\\\\
خالد الراهي(ابو سلطان ).متوفي من عمر سلطان 20بالمرض الخبيث علم سلطان قبل مايتوفى كل امور الشغل واصول المرجله

مها ام سلطان.طيبه حيل تحب اعياله بالحيل ماتحب يعاندونها تحاول تكون الاب والام .

سلطان سبق وتكلمنا عنه.

زيادعمر8طبيب جراحه ممتاز يدرس بالخارج اخر سنه.يحب الفله والوناسه يحاول دوم يقتدي بسلطان .طويل وسيم ابيض رزه وحلاته بسكسوكته.

شهد عمره5متزوجه طلال ولد عمها عنده تؤم(روافي,ووافي)بيضاء ناعمه حلوه واحيان من تصرفاتها تحسها بزر.
وجدعمره 19 حلووووه حيل طويله بيضاء شعره بوي ناعم وكثيف لونه بني, تموت في سلطان وتسمي نفسها"دلوعة ابوها"تقصد سلطان تغار عليه احيانا, تدرس ثالث ثانوي.

\\\\\\\\\\\\\\\\\\\\
\\\\\\\\\\\\\\\
عايلة ريفان

محمد ابو ركان .عمره 50 سنه طيب حيل يموت في عياله يحاول يسعدهم باي طريقه يشتغل دوم بمزرعته .

بيلسان (ام ركان) واللي يدعونها دوم ببسمه عشان اسمها صعب للبعض اصلها تركي تزوجت من 28 سنه فصارت عادي تحكي مثل زوجها طيبه تخاف على اولادها.

ركان.عمره 28طيب حيل يموت في اخته ريفان تخصصه جراحه بس للاسف للحين ملاقى وضيفه
وسيم جذاب له هيبه قويه اذا ابتسم يطلع ياخذ العقل مايحب يعصب على احد لانه شديد بوقتها.
ريفان سبق وذكرناها.

رندعمرها 20 بالكليه قسم فنون حلوه تميل للهدوء
اهم شي بحياته صحباتها طيبه وحنونه.

ريان.عمره 5سنوات حلا البيت كله دبدوب وياخذ العقل بحكيه.

\\\\\\\\\\\\\\\\

في بيت جديد اول مره نزوره

كانت جالسه بالحديقه وتفكر بحياته اخواتها تزوجو وهي ذبحها الملل

تكلمت بصوت عالي وهي ترمي نفسها على الورد

دانه:اه وينك ياريفان من يوم ماتوضفتي وانا احس اني

بموت من الطفش على الاقل كنت اتصل عليك لا طفشت

بس الحين ماقدر مابي اقطع رزقك الحين عرفت قدرك .

قامت واخذت جوالها وارسلت على ارسال


شوي ورن تلفونها بنغمة

بحبك لماتحكي بترسم عشفاتك ضحكه...

دانه :هلا والله لو ادري انك بتتصلي ارسلت من الصبح

ريفان: هلا فيك حبيبتي كيفك

دانه:تمام انت بشريني عنك عساك مبسوطه.

ريفان:تنهدت..خليها على ربك

دانه خافت صوت صديقتها مايبشر بالخير

دانه:ريري حبيبتي وش فيك تكفين قولي,

ريفان:لاتخافي كلها امور بالشغل ولا انا والاهل الحمد الله طيبين لاتخافين.

دانه :طيب احكي شاللي صاير.

ريفان:لا الحين ماعندي وقت لا فضيت اليوم مريتك.

دانه :اتفقنا يلا مابي اعطلك زود.

ريفان:طيب يلا سلام

دانه صديقة ريفان ويتفادون بالارواح لها اختين وتزوجو
واخ اسمه معاذ عمره 26يحب ريفان ويشتغل مدرس.
متوسطة الطويل وحلوه شعرها اسفل ضهرها عيونها عسليه جذابه قسم تصميم عمره3

\\\\\\\\
ريفان لما رجعت من مكتب سلطان وماهي قادره تركز

بالاوراق اللي قدامها جالسه تفكر كيف ترد من اعتبرها

ريفان ابتسمت :لقيتهااليوم راح اخليه يوافق اني انسحب

من هنا وبنشوف من يضحك بالاخير.

سلطان جالس مع امه وخالته وتفكيره بعيد

سلطان بنفسه لما طلعت من المكتب كان بعيونها شي

مافهمته معقول تتحداني بس وشلون تتحداني وهي حتى
الرد ماردت كل اللي سوته استاذنت وطلعت
طيب ممكن انها...

وقطع عليه خالته وهي تناديه

فاطمه:يمه سلطان انت معاي اشوفك سرحت.

سلطانواللي صحاه خالته لما نادته:أي وياك اعذريني

فديتك تعرفي تعب الشغل كملي انا اسمعك.

فاطمه:هذا كل اللي عندي ابيك تساعد هالجماعه احسهم
محتاجين واناامك احسك مقتدر وتحب هالامور.


سلطان:ولايهمك على هالخشم اسوي اللي تبين المهم

ارسلي العنوان وانا اتصرف.

كان يتكلم وكل شوي يناضر الساعه.

كان هالمره يحس عنده رغبه اكبر عشان يروح للشركه.

خالته لما لاحضت عليه انه مستعجل.

خالته(فاطمه):خلاص يمه توكل معني ابيك تتغدى ويانا بس مره ثانيه.

سلطان وقف :يلا اترخص وانشاءالله المره الجايه انا اللي بجي اتغد عندك يلا سلام.

سلطان تاخر على الشغل نص ساعه.

لما وصل للشركه
دخل للمكتب توقع يلاقي ريفان بس اللي شافه مافيه احد .
اما فواز لما كان راد سلطان من عند خالته كلمه وقال بيروح يشوف المخازن.

سلطان:خالد اتصل على قسم التصميم اطلب الاستاذه ريفان.

خالد:حاضر طال عمرك.

سلطان جلس بالجهه المخصصه للاجتماع كانت جهه

صغيره يعني للاجتماعات الصغيره..

ريفان لما بلغها السكرتيربكلام سلطان.

صارت تدور بمكتبها ريفان :الحين برد اعتباري .

سلطان صار منتضرها عشر دقايق وهي للحين ماجات.

سلطان وقف وهو صبره خلاص نفذ .

سلطان يصرخ:خالد انت ماقلت لريفان تجي.

خالد:اهدى طال عمرك لما كلمتها تقول انها مشغوله شوي وبتجي.

