رويات نور الغلا متخصص للروايات , روايات,روايات,روايات نور الغلا للنقاش الهادف والبناء




العودة   روايات نور الغلا > روايات نور الغلا , منتديات نور الغلا > روايات

رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة

جمييل مره يعطيك العافيك + ننتظر...


الملاحظات

روايات روايات طويلة روايات قصيرة روايات عامة روايات جديدة روايات 2013 روايات رائعة

إضافة رد
قديم 21-12-2012   #11
{ rn.. ♥ ..fh •»
نبض المنتدىآ

الصورة الرمزية rn.. ♥ ..fh



 عضويتيّ : 2197
 تاريخ تسجيلِي : 2011 Jun
 مجموع مشاركاتي : 3,405
مواضيعي :
ردودي :
 نقاطِي :  38030
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة




جمييل مره
يعطيك العافيك + ننتظر


 


رد مع اقتباس

قديم 22-12-2012   #12
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة




بسم الله الرحمن الرحيم

أنا عيوني حرمـــــت غيـــرك تشـــــوف ..
والقلـــب حرم غيرك يحـــــب ثانـــــي .."
كف الدمــــوع وأبعد الشــــك والخـــــوف ..
القلـــب لك يا بعد عمـــــري موانـــــي .."
دخيل قلبـــــك سو بي عــــاد معـــــروف ..
لا تــذرف دموعـــك تبعثـــــر كيانـــــي .."
إضحـــك أنا لضحتــك مشتاق ملهـــــوف ..
يا من غرامــــك عن زمانـــي خذانـــــي .."
ويا من بحبــــه صرت مغـــرم ومشغـــــوف ..
للـــه درك ويـــــن حـــبـــــك رمانـــــي .."
ماقول لك بالـــــروف ماقول بالـــــروف ..
أقول زدنـــــي من الهـــــوى ماكفانـــــي .."
أنت الوحيد اللي على القلـــب مألـــــوف ..
وانت الذي أسقيـــه صافــــي حنانـــــي
.."

البارت السابع**


ريفان وهي تتكلم

ضربت يدها على المكتب وانغرز

بيدها قطعه حاده ريفان ماحست فيها.

سلطان بعد اعترافها انهامومتزوجه الدنياء مو

شايلته من الفرحه كان نفسه بوقتها

يصرخ يقول

للناس كلهم انها حره

كان يدري انها موحاسه انها الحين بحضنه

اللي منتبه له سلطان وريفان

انه لما انكسر الجوال

طارت قطعه حاده على المكتب بجهة ريفان

ريفان بعد ماحست هي فين بعدته بقوه بيدها اللي

تنزف دم واللي صارت موسخه المكان اللي هما فيه
سلطان ابتعد بعد ماحس ان بيدها موي تركته على

يده

ناضربيده وشاف الدم ورجع التفت على يدها اللي

مسكته فيها

كفها اليمين مليان دم

والمكان اللي كانو فيه صار فيه جزئيه موصغيره

من الدم

وقف مصدوم وشلون تاذت وهي بحضنه

سلطان وللحين يطالعها وهو جامد بمحله

ريفان لما ابعدته بيدها المجروحه حست بالم

ناضرت بيدها

حصلت قطعة البلاستيك لسى مغروسه بكفها

مهتمت فيها بالعكس من كثر ماهي حاسه بدوخه

نزلت كفوفها على الطاوله تسند نفسها

سلطان صحى على نفسه لما ناضر ريفان تضغط

بكفها على المكتب

سلطان بسرعه رفع كفها وبعصبيه:انتي مجنونه

ناضري بكفك مجروح وانتي تضغطين عليه

سلطان حاول يخفف من عصبيته لما حس ان

رجفتها بدت تزيد

ريفان سحبت يدها منه بقوه بصوت يملاه التعب:

انت وبعدين معاك اقولك اطلع برااااء


سلطان وهو يشوف ايدها صارت تنزف اكثر
وبخوف:
طيب راح اطلع بسوي اللي تبين بس الله يخليك

خليني اوديك المستشفى

ريفان ناضرته بعيون دامعه ومرهقه نزلت

تجلس ببطى على ركبهالانها حاسه برجولها معاد

فيها حيل تشيلها:

ابي جوالك بسرعه احس بخنقه

سلطان انجن لما ناضرها تجلس بالارض

بطريقه غريبه وبصوت عالي:ريفان وربي

لوماتخليني اساعدك

بضطر اني اشيلك بالغصب

ونزل لمستواها وبصوت خايف :الله يخليك خليني

اشوف يدك وبعدها

راح اوعدك مااضايقك بشي

وخذيها مني وعد

ومد ايده لها عشان يشوفها مايبي يعاندها اكثر

ريفان ولفت كفها على بعض وبعناد اكثر:والله

لوماتبعد عني

لااضغط يدي على الجرح لين تتقطع شراييني

ريفان تحاول تحافض على قوتها الباقيه:

ممكن جوال ابي اكلم

سلطان ويحس نفسه مربوط يخاف يقرب وتضغط

على كفها اكثر وبسرعه اعطاها جواله

ريفان تعيد الرقم كم مره تحس ماهي متذكرته زين

واخيرا مسك معها الخط

دانه:نعم

ريفان والقوه اللي تتمسك فيها تبخرت

وصارت دموعها مغطيه وجها:الو دانه

دانه عرفت الصوت وطاح قلبها من الخوف:

ريفان حبيبتي اش صاير فيكم ,,

الاهل طيبين

دانه بقلة صبر:ريفااااااااان تكلمي

ريفان بصوت تعبان حيل :لاحبيبتي مافيني شي بس

ابيك الحين تمرين على بالشغل لاتتاخرين راح

استناك بجنب البوابه
دانه:مسافة الطريق وانا عندك انتبهي على نفسك
باي

سلطان وقت ماكانت تتكلم عينه على ايدها

وعبايتها اللي صارت مبهذله بالدم

ريفان نزلت الجوال على الارض وحاولت تقوم

وماقدرت

سلطان مد يده يبي يساعدها

طالعته بنظرات استحقار


ريفان وبصوت متقطع:والله انا عند وعدي لاتخليني

ااذي نفسي زود على اذيتك

ساعدت نفسها الين وقفت وهو وقف وياها ويناضر

لها بعيون حايره وعاجزه عن الكلام

ريفان صارت تلم اغراضها بالشنطه

دق جوال سلطان بالحضه هذي

رد بدون مايطالع الرقم وكأن عنده الاهم منه

معاذ:ريفان وينك فيه

سلطان عقد حواجبه :انت مين

معاذ:عفوا ريفان موجوده قول لها معاذ

سلطان بستفهام اكبر:معاذ ؟؟؟

ريفان اول ماسمعت اسم معاذ مشت جهة سلطان

ريفان :ممكن وتاشر على الجوال

سلطان مده لها الجوال وبعيونه من هذا:هلا معاذ

معاذ اخ ياريفان وينك عني:هلا ريفان حنى تحت

ودانه نزلت تدور عليك وينك فيه

ريفان
:يلا انا نازله واسفه على التاخير

معاذ مستعد انتضرك لاخر يوم بعمري
:يلا سلام

تركت جواله على المكتب

واخذت شنطتها ومشت للباب

والي استغربت ان سلطان ماتكلم ولا كلمه لما

عرف انها راح تطلع

ريفان اول ماقربت على الباب تبي تفتحه مالقت

مفتاح وعرفت انه سبب سكوت سلطان بدون


مايتحرك

ريفان بدون ماتطالعه بصوت ضايق:ممكن ابي
اطلع

سلطان وبصوت حاد:موقبل ماشوف جرحك

ريفان طالعت جرحها ورفعت عيونها له:سلطان

اصحى وتذكر من تكون

افتح الباب ايدي تعورني وفتحت كفها

اللي صار مليان بالدم