سلطان جن جنونه وماعاد اتحمل اللي يسمعه ترك خالد واسرع بخطواته لمكان مكتبها

وفتح الباب وليته مافتحه انصدم تصنم مكانه مومعقول

شاف الشي اللي متوقع يشوف بحياته طول عمره كان

يسمع فيه بس الحين صار واقع وهنا بشركته...؟


 


رد مع اقتباس

قديم 17-12-2012   #4
{ rn.. ♥ ..fh •»
نبض المنتدىآ

الصورة الرمزية rn.. ♥ ..fh



 عضويتيّ : 2197
 تاريخ تسجيلِي : 2011 Jun
 مجموع مشاركاتي : 3,405
مواضيعي :
ردودي :
 نقاطِي :  38030
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



بارت جممييل
قلبي الزغير مَ يتحمل
يعطيك العآفيه مع أنه عندك ضغط مشكوراا مراا


 


رد مع اقتباس

قديم 18-12-2012   #5
{ o² «
I love you Jejo

الصورة الرمزية o² «



 عضويتيّ : 2
 تاريخ تسجيلِي : 2009 Dec
 مَوطني : بالملحق
 مجموع مشاركاتي : 27,372
مواضيعي :
ردودي :
 نقاطِي :  103866
றởođ :
 мч ŝறš : ماهي براعة ولا هي شطاره

هي مجرد انسانه فيها براءه

لاخبث لا لعانه لاحتى حقاره

مجرد براءه ولله مجرد براءه








 мч றறš :

MMS ~

 أوسمتيّ الاخيرة  :

وسام الرد المميز 


اوسمتي

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



فيه تكمله ولا لا


 


رد مع اقتباس

قديم 18-12-2012   #6
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



^


شوووور فيييه ..


 


رد مع اقتباس

قديم 18-12-2012   #7
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



{ rn.. ♥ ..fh

فديييتكك يَ جممميلةة إنتِ وفديت متابعتك ..
وه بس


 


رد مع اقتباس

قديم 18-12-2012   #8
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



البارت الثالث والرابع
رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !
هذا آنا .. اللي دوَّرتك وعاااندت "المُحال " ..
إيييه [ ضايق ] من غيابك ومات فيني الإحتمال


..
بس تأكَّد هذا حظي .. وهذا في دنياي فالي ..!
أدري إنِّك ما تبالي .. و " غيبتك "أكبر مثال ..!
وماخضعت إلا لـ ربٍ وقت هالضيقه صفالي ..
ما دريت ..! إنْهَا حرُوفي كلَّهَا ظيييم الليال ..
جيت إلى شاطئ خيالي . . . زايرٍ قصر الرمال ..

وإنصدمت إنَّه تهدَّم ! لاحَرَس يحميه ..ولا والي !
البارت الثاث والرابع اهداء لكل من
قراء روايتي واهداء خاص ل (دلوعه ومزيونه,soosoojojo)
سلطان صار منتضرها عشر دقايق وهي للحين ماجات.
سلطان وقف وهو صبره خلاص نفذ .
سلطان يصرخ:خالد انت ماقلت لريفان تجي.
خالد:اهدى طال عمرك لما كلمتها تقول انها مشغوله
شوي وبتجي.
سلطان جن جنونه وماعاد اتحمل اللي يسمعه ترك خالد

واسرع بخطواته لمكان مكتبها

وفتح الباب وليته مافتحه انصدم تصنم مكانه مومعقول

شاف الشي اللي متوقع يشوفه بحياته طول عمره كان

يسمع فيه بس الحين صار واقع وهنا بشركته...؟

ريفان جالسه على الارض ووجهها جهة الباب

وشيلتها على كتفها وراسمه على وجها احلى

ابتسامه واللي محليتها الغمزات

وكانت ايه في الجمال يعجز يوصفه مخلوق

وقدامها طفل صغير ورافع كفه على خدها

وصوته مبسوط ويضحك

صحاه من صدمته صدمه اكبر لماسمع الطفل
يقول:الله يحليك قولي لي اجلث هنا ماما

بوقتها كل اللي يتردد في باله كلمه واحده

ماما
ماما
ماما
ماما

ريفان حست على فتحت الباب وعلى بالها

اخوها ركان لانو مر عليها هو وريان(اخوها

الصغير) لما جاء من الروضه

رفعت عيونها للباب:حبيبي را وانقطعت الكلمه

لما شافت سلطان هو اللي كان واقف ويناضرها

بنضرات صدمه وعيونه تقدح شرار

ريفان تلخبطت وانعفست فوق تحت اعطته

ضهرها وصارت ترتب شيلتها بيدين ترتجف

وكان باين عليها التوتر

سلطان ماشال عيونه عنها حتى بعد ماعطته

ضهرها ظل جامد ويحسه بعالم ثاني وبقلبه

مستحيل تكون متزوجه لساتها صغيره كان نفسه

يصرخ يقول لها ليش, ليش على شنو مايدري


صحى لما حس باحد يشد ثوبه ناضر لريان

سلطان بهمس:والله بينهم شبه كبير, لييييييش؟؟؟

ريفان لفت لجهته وهي واصله حدها:ممكن

اعرف يااستاذ ليش مادقيت الباب قبل لاتدخل.

وغير هذا السكرتيره محذره عليها ماتدخل احد

سلطان وبسخريه واضحه:ههه كانك نسيتي ان

الشركه شركتي ولاحابه اذكرك.

ريفان كانت بترد عليه بس لما شافت راكان

دخل سكتت

سلطان ماانتبه لركان الا لما شاف ريان يركض

التف وشاف اللي واقف وراه

لما شاف راكان يشيل ريان خلاص ثبت

الشك باليقين وحس فعلا انها متزوجه وهذا ابو ريان

غمض عيونه وكور قبضة يده بقوه ورد فتحهم

سلطان :ا.ريفان دقيقتين.دقتين بس وانت عندي >>(ا) اختصار لااستاذ

بالمكتب اتمنى ماعيد كلامي وطلع وصفق الباب

وراه بقوه

راكان استغرب من اللي صار قدام عيونه

نزل ريان وتقدم من ريفان وهو يشوف ريفان

عيونها على مكان سلطان

راكان: ممكن افهم اللي صار من تو.