سلطان لما شاف الدم وشلون صار وانتبه للقطعه

اللي بيدها

تقدم منها وبترجي:الله يخليك خليني اساعدك ايدك

بتروح فيها

ريفان لما شافته يتقدم منها بسرعه ارجعت تلم كفها

على بعض

ريفان:مابي من واحد مثلك مساعده

سلطان تاكد انه ماينفع يعاندها اكثر فتح الباب

وطالعها بعيون حاده

:وربي مابنسها لك هالحركه

التافهه ولو ادري من زمان كان خليتك تروحي

لمعاذ بدون ماتاذي حالك

وتركها وراح لمكتبه وبقلبه ناار تموته وتشقيه

ريفان بعدمالقت دانه وركبو لسياره

دانه انتبهت ليد ريفان:ريفان ايدك مجروحه وتنزف

ريفان ماقدرت تنطق ولا بكلمه تحس حيلها انهد

معاذ من سمع كلام دانه غير وجهته للمستشفى

&&&

فوازبعدماحس انه صار احسن رجع يشوف

سلطان اش صار وياه

تفاجاء من السكرتير ان سلطان طالع من ساعه

اتصل فيه واعطاه مشغول رجع يتصل مره ثانيه

حصله مقفل

فواز:اففف وين رحت ياسلطان الحين

اتصل في البيت وبااصحابه ومالقاه عندهم

فواز :يعني وين راح,,,, معقول بيروح هالوقت

هناك وزياد توه جاي اليوم


فواز ركب سيارته وتوجه للمزرعه
وفعلا كان ضنه بمحله سلطان مع خيله وباين عليه
سرحان

فواز قرب منه وهوموحاس باللي حوله

فواز:اخر حال توقعت اشوفك فيه

سلطان التفت عليه بقوه:سلم يااخي اول

فواز :انت حتى السلام ماصرت اضمن ردك فيه

سلطان:انت من قالك اني هنا

فواز:افا سلطان نسيت اني اخوك قبل ماكون

صديقك

سلطان تنهد:............

فواز يبي ياكد ضنونه اكثر: كل هالنفسيات عشان

نواف

سلطان يطالع لقدام ويمسح على الخيل وفواز واقف
وراه خارج الاسطبل:...............

فوازيبي يختبر سلطان:تدري ريفان وش قالت حق

نواف اليوم

سلطان اول ماسمع فواز يقول ريفان ونواف صار

يطالع بفواز بترقب وعيونه تقدح شرار

فواز:يهمك تعرف

سلطان بسخريه واضحه بكلامه:اجل فيه اكثر من

اللي سمعته

فواز:انت جاوبني بالاول يهمك تدري ولا لا

سلطان توتر من سؤال فواز خاف

ان فواز ياكد مشاعر يحاول يخفيها

حتى عن نفسه

فواز لما لاحض سكوت سلطان حب يغير

الموضوع:انت نسيت ان زياد بالبيت

سلطان وتوه يتذكر وبصدمه:يالله انا شلون

نسيت ويطالع بساعته,,,,اف صارت الساعه

ثلاث ونص اكيد الحين ينتضروني

فواز بخبث:الله يهداه نواف نساك حتى اخوك

سلطان عرف انه بداء يلمح على شي:انت

من يفكنا من لسانك لابديت تلف وتدور

امش قدامي خلنا نلحق نتغدى وياي زياد

فواز وهو يمشي لسيارته وبضحكه:ههه اذا ناوي

تدفني اليوم خلني اروح وياك فوز لها ساعه تدق

تعال وتعال موت البنت من الجوع بسبتك

سلطان بضحكة مجامله:خلها تبرد خاطري فيك.