ريفان لما شافت راكان ماسك اعصابه ويحاول يفهم


ريفان:حبيبي اهدئ السالفه انو انا طنشت

الاجتماع اللي عاملينه من شان التصميم اللي

وظفوني بسببه وقبل كنت اكلم دانه

راكان:ليش طنشتي طيب

ريفان توترت:لانها دقت علي دانه وبعدها انتو

جيتو هذا كل اللي حصل

راكان:اها اجل الله يعين الخلق عليه انتي الحين

روحي لاتتاخرين وانا بحتريك هنا

ريفان شالت الملف اللي على مكتبها وتوجهت

لمكتب سلطان وو
\\\\\\\\\\\\\\\\\\
عند شهد وطلال

شهد تكلم اولادها وهم معطينها انواع الطناشه

شهد وقفت:اجل لاتجون تاكلون انا لحالي بروح اكل

لاني عقبها برحون عند سلطان
وافي اول ماسمع

سلطان جري على غرفة الطعام
اما روافي وقفت وصلحت بدلتها,, مسويه ناعمه

وراحت لامها ومسكت يدها وصارت تشدها عشان ياكلون

شهد طلعت منها ضحكه انتصار

طلال دخل البيت وسمع صوت بغرفة الاكل ودخل عليهم


طلال:سلام عليكم

شهد:وعليكم السلام وقامت وباسته وهمست له
شهد:تعال شوف العجب بعيونك

طلال في البدايه استغرب ليش اولاده ماناضروه

تقدم من الطاوله وجلس

طلال:وش السالفه

شهد بهمس:انت سوى نفسك تاكل ولاحظ عياليك

طلال بداء ياكل من اكل شهد وعيونه شوي وتطلع

اولاده ياكلون بشهيه قويه


شهد بهمس:كل هذا عشان قلت بنروح حق سلطان

طلال ناضرها وغمزلها:شهود اليوم مافيني اروحكم

لسلطان عشان وماكمل كلمته الاروافي تركت

الطاوله وطلعت من الغرفه

اماوافي رمي الملعقه من يده ونزل على الارض وبدت نوبت البكاء


طلال وشهد صارو يضحكون بشكل متواصل

شوي الا دخلت روافي وجها مليان دموع وتجر

شنطتها وراها وهي يالله يالله تسحب وقف وافي

وياها وصارت تمسح ادموعه

روافي:خلات لاتبكي شوف انا لفيت كل ملابثي هنا

تعال نشييل ملابثك ونروح عند ثلطان ونشتريه
وصارت تطلع فلوسها من جيبوبها الصغيره
عشان يكون ابونا

طلال فرط ضحك وماعاد يشوف من كثر الضحك
\\\\\\\\\\\\\\\
فواز بعد ماشيك على المصنع توجه للبيت عشان

يبدل
ويتوجه لشركه دخل ولقى اخته فوز مسترخيه

على الكنبه ومسويه قناع الزبادي ومغطيه عيونها

بالخيار والايبد على اذنها
لمعة في باله فكره توجه

للمطبخ واخذ بودرة الكاكاو وقرب من فوز وهي

موحاسه وصار يذره على وجها الين صار بني

وتخبى لما سمع خطوات امه وابوه

دخلت امها وشهقت:ويلي بنت تشوهت

فوز نطت وجري على المرايه ودموعها مغطيه

عيونها من الخرعه

سمعت صوت ضحك وراها بصوت عالي

استوعب اللي صار وتوجهت له ووو.......
\\\\\\\\\\\
**فواز صاحب سلطان 33 طيب وحبوب ابيض
معضل مقبول

فو0 بالكليه سنه اولى تميل الى السمار مقبوله وحليوه

في الشركه
\\\\\\\\\\\\\\\\\\\\\\

وصلت ريفان لمكتب سلطان وهي تتوعد فيه

وبنفس الوقت خجلانه منه لانه شافها اليوم

طقت الباب بشكل مبالغ كانها تبي تنبهه على حركته

لما دخل بمكتبها وماطق الباب

سلطان ووجهه على النافذه وضهره مقابل الباب

سلطان :ادخل

ريفان:ممكن نبداء الاجتماع الحين

سلطان بنفسه:الله يعدي هاليوم على خير

ريفان بخاطرها وجع انشاء الله ولاحتى قال اتفضلي اجلسي افففف

سلطان التفت وبدون مايناضرها وبدون ولا كلمه

اشر على المكان اللي بيجلسون فيه وجلس بمحله

وهي جلست مقابلته

ريفان ماتبي تدخل في مشادات وياه بدت تشرح له

بشكل مباشر

قطع عليها اندماجها بالاوراق اللي قدامها

سلطان:ماتنعاد
ريفان صارت تناضر الاوراق تدور الخطاء اللي ماينعاد

رفعت عيونها له لما تاكدت مافيه شي غلط:نعم مافهمت

سلطان:حركت اليوم ماتنعاد

ريفان استغلت الفرصه عشان تقهره ناضرت الاوراق

ريفان بروقان:اها اممممممم ومسكت الورقه

وصارت تشرح عليها التصميم

سلطان جن جنونه وصل لحاله خلاص مايدري وش

يسوي وبدون شعور مد يده ومسك يدها بقوه

سلطان وبصوت عالي :مره ثانيه لما اكلمك تردين

انا مو واحد من موضفينك ياماما اصحي

ريفان وبعيونها رعب ويديها صارت ترجف

وصارت تطالع فيه وفي يدها حاولت تكون اقوى

وناضرته :اترك يدي يا...

ماكملت كلمتها لانه عصر على يدها باقوى

سلطان بصوت اعلى:فاهمه

ريفان بهمس:فاهمه

ترك يدها بقوه

سلطان:بسرعه خلصي توضيح هالبلوه اللي ورطت حالي فيها

ريفان بكذبه لانه تدري ماراح تقدر تركزوقفت:هذا كل اللي موجود

وصارت تلم الاوراق

سلطان:بكره لازم تجي من بدري على اساس الوفد

بيكون من بدري هنا.

ريفان بدون ماتعلق هزت راسها بالايجاب:عن اذنك

وطلعت لانها تحس خلاص صارت مخنوقه

سلطان لم راسه بين كفوفه وهاجمته من جديد ريحت

عطرها الباقيه في يده نزلها وعصر عليها وقف

بسرعه اخذ جواله ولبس نضراته الشمسيه وطلع

&&
ريفان مرت التواليت وصلحت شكلها عشان

مايلاحظ عليها ركان ومرت اخذتهم من المكتب

ونزلو ومانتبهت للي قدامه يمشي ويسمع كلامهم

ريفان لفت على راكان:حبيبي وش صار بخصوص الوضيفه

راكان:لسى ماصار شي المهم انتي مبسوطه اكيد انا مبسوط

ريان:ماما احث انك تبين اش كريم

ريفان اطلقت ضحكه من جوات قلبها

ومالت عليه وقرصت خده:أي ابي ياعبقري زمانك

سلطان لما سمعها تضحك اسرع بخواته لسيارته ويحس انه مقهور منها وهي ولا على باله

سلطان:مدري انا ضلمتك والا انا اللي ضلمت حالي

توجه للفله واخذ شور وحاول ينام وينسى اللي صار

بالشركه لكن هيهات ينسى
&&

ريفان وصلت للبيت اعتذرت عن الغداء لانها تحس

نفسها مسدوده وماتشتهي

ونامت بعد عناء طويل بسب للاحاداث اللي صارت

عيت تروح من بالها

&&&&&

من بكره
الكل منعفس مع الترتيبات والتجهيزات وبسبب تجمع

روساء الشركات وبالاضافه للوفد

سلطان وريفان متلاقو الا بقاعة الاجتماع

سلطان:ريفان اتاكدي من الملفات والسيدي

ريفان طالعته من فوق لتحت :موانت اللي تعلمني

شغلي.