فواز بلعانه:انتبه على الطريق لاتفكر في نواف كثير

ويصير فيك شي وضحك بقوه وحرك سيارته قبل

لايسوي له سلطان شي

ركب سلطان سيارته وتوجه للفله

&&&&

ريفان لما شافت الدكتوره يدها

قررت تسوي لها خياطه بسيطه تسكر فيها الجرح

بعد مانتهت منها لفت عليها شاش

الدكتور:حاولى ماتضغطين عليها كثير عشان يلتم

الجرح بسرعه

ريفان :تسلم تعبتك وياي

الدكتور:هذا واجبي المهم تعالي بعد ثلات ايام

عشان اشوف الجرح واعقمه

ريفان طلعت من عندالدكتور لدانه ومعاذ اللي كان

خوفه اكبر من خوف اخته

معاذ من اول ماطلعت من مكتب الدكتور

ماقدر يشيل عيونه عنها ونطق غصب عنه :ريفان

سلامتك طيحتي قلبي من خوفي عليك

ريفان انحرجت واتقبلت كلامه كاخ:اسفه اني

خوفتكم

طالعت بدانه اللي مانطقت ولا بحرف

حصلتها تطالع فيها

وعيونها حمراء ومليانه دموع

دانه مشت لريفان وحضنتها بقوه

وشهقاتها تقطع القلب

:ماراح اسمح لك تروحي هناك مره ثانيه

ريفان بضحكه:طيب يالبزر عورتيني

دانه ابتعدت عنها بااحراج وبضحكه:وجع في

ابليسك ,,,,وتمسح دموعها على الاقل خليني

اعبر على مشاعري المكنونه

ريفان بتعب: مووقت مشاعرك الحين خلينا نطلع

لمعاذ تاخرنا عليه

دانه:يلا مشينا

معاذ من ركبت ريفان ركز المرايه الاماميه عليها

وطول الطريق يطالعها وحس انه مافيه صبر اكثر

وقرر يتكلم مع اهله عشان يخطبونها له.

ريفان وصلت البيت وتشكرتهم

ريان مستني ريفان بالصاله ومو راضي ياكل الين

ماتجي ريفان

ريان نط اول مادخلت ريفان:دات دات ريفان

وصار يصفق بيدينه وفرحان حيل

الفته منضر يدها بالشاش :ماما وث داء اللي بيدك


 


رد مع اقتباس

قديم 22-12-2012   #13
{ أنفآس الورد •»
عضـو متألـــق ~

الصورة الرمزية أنفآس الورد



 عضويتيّ : 2398
 تاريخ تسجيلِي : 2011 Sep
 مجموع مشاركاتي : 670
مواضيعي :
ردودي :
 نقاطِي :  7094
றởođ :
 мч ŝறš :

افتراضي رد: رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة



فارس(عم سلطان) بغرفته ويفكر بحاله

فارس:الى متى بضل على هالحال اعيش بوحده

تذبح حياتي صارت ماتنطاق من كثر الهدوء والملل

مستحيل احد يملاء علي حياتي عقبك يانوف

الله يرحمك

ونزلت منه دمعه تعود خده عليها من اربع سنوات

&&&

في بيت ريفان الساعه 9

دانه زارت ريفان اللي رفضت تطلع من الغرفه من

ردت من المستشفى

دانه :ريفان وبعدين لي ساعتين اسحب منك الكلام

وانتي مو راضيه تتكلمين تكفين ريحيني وفضفضي

ريفان بسرحان:مابي ارجع اشتغل بشركته

دانه تفاجات من كلام ريفان:موانتي اللي كنتي

متحمسه لشغلك شاللي تغير في الموضوع

ريفان ودموعها خذت مجرها حكت لدانه من اول

يوم دشت فيه الشركه الين اللي صار لها اليوم

دانه بصدمه تطالع مو مصدقه

ريفان استغربت صمت دانه وانها ماعلقت ولا بكلمه

ريفان:دانه انتي معاي ولا انا قاعده اكلم حالي

دانه بصوت راخي:كل هذا وكاتمته بقلبك

ريفان زادت شهقاتها

دانه حضنتها بقوه:خلاص حبيبتي اهدي

ريفان بصوت تعبان وحاير:دانه قولي لي اش

اسوي حيرني واحترت وشلون اتصرف

وتركت دانه وطالعتها بتركيز:دانه تفهمين باقي لي

شهرين اداوم وياه, شهر واحس اني بموت, وشلون

شهرين وشلون دليني

دانه بتفكير:امممم شوفي ريافي ياانه انسان يحب

العب ويحسك مستحيله ويبي يخليك تجينه بنفسك

وهذا اكيد بحركاته اللي راح تعلقك فيه اوو انه

اعجب فيك وبداء يحبك ويغار عليك من أي احد

وهذا اضعف احتمال


ريفان بخوف:يعني وشلون

دانه :اسمعني زين انا اتوقع انه بيحاول يجرك

بفلوسه ويقدم اغراءات اكثر يامنصب اوعلاوه اواي

حيله ثانيه يعني خليك قويه وعلميه انك غير كل

البنات اللي عرفهم ,,,اما انك تتركي شغلك راح

تثبتي

له انك تاثرتي فيه وصدقيني عقبها ماراح يتركك

بحالك

ريفان زاد خوفها: خلاص انا بسوي اللي قلتي عليه

والله يقدرني واقدر ابعده عني

&&&

سلطان ماقدر ينام وتفكيره مع ريفان
سلطان:وشلونها الحين معقوله بعد اللي صار تترك

الشغل,,,,,لا مو على كيفها راح تجي على حسب


اتفاقنا,,,وطراء على باله معاذ

وبقلبه مين معاذ معقول يكون اخوها انا لازم اسال

فواز بكره وتاكد واخذته افكاره الين نام


&&&&

عند (شهد وطلال)

شهد تدور وتناضر بساعتها اللي صارت خمس

الفجر وللحين مارد للبيت

طلال اول مافتح الباب وحالته مبهذله

شهد من اول ماسمعت صوت مفتاح في الباب وقفت
تنتضر بتشوف حبيبها ولا لا

طلال كان يدري ان شهد للحين مانامت واكيد

تنتظره وتاكدت ضنونه لما طالعها واقفه تطالعه

بعيون باكيه وعتبانه

شهد:وينك فيه ليش احرقت قلبي عليك ليش تركتني

احاتيك


توها تنتبه لملابسه تقربت منه بخوف:طلال

صار فيك شي قولي ليش شكلك موطبيعي


طلال وبصوت مهدود:....؟؟؟

&&&

في الشركه

سلطان مداوم من بدري

سلطان:خالد للحين أ.ريفان مادومت

خالد:استاذ سلطان الحين وقت حضورها

سلطان:اها شكرا

ورجع يجلس بمكتبه

فواز دخل على سلطان وبضحكه:صباح الخير

ماصدق يقولون مداوم من بدري عسى خير بس

سلطان يطالعه بنص عين:صباح النور وش تقصد

بكلامك ليش دوامي من قبل مو خير عليك

فواز :انا قلت لك انت موطبيعي حتى الكلام تفسره

على كيفك
سلطان وتوه يتذكر معاذ ومنحرج من فواز
وتعليقاته

سلطان وعيونه على الاوراق اللي قدامه:فواز تذكر

يوم قلت لي انك تعرف معلومات عن ريفان

تعرف كم لها اخوان وشنو اسمائهم

فواز بلعانه :امممم أي ليش

سلطان بكذبه:انا شفت امس عندها رجال وحسيته

يشبها

فواز وصرت تكذب بعد:اها وشلون يشبها وانت


ماتشوف منها الا عيونها

سلطان تورط:أي اقصد يشبها بالعيون

فواز بخبث:أي اصلا ماعندها اخوان

سلطان توسعت عيونه وبصدمه:وشلووون ماعندها


اخوان انت متاكد

فواز ماقدر يخفي ابتسامته:أي عندها انت اش لك

فيهم

سلطان بعصبيه:فوازوه لاتسوي سخافاتك علي مره

ثانيه

فوازبضحكه:طيب اخ سلطان بس ماجاوبتني اش

لك فيهم

سلطان:بعدين اقولك انت بالاول قول

فواز:على حسب اللي بملفها عندها ثنين واحد اكبر

منها اللي هو راكان والثاني ريان عمره خمس

سنوات تقريبا ولها بعد اخت

سلطان:متاكد مالها اخ ثالث

فواز :مادري بس المعلومات عندك بملفها تقدر

تشوفهم

&&&

ريفان بعد ماوصلت لمكتبها

حاولت تبتدي يومها

وموصره بنفسها ماتخلي احد ياذيها او ياثر عليها

وبعد مرور ثلاث ساعات خلصت الشغله اللي بيدها

ورتبت الملف وطلعت لمكتب فواز

ريفان:ممكن تقول للاستاذ فواز ابي اسلمه الاواق

اللي طلبهم مني
السكرتير:أ.فواز تلاقيه بمكتب أ.سلطان تقدري

تروحين له اذا الموضوع مهم

ريفان احتارت ماتبي تقابل سلطان بعد اللي سواه

معاها رجعت لمكتبها وقبل تدخل مدت الاوراق

حق السكرتيره ندى

ريفان:لو سمحتي ندى ابيك تعطيها الاستاذ فواز

بتلاقيه بمكتب المدير

ندى شالت الاوراق وراحت حق فواز

لما انطق الباب كلهم طالعو من يطقه

سلطان استغرب وجود سكرتيرت ريفان بمكتبه

سلطان:تفضلي

ندي:أ.فواز هذي الاوراق اللي طلبتهم من. أ.ريفان

فواز: شكرا الحين اشوفهم وارد لها خبر

فواز مااستغرب وجود ندى بالملفات عكس سلطان

اللي عرف ليش ريفان ماجات وارسلت السكرتيره

وبنفسه:والله واعطيتك اكبر من حجمك ياريفان