ومشت وجلست بالمكان المخصص لها

سلطان كان مقدرها وتركها مايبي يوترها اكثر

بداء الاجتماع اللي اخذ4 ساعات وصار دور ريفان

تقدم عرضها
وقفت بثقتها المعتاده وصارت تشرح

على شاشات العرض بكل براعه

وتتكلم مع اليبانين بطلاقه

سلطان التفت للوفد يبي يستشف عن رايهم في

العرض طاحت عينه على الرئيس السعودي

اللي يطالع ريفان بنضرات اعجاب واضحه

سلطان احترقت اعصابه واتمنى ينتهي العرض وصار يتحرك كثير ويطقطق بالقلم

وفعلا بلحضتها انتهت سمع كلمات الثناء والشكر

واعلنوان نتائج الاختيار عقب يومين

الكل انصرف من الضيوف والكل اتوجه لمكتبه

سلطان اول مادخل مكتبه سمع طق على الباب

ناضر لاقى الرئيس السعودي(نواف)

نواف:ممكن اخذ من وقتك

سلطان رحب فيه واخذو يتكلمون عن الاجتماع

نواف:ممكن اتكلم مع مشرفت العرض

سلطان بقلبه خير انشاء الله

سلطان:لايكون العرض مو كويس

نواف :بالعكس ممتاز

سلطان ارسل على ريفان اللي جات فورا

سلطان بقلبه اجل تبي تختلي فيها احلم

ريفان بعد ماشافت نواف خافت

ريفان:نعم ا.سلطان

سلطان: تفضلي موانا اللي ابيك .أ.نواف اللي يبيك

ريفان ناضرت نواف تنتظره يتكلم

ريفان :تفضل

نواف:انا حاب اسوي عقد وياكم عقب سنه وانتي

اللي تتولي تصاميم على مستوى كبير

سلطان بقق عيونه ولوبيده كان ذبح نواف

ريفان:بس انا متعاقده هنا 3 اشهر

نواف:يعني

ريفان:ماقدر اسفه

نواف استبشر وبانت الفرحه بعيونه وبكلامه ووصل للي يبيه

نواف :مو مشكله بعد العقد مستعدين نوليك شركه

هنا انتي تديريها وتكون تحت يدك لو حابه

سلطان لحضتها دوروه جمد بمحله وكان احد كب

عليه موي


سلطان يناضر ريفان ينتضر اش بتقول وهو يحس

شوي ويموت من صمتها

ريفان رفعت عيونها لسلطان وتشابكت نظراتهم

ورجعت نزلتهم بالارض وماهي داريه وش الحل

الصح



رفعت راسها وناضرت نواف



ريفان:انا........



 


رد مع اقتباس

قديم 18-12-2012   #9
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



بسم الله الرحمن الرحيم
صباح,مساءالكادي
اعـتـبـرنـي مـن حيــــاتـك انتهـيـت
غيمــة مـــرت علـيــكـم امطــــرت
ســـاقها ربي ولا ابطت بالمبيـت
مـركب بالخــيـر عنكـــم ابحــــــرت
لا تلــومينـي على شانـك سريـت
والدمــوع الغـالية لأجـلـك ســـرت
الجـفن ســــاهر ولا ظنـك دريـت
والخــــوافي جروح قلب ما بـرت
كان قلبــك قاسي لا مـا قسيـت
كم بكت عـيني وعينـك مـا درت
بعتني بالرخص يوم اني شريت
ولا فطنت لـ عين محبوب اسـهرت
لا حشـا مثلك وغيـرك ما هـــويـت
ولا اظن غيرك على روحي طـرت
وكان لي بـ فـــراق يالغالي نويـت
انت تبعـد والمنيـة لـي حضــــرت

البارت الخامس&&البارت السادس

سلطان يناضر ريفان ينتضر اش بتقول وهو يحس

شوي ويموت من صمتها

ريفان رفعت عيونها لسلطان وتشابكت نضراتهم

ورجعت نزلتهم بالارض وماهي داريه وش الحل

الصح

رفعت راسها وناظرت نواف

ريفان:انا...انابصراحه ماقدر اعطيك

رايي بهالسرعه ياليت تعطيني وقت


نواف :انتي بس قوللي شلي مرددك وانا بوضحه لك

سلطان وكان واضح انه متنرفز حده:خلاص هي

قالت بتفكر انت ليش تضغط عليها يااخي

نواف خاف من عصبية سلطان وحاول يخفي

هالخوف قدام ريفان:شفيك استاذ سلطان انا جالس

اناقش لاكثر

سلطان بصوت اعلى:وهي مو قابله عرضك يااخي

خلاص افهم

ريفان لما سمعت سلطان يقول كذا ناضريته

وركزت عيونها بعيونه

ريفان رافعه حاجب:ومن قال مو قابله

سلطان وبنرفزه اكبر وصوته صار يسمعه حتى

اللي براء:ومن قالك اصلا بسمح لك

ريفان وهي تحاول تحافض عل هدوها:ومن انت

عشان تسمح اولا

فواز سمع صراخ سلطان خاف لايكون فيه بلوه

جديده طاحت عليهم من جديد

دخل على كلمة ريفان الاخيره

فواز:اصواتكم براء يجماعه ويسكر الباب وراه

والتفت لهم:خير وش صاير

توه ينتبه لنواف وخاف لايكون العرض فشل
فواز:أ.نواف عسى ماحصل شي مو طيب

سلطان وباين عليه التعب وبسخريه:لا مو كذا

الموضوع اكبر يبي يكون على اتفقيات مع مدام

ريفان بخصوص العمل


نواف تاكدت شكوكه ان الاوضاع بينهم مهزوزه

وحاول يستغل الفرصه

نواف :ليش انا قلت شي غلط شغل وعرضته عليها

عقب التعاقد اللي وياكم وانت عصبت

كان يتكلم وعينه على فواز وريفان

هيبت سلطان وشكله وهو معصب تخوفه وتجبره

ينزل عيونه عنه

سلطان:وانت ماتفهم يااخي قلنالك عرضك مرفوض

ريفان طالعته:باي حق تقرر عني

فواز كان يسمع ومالقى مبرر لعصبية سلطان

فواز:ماصار الا الخير اهدو ياجماعه

نواف:ممكن اعرف رايك أ.ريفان قبل مااطلع

ريفان ناضرت سلطان وبنضرت تحدي وغرور

وعيونها باقيه عليه

ريفان:انا موافقه

وردت النضر لنواف:بس بشكل مبدئي

سلطان طلعت عيونه مستحيل تروح وتخليهم

مستحيل يسمح لها

وتوروح مع من مع نواف
سلطان وبقلبه هين قابلني ان تركتها تشتغل وياك

جلس على الكرسي ببرود عكس الغليان اللي بقلبه

وطلع سيجارته

سلطان :مبروك أ.نواف

استغربو كلهم ليش هدى فجاءه

ريفان حست ماعاد لها اهميه تجلس اكثر وقفت

:اجل استاذن انا تاخرت ومشت الين وصلت لباب المكتب

سلطان وقف بحركه سريعه وتقدم منها وصار مقابل

وجها

مد يده عشان يصافحها

سلطان:ابي ابارك لك بمناسبة الوظيفه الجديده

ريفان اول مامد يده استغرب ونسيت ماتمد يدها

واقفه تطالعه مستغربه وضعه حركاته

سلطان:ماتبين تصافحين على اساس العمل طيب

اعتبريه وداع حق يوم الاربعاء يمديك تفتكي مني

هاليومين

ريفان مدة يدها وصافحته

سلطان اول مالمست يدها يده

احتضن كفها بكفوفه الثنتين ومال عليها وصار

بجنب اذنها

سلطان وريحت عطرها دخل لاخر خليه بمخه

وتنمى يوقف الزمن هنا:والله لو على رقبتي

ماتركتك وياه
ريفان اول مامال عليها جمدت بمحلها ولما سمعته

يهمس ارتجفت وماقدرت تبعده

نواف لما شاف وضعهم كذا وقف:استاذه ريفان

استنى انا طالع وياك فيه شغله نسيت مااقولها لك

ريفان ابعدت من سلطان وماقدرت تبعد كفها لان

سلطان محتضنها بشده بين ايده

ريفان بصوت مرتجف :اتفضل

سلطان لما شاف ان نوواف قطع عليه اتنرفز بس

حاول يحتفظ ببرودة اعصابه الين يوصل للي يبي

سلطان ابتسم وبقلبه حسابك عسير:قول هنا

نواف: لامايمدي وحنى ماشين بطريقنا بقول لها

مشى نواف وطلع براء المكتب ينتضرها

اماريفان طالعته وبعيونها خلاص اترك يدي

سلطان ابتسم لها ابتسامه تخقق وغمز لها :صدقيني

ماتقدرين تروحين وتتركيني

وترك ايدها واعطها ظهره ومشي ناحيت فواز

ريفان في عالم ثاني من حركاته وهمسه وبسمته

اللي اول مره تشوفه يبتسم ولمن لها هي

سلطان كان متاكد انها للحين ماتحركت من مكانه

كان واثق ان حركاته لها تاثير

رجع لف ناحيتها وباقي على وجهه احلى ابتسامه

كانت مناسبه كثير لشكله ومعطيته وسامته اكثر

سلطان وبضحكه:أ.ريفان نواف وياشر بيده على

باب المكتب

ريفان حست على حالها وبهمس :عن اذنكم

ريفان كانت تدري ان نواف مايبي منها شي بس

عشان يقهر سلطان وفعلا كانت سواليفه عامه

واستاذنت منه ورجعت البيت

&&&&

فواز كان ملاحض تقلب احوال سلطان بس ماحب

يعلق الا لمايصير الوقت مناسب

طلعو من الشركه والكل توجه لفلته

&&&

في فلة سلطان

دخل البيت وهو مبتسم لانه قدر ياثر بشكل بسيط
على ريفان

اول مادخل بالصاله اختفت ابتسامته وهو يشوف امه

ماسكه التليفون وتبكي

اسرع بخطواته ناحيتها

سلطان:يمه شفيك وش صاير

امه توها تنتبه له:هلا يمه وصارت تمسح دموعها

مافيني الا العافيه هذا اخوك يقول بيرد السبت

سلطان باس راس امه وجلس:الله يهداك يالغاليه

خوفتيني على بالي فيه شي مو زين

امه مدت عليه التليفون

امه :خذ وانا امك كلم اخوك يبيك على مااقول للخدم

يحطون لنا الغداء

سلطان:هلا زياد مساء الخير

زياد بضحكه:مساء اللي يغارون

سلطان:اغار؟من وشو اغار

زياد:شفت امي تبكي علي قمت تغار على اميمتي

مني

سلطان:أي وانت الصادق اغار عليك يالشيفه

المهم انت قولي اخبارك

زياد:تمام وانت بشرني عنك

سلطان:الحمد الله .من صدقك انت راد يوم السبت

زياد:قايلك تغار بس ماصدقت ,أي برد باذن الله

سلطان:باذن الله, اجل استاذن منك الوالده تنتضرني

عشان الغداء

زياد:اجل لاتتاخر عليها سلم عليكم

سلطان:مع السلامه

اول ماقفل سلطان الا وجد على راسه ومكتفه ايدينها

ومبوزه

سلطان فتح لها يدينه وهي بدون تفكير جري

واحتضنته

سلطان:ليش حبيبت ابوها مبوزه وزعلانه

وجد:لا مسوي فيها مهتم وتسال بعد

سلطان:تدرين ان كنت مشغول الايام اللي راحت
صح

وجد:أي ادري بس انت تدري اني سنه تخرج

المفروض تسال لوابي شي محتاجه شي

سلطان بضحك:لا يانكرت الجميل انا ماسال وباسها

على خدها

وجدببتسامت رضى:الحين رضيت

على طاولت الاكل

مها الام:يمه سلطان شرايك نطلع حنا وعمانك بكره

للمزرعه

سلطان:تم يالغاليه بكلمهم اليوم واتفق وياهم

امه :انشاء الله يمه

خلص اكله وتوجه لجناحه اخذ شور وتمدد على

السرير ينتظر صلاة العصير وعقب ينام

سلطان يفكر بصوت عالي:شلون ابعدها عن

هالزفت اصلا من وين طلع لي هالبلوه انا اموت اذا

تذكرت انها متزوجه يجي لي بلوه ثانيه طيب ليش

انا مهتم كل هالقد فيها احسن ابعدها من تفكيري

اساسا مايجوز لي

اناضر لها وهي متزوجه

واخذته الافكار ونام وهوموحاس بنفسه

&&&

في بيت عم ريفان الوحيد

حياه:يمه تكفين لاتخلينا نتاخر بالنوم نبي ماياذن

المغرب الا كلنا جاهزين نبي نروح من بدري

امها موزه:طيب الحين نامو وشيلي اختك نيميها


معاك اذا مارضت تنام قولي بنروحك لريان تلعبين

وياه عشان تنام لك بسرعه

حياه: طيب يمه

موزه راحت لغرفة ولدها جراح:يمه جراح اصحى

شوف لي ابوك للحين مارد

لايكون السياره تعطلت عليه

جراح:الحين يمه رايح بس البس واطلع اشوفه

امه:أي الله يرضى لي عليك

"""

حامد اخو ابوركان وريفان

حامد . حالهم متوسطه طيب وعلى نياته
جراح ولده الكبير 26 سنه اسمر متوسط الطول
مملوح

يشتغل بشركة الكهرباء

حياه 23سنه حلوه وحركاتها اللي محليتها تحب

المغامرات والتجارب علاقتها بريفان حلوه وترتاح

تحكي لها اللي بقلبها

حلا:4سنوات وتموت في العب مع ريان

&&&

دانه :معاذ تكفى ابي اروح ليش مو راضي

معاذ:دندون وبعدين اقولك الربع بيجون عقب ساعه

وانتي تقولين ابي اطلع

دانه:طيب شتبيني اقول حق ريفان يااخي وعتها

اجي عندها اليوم الله يخليك
معاذ من سمع اسم ريفان ماعاد قدر يحط عينه

بعيون اخته يخاف تكشف الحب اللي كتمه من سنين

معاذ وهو يبين انه طبيعي:okربع ساعه وانتي

جاهزه

دانه ماصدقت على الله اعطته بوسه وطارت

لغرفتها

تتجهز لسهره مع ريفان وحياه

معاذ بعد ماراحت دانه:متى تحسين فيني ياريفان بس

وتنهد بالم وطلع يجهز السياره

&&&

بعد المغرب في بيت اهل ريفان صار مليان

بالمجلس الرجال وداخل الحريم

بغرفة البنات

دانه وحياه ملاحضين هدوء ريفان الي مو متعودين

عليه

حياه:ريافي شكلنا جيناكم بوقت غلط وانتي تعبانه

ومنهد حيلك

دانه كانت حاسه ان في ريفان شي اكبر من تعب

عادي بحكم علاقتها فيها اقوى

ريفان:لاحبيبتي وش هالكلام تراي ازعل منك

كل السالفه انو نومي صار قليل هاليومين

دانه:ليش ريافي لايكون في قلبك شي ومخبيتى علينا

ولا شكلك نسيتي ان لك اخوات يحبوك

ريفان ببتسامه باهته:ومن يقدر ينسى اغلى اخوات

صدقوني مافيني شي

وصارو يسلفون وريفان تحاول تكون طبيعيه

وتشاركهم الكلام

طبعا ريفان من ردت من الشركه وهي هاديه

وماقدرت تنام تغير سلطان معاه خلها تخاف تشك

وتحتار ماصارت تعرف له ابدا

&&&

من بكره في اكبر المزارع في الديره

تجمعت عوايل الراهي كلهم

سلطان واهله,عمه راشد واهله,عمه علي واهله ,عمه فارس

راشد:العم الكبر يحب يمشي كلامه على الكل طماع

يحب كل شي له حتى لوياذي غيره,في قلبه طيبه

بس احيانا تختفي ويحل محلها شر

سلوى:زوجة راشد صارت احيانا تتعلم من اطباعه

تحب الدلع والطلعات والشياكه المبالغ فيها

لولوه البنت الوحيده للعم راشد

20 سنه تمووووت في سلطان حلوه وجذابه

بالجامعه قسم محاماه كلامها احيانا مايعجب الكل

بس ماتهتم لاحد مغروره

||||||||

علي :العم الثاني يحب الجمعات والطلعات انسان

في حاله ويحب يقول الحق

فاطمه .انسانه حبوبه اللي في قلبها على السانها

نادرولدهم الكبير 30 سنه طول وقته مشغول بشغله

طلال28 زوج شهد حبوب وطيب

رول2سنه جذابه وحلوه وتحب الهدوء

منى 10 سنوات ماتعرف بحياتها غير اللعب

والهواش
&&

فارس .العم الثالث 34وضيفته نقيب اعزب وسيم

طويل يحب الفروسيه والنوادي سالفته مع الزواج

سالفه راح نعرفها في البارتات الجايه.

&&

الكل مجتمع في المزرعه مبسوط ومستانس

البنات بارضيه كلها ورد وجالسين سوالف , مره

عن
الكليه شوي المدارس ومره البزارين

وهذيك وهذا

مسوين دائره شهد لولو وجد رولا ..>>هذي الشخصيات الاساسيه

وباقي الدائره صديقاتهم وبنات جيرانهم

في وسط السوالف سمعت صوت الخيل اللي الكل

يعرف صاحبها

وقفت واخذت المرايه واخذت تعدل بشكلها

البنات لاهين عنها ومحد اخذ باله الا شهد

لانها صارت تعرف الاعيبها زين

لولوه:بنات عن اذنكم ابي اروح التواليت




 


رد مع اقتباس

قديم 18-12-2012   #10
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة




البارت السااااااااااااادس
لولوه:بنات عن اذنكم ابي اروح التواليت

ومشت عنهم

شهد بسرعه نطت من مكانها تبي تلحقها تشوف

شاللي بتسويه هالمره

البنات كلهم انتبهو عليها

رولا:بسم الله شهود وش فيك نطيتي كذه خوفتينى

شهد تبتسم بتوتر:لا حبيبتي مافي شي وصارت

تناضر المكان اللي مشت منه لولوه وتناضر جوالها

وكانها تدور حجه تقولها

ماطراء في بالها الا انها تقول لهم كذبه وتلحق

تشوف قبل مايصير شي:لا ولاشي بس طلال

ارسلي مسج يبيني اطلع له يلا عن اذنكم
البنات بس سمعوها انواع التصفير والنغزات

وهي ماصدقت تطلع
وفعلا وقعت عينها على لولو وهي بجنب حصن

الخيول وتناضر سلطان وشوي وتاكله اكل

لولو تسوي نفسها طاحت وطلعت منها صرخه قويه

سلطان كان لاهي ويا الخيول لما سمع الصوت

اخذ يتبع التاوهات الين وصل لمكان لولوه

كانت تاركه شعرها مفتوح ولبسها بطلون جنز

وتشرت ضيق مفصل جسمه كانت فعلا جذابه

سلطان معطى نفسه يتاملها كثيراعطاها ظهره:عسى

ماشر عسى متاذيتي

لولوه:اهى اهى أي ارجولي تعورني حيل
سلطان احتار وش يسوي يلتفت يشيليها وغلط
يتركها تتالم

......روح انا بشيلها لاتهتم

التفت ولاقى شهد واقفه

سلطان:اجل انا بروح لوتبي مستشفى دقي علي

ومشى وترك لولوه تلعن حضها وتلعن وشهد اللي

طلعت في هالوقت

شهد لما شافته ترمي حالها وتتعدل وتبرز شكلها

طلعت عيونها ولما حست ان سلطان xxxxxه وانه

ممكن يشيلها تقدمت منهم بسرعه

شهد :يله قومي قبل مايدورون علينا البنات

لولوه بتمثيل:ماقدر ارجولي تعورني نادي على

سلطان يوديني للمستشفى انا خلاص ماقدر اتحمل
اكثر من كذا

شهد بنرفزه:لولوه حطي عينك بعيني وتكلمي عدل

لولوماقدرت تناظر شهد:شهد شفيك اقولك ارجولي

ماقدر امشي تقولين طالعي بجد فاضيه


شهد:وربي لواروح للبنات ومالحقتيني صدقيني راح

اقولهم كل تماثيلك على الولد وبصوت اعلى كلللللها

فاهمتني.

وتركتها ومشت

لولوه لما حست الصدق بصوتها نطت بسرعه

ولحقت عليها قبل ماتفضحها

اللي مايعرفونه ان سلطان سمع كل كلمه وتاكد ان

هذي لعبه من الاعيب بنت عمه

سلطان يصفق يد بيد:بجد ماعرفو يربوك عدل

ورجع للشباب واخذتهم السوالف وبعد الساعه 12

الكل توجه لبيته.

عند شهد وطلال

صارت الساعه اربعه الفجر يوم الجمعه

وشهد ماقدرت تنام طلعت للصاله وفتحت التلفزيون

وبالها بعيد مع عمايل لولوه لوين بتوصلهم

طلال كان حاس في شهد انها متضايقه من حطت

راسهاعلى الوساده وهي تتقلب في الاخير طلعت

طلال ماقدر يخليها اكثر من كذا طلع لقاها قدام

التلفزيون وسرحانه
مشى الين وصل للكنبه اللي جالسه عليها

شهد توها تنتبه لوجوده و بصوت مرهق:طلال انت

للحين مانمت

طلال وماصار يشوف من النوم:وشلون انام

وحبيبتي مو جنبي وبحضني

تمدد على الكنبه وحط راسه على ارجولها:ماتبين

تقولين من اللي سهر عيونك ونساك مني

شهد وهي تمسح على شعره:ومن قال يقدر اصلا

ينسيني حبيبي انا

طلال:ههه لاتتكلمين بهاالاسلوب تراء اروح فيها

شهد رفعت راسه رحمت شكله اللي واضح النوم

ذبحه ومبهذله:يلا حياتي ابي انام لي ساعه قبل
الصلاه

طلال:طيب ابي اسمع شفيك بالاول

شهد :انت قوم اول وشوف السرير ويصير خير

ومشت وياه للغرف وفعلا اول ماشاف السرير قباله

طاح بمكانه وهو شبه مرتاح على الاقل يطمن انها

طيبه

طلال وهو خلاص نايم وياشر على زنده :تعال

حطي راسك هنا يلا

شهد قربت منه وضمته

الين تاكدت انه نام تسحبت وطلعت براء الغرفه

مرت تشوف اولدها وعقب جلست بالصاله تنتضر

الصلاه
&&&

ريفان في العصر جالسه مع ابوها بحديقة البيت

الصغيره

ريفان:يبه انت ليش ماترتاح وتترك شغل المزرعه

على ركان

ابوها:لا يابنتي هالمزرعه حبها بحبكم واعتبرها

واحد من عيالي لا تخافين ماراح اتعب حالي

واخوك موجود وينشد فيه الضهر

رند طلعت عليهم:انا جيت انا هون

ابوهم:سلمي وانا ابوك هالمدارس خربت اللي باقي

من اعقولكم يابنيتي

رند:افا غلاتي انا صرت خربانه اجل انت ماتحبني
مثل ريفانوه

ابوهم:ههه وانا كل ماقلت شي قلتي ريفان تعرفين

كيف تطلعين من السالفه

ريفان ورند:هههه

&&&

في وقت مسبق كثير

فوز تقدمت لفواز بعد ماعرفت انه هو اللي سو

بوجها هالعمله وبحركه سريعه

نزلت عليه وباسته بوسات متعدده على وجهه

وشعره وهربت منه قبل مايمسكها

فواز:وعععععععععع يازفت الله يقرفك

ليش وسختيني يامعفنه اوريك بس اصيدك اخليك
تتوبين
فوز:هههه الله على الاقل اشفيت غليلي
في الشركه يوم السبت

سلطان تاخر ومو من عاته يتاخر

والسبب كان يستقبل زياد اخوه بالمطار

ريفان استغربت تعودت يجي من بدري

ريفان لااردي ماقدرت تشتغل والفضول ذابحها تبي

تعرف وينه:معقول صار فيه شي استغفر الله ليش

افاول على الرجال طيب ياربي اشلون اعرف

وارتاح

ريفان:ندي (السكرتيره)تعالي

ندي :نعم. أ.ريفان

ريفان:أ.سلطان للحين ماجاء

ندى :لا للحين مو من عاته يتاخر

ريفان:طيب فواز موجود

ندى:أي شفته بمكتب .أ.سلطان

ريفان واللي ارتاحت جزئيا :خلاص مشكوره

تقدرين تردين لمكتبك

ريفان بقلبها لو فيه شي مستحيل يجي فواز ويتركه

طيب ليش شايله همه اصلا اش لي فيه خليه يولي

شكلي تعوت على صباحيت الخناق

بعد فتره

ريفان تناضر الساعه :اوف الساعه عشر وللحين

ماداوم

وقفت واخذت ملفات بيدها حجه عشان يمكن تعرف

من فواز سبب غيابه

ريفان من شافت نواف موجود بمكتب سلطان

ويافواز لامت حالها مليون مره


ريفان بقلبها افففف انا وش جابني هنا لو انطقيت في

مكتبي ارحم خلني ارد مكاني ابرك لي

فواز انتبه لريفان وهي راجعه :ريفان تعالي

ريفان لالالالالا شافني ,الله يعين والتفت لهم ودخلت

ريفان :صباح الخير

كلهم :صباح النور

فواز:ليش مادخلتي من البدايه
ريفان تورطت:أي شفتكم تتكلمون ماحبيت اقطع
عليكم

نواف:بالعكس مافي شي نتكلم فيه سوالف عموميه

ياليت تشاركينا فيها

من اول مادخلت ريفان ونواف مو قادر يشيل عيونه

عنها لدرجة فواز انتبه عليه

دق جوال فواز وكانت امه فما قدر انه يطنش

وقف:استاذن دقايق وراجع لكم

نواف :خذ راحتك وزود

نواف والفرحه بعيونه , وبالنسبه له عيد غياب

سلطان وطلعت فواز

ريفان جمدت بمحلها وشلون تتصرف وياها

قررت تستاذن وتطلع بس فات الفوت

نواف بصوت هادي ورايق:أ.ريفان وش صار على

العرض الل قلت لك عنه, انا اليوم مو جاي هنا الا

عشانك انتي وبس


.........وبسخريه:مشاء الله غزل وهنا بمكتبي

دخل على اخر كلمه قالها نواف

ريفان طاح قلبها من الخرعه ولفت لجهت الباب

كان سلطان واقف بجنز اسود وتي شرت اسوت

ومكتوب عليها بالابيض ولابس نظارت كان بجد

غيرررر

ناضرته وعيونه تقدح شرار ويناضر فيها من فوق

لتحت بنظرت استهزاء واشمئزاز

سلطان بعصبيه وبصوت عالي:شفيكم سكتو خلصو

لا شكلي قطعت تسلسل المشاعر الفيايض

نواف:لو سمحت أ.سلطان افهم السالفه بالاول


سلطان ناضره بحده وبعيون الصقر اللي الكل

يهابه:انت بالذات ولا كلمه

سلطان بدون مايناضر لريفان:انتي على مكتبك والله

لوسمعت كلمه منك بسوي شي ماراح يعجبك

طلعت ريفان فعلا بدون ولا كلمه عصبيت سلطان

وصراخه خلاها تطلع بدون ماتفكر اصلا تقول

حرف واحد

سلطان بعصبيه:انت ماتقولي من الاخر وش تبي
نواف :مابي شي انت اقعد وانا راح اقولك كل شي

سلطان لاحظ جيت فواز على اصواتهم :الله يخليك

فواز ولا كلمه الله يخليك .

رجع لنواف:بعتبر حالي ماسمعت وماشفت من

الاساس لان هالمره بعتبرها اخر مره اشوفك هنا

بتقول طرده راح اقولك أييييييييي

لوتفكر تجي هنا بس مره وحده تدري وش مصيرك

صدقني وراء الشمس

نواف خاف من تهديد سلطان لانه قول وفعل

نواف بصوت خايف:بس انا المسؤل عن المشاريع

اللي تتعلق فينا وفيكم




سلطان خلاص وصلت معاها :انا قلت وانت تنفذ

وبدون ولا كلمه وبراء من الشركه قبل ماحذفك انا

قدام الخلق


وبصوت احد:براااااااااء

نواف طلع بدون ولا كلمه وبقلبه هين كل شي

مردود وبوقته يالحقير

فواز:سلطان انت صاحي اكيد جرئ بعقلك شي

من متى وانت تتعامل بهالطريقه موانت اللي تحب

هالاسلوب شاللي قلب حالك وخلاك توصل لدرجه

هذي حسبالك مو ملاحظ غلطان لوتفكر اني مو

ملاحظ من متى بديت تنعفس حتى اني كرهت اليوم

اللي جبتها فيه
وطلع وصفق بالباب وهو متضايق على وضع

صديق عمره كان مضرب المثل بديوانيه بتحكمه

بعصابه والحين أي شي يتعبه

&&&

سلطان مرتاح ومو حاس بكلام فواز

صاررايح جاي بمكتبه يحاول يهدي اعصابه لاكن

وين سلطان اذا عصب من يقدريهديه

طلع بسرعه من مكتبه يبي يفهم ليش جلست وياه

يبي يعاقبها على اللي سوته فيه

دخل المكتب وسكر الباب وراه


ريفان كانت واقفه عند الشباك تطالع اللي براء لما

سمعت احد يفتح الباب التفتت جمدت مكانها لما

صار سلطان يقفل الباب التفت لها

وباين عليه العصبيه من شكله وعيونه

شاف الخوف بعيونها ورجفتها كانت واضحه

سلطان وبسخريه:هه الهدرجه اخوف ريفان

كان اول مره يقولها بدون مايقول قبلها استاذه

ريفان:...........

سلطان:وين لسانك ياحلوه ولا نسيتيه ويا نواف

ريفان للحين الخوف مسيطر عليها وماقدرت ترد

ولا بشي
سلطان:لو دراء زوجك بعمايك تضنين وش راح

يسوي فيك يامتربيه

ريفان اللي هنا وبس:متربيه غصب عنك الا اهلي

مااسمح لك تتكلم فيهم

سلطان:الا اهلك اها زين الي باقي تذكريهم بشي

حلو

طيب مستعده اقول لزوجك بعمايلك المشرفه

سلطان كان يردد زوجك لانه يبي يتاكد فعلا تحبه

ولا كانت تمثل

كان يبي يريح شي بخاطره ويتمنى انها ماتحبه

ريفان:أي زوج واي خرابيط انت تجيب الكلام من

كيفك رجا افتح الباب مو مستعده تخرب سمعتي

بسبتك

سلطان بفرحه خايفه تنطفي:اجل من اللي كان هنا

لما تاخرتي على الاجتماع

ريفان وبدت تتنرفزمن اسئلته:وانت اش دخلك من

يكون

سلطان واعصابه على نار تغلي:وبعدين انا قلت

مييييين

ريفان لما علاء صوته خافت:طيب مابي اقول مين

بلييييز افتح الباب اختنقت

سلطان واعصابه وصلت حدها

طاحت عينه على جوالها فوق المكتب اخذه وصار

يقلب بين الاسماء يبي شي يجاوبه على سؤال

ريفان فتحت عيونها على جراته وتقدمت منه ولاول

مره تحس خلاص ماتفرق عندها

ريفان سحبت الجوال منه بقوه ورمته بقوتها على

الجدار اللي قدامها واجزاء الجوال بكل مكان

ودموعها غشت عيونها

ريفان وصوتها رايح من البكي:انت مالك خص فيني

فاهم وش معنى مالك دخل متزوجه ولا لا جلست

مع مين او رحت مع معين

سلطان اول مره يشوفها بهالحاله دايم متعود عليها

قويه وترد وتدافع عن نفسها

ريفان تتكلم بشكل هستيري وهي خلاص تحس


نفسها مهدوده:أي جلست مع نواف بكيفي ارتحت

زواج مو متزوجه واللي كان هنا ركان اخوي

والحين اطلع من هنا


سلطان من فرحته بسرعة البرق حضنها بين ايديه

ويحس توه

ملك الدنيا ومافيها
مال عليها وقرب شفايفه من اذنها

سلطان بهمس دافي:اشششش اهدي ,,اهدي حبيبتي

الحين, طلعت منه حبيبتي عفويه

ريفان ماحست بسلطان لما لمها بقوه كانت تتكلم

بشكل هستيري ومتعب

ريفان وهي تتكلم ضربت يدها على المكتب ودخلت

بيدها قطعه حاده بس ريفان ماحست فيها

سلطان بعد اعترفها انهامومتزوجه الدنياء مو

شايلته من الفرحه كان نفسه بوقتها يصرخ يقول

للناس كلهم انها حره

كان يدري انها موحاسه انها الحين بحضته


اللي منتبه له سلطان وريفان انه لما انكسر الجوال

طارت قطعه حاده على المكتب بجهة ريفان

ريفان بعد ماحست هي فين بعدته بقوه بيدها اللي

تنزف دم واللي صارت موسخه المكان اللي هما فيه

سلطان ابتعد بعد ماحس ان بيدها موي تركته على

يده


ناضربيده وشاف الدم ورجع التفت على يدها اللي

مسكته فيها وووو

&&&&&&


الى هنا ينتهي البارت


 


رد مع اقتباس

إضافة رد

مواقع النشر (المفضلة)

الكلمات الدلالية (Tags)
متى, ميلك, آحبك, أنا, مني, ترى, تعال, يآ, يولعني, رواية, صبري, فضح, إنا, إنثر, و, ودآك, قربك, كاملة

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة

المواضيع المتشابهه
الموضوع كاتب الموضوع المنتدى مشاركات آخر مشاركة
رواية دنيتي تحلى بوجودك / كاملة أنفآس الورد روايات 1 10-12-2012 12:53 PM
رواية أنا أنثى لا يقف المستحيل أمامها / كاملة أنفآس الورد روايات 3 07-12-2012 01:47 AM
رواية , روايات , رواية غرامية لشابة سعودية فى لندن كاملة رنيمالشوق روايات 0 30-11-2012 07:24 AM
رواية , روايات , رواية سعود ومشاعل كاملة رنيمالشوق روايات 0 30-11-2012 06:57 AM
رواية أنت لي كاملة : من البداية إلى النهاية أنفآس الورد روايات 6 14-11-2012 04:13 AM

جميع الاقسام الاخرى

فضفضه,فضفضنا لنا

روايات,قسم الروايات

Rss - Rss 2.0 - Html - Xml - روايات


الساعة الآن 06:06 AM


Powered by vBulletin® Version 3.8.7
Copyright ©2000 - 2017, vBulletin Solutions, Inc
Search Engine Optimization by vBSEO
ارشفة:Salem Alshmrani

روايات نور الغلا

Loading...