وغيرك رجاني ومالقاني وانتي تتهربين ماتبين

تشوفيني

فواز وقف:انا استاذن خلني اراجع الاوراق واخلص

شغلي لوجلست مقابلك ماسوينا شي


سلطان بسرحان:خذ راحتك

&&&

فواز بعد ماراجع الاوراق طلب من ريفان تجي

لمكتبه

ريفان :صباح الخير

فواز ببتسامه:صباح النور

ريفان:يقولون طلبتني امرني.أ.فواز

فواز انتبه لجرحها:الحمدالله على السلامه

ريفان :الله يسلمك مافيني الاالعافيه جرح بسيط

فواز:حبيت اقولك تصميمك كثير حلو بس فيه نقاط

لازم تمر على سلطان اذا وافق عليها راح نشتغل

على هالاساس يعني اللي عليك تشرحين حق سلطان

عن اهميت تخطيطك وفايدتها على الشركه

ريفان اخر شي تتمناه انها تلتقي مع سلطان او تتكلم

معاه

ريفان :امممم طيب اذا ماعليك كلافه ممكن تعرض

عليه المخطط وتحاول تقنعه فيه

فواز :مو مشكله الحين اروح له وافهمه

ريفان بمتنان:شكرا ماراح انسى لك هالمعروف

فواز استغرب وبنفسه :الى الدرجه هذي مو حابه

تتكلم مع سلطان


فواز توجه لمكتب سلطان

وريفان رجعت لمكتبها وتفاجات بوجود دانه

ريفان بفرحه

ونسيت سلطان وش بيكون موقفه من الحركه

اللي سوتها:هلا حبيبتي هلا دندون احلا مفاجئه

دانه بفرحه من فرحت ريفان:هلا فيك لو ادري

ان جيتي بتخليك تبتسمين كان جيتك من زمان

ريفان اختفت ابتسامتها لما تذكرت سلطان واكيد

انه معصب منها

دانه لاحضت خوف بعيونها:ريافي اش فيك

ريفان قالت لدانه عن الحركه اللي سوتها

دانه:ليش الله يسامحك انا وش قلت لك امس ولا

نسيتي

ريفان:ماني قادره اشوفه احس بقلبي عليه

دانه: بس انتي,,,,,,,وانقطع كلامها لما دخل فواز

عليهم فجأه
فواز تفاجأ بوجود وحده جالسه تتكلم

فواز تنح فيها وماشال عيونه عنها

لان دانه كانت بوقتها تتكلم وتلف لاثامها وقبل

تغطي وجها فواز دخل

دانه بسرعه لفت الثمه عليها

فواز انحرج ونزل عيونه ورجع على وراء:اسف

مادريت ان فيه احد ماحصلت السكرتيره براء

فدخلت

ريفان ومقدره الوضع:لاعادي أ.فواز ماصار الا

الخير



فواز تذكر الموضوع اللي جاي عشانه:أ.ريفان

فيه بعض الاشياء ماقدرت اوصلها بشكل واضح

لسلطان ياليت تروحين له الحين توضحينها

ريفان ارتبكت وصار اللي خايفه منه:انشاء الله

الحين اروح له

فواز:ok,,,,,واسف اختي مره ثانيه

دانه باحراج:مو مشكله

فواز:عن اذنكم

فواز اعجب بجمال دانه وادبها لما ردت عليه ورجع

لمكتبه وهو راسم احلى ابتسامه

&&&

سلطان لما عرف ان ريفان اللي طلبت من فواز

يشرح له التصميم بين انه مافهم من فواز وانه

مومقنع بالفكره فاضطر فواز ينادي ريفان

&&&

دانه تحاول تقوي ريفا اكثر

دانه:مثل ماوصيتك واول ماتطلعين من مكتبه دقي

علي راح انتضرك

ريفان:الله يخليك اجلسي هنا احس اني خايفه

دانه بضحكه:تصدقين صار عندي فضول اشوفه

احسه مو ادمي وحش

صدقيني ماقدر لازم امر على المعهد الحين

ريفان:طيب اكلمك اليوم باي

دانه:باي
&&&

دانه من اول ماطلعت من الشركه وصورة فواز في

بالها

دانه بقلبها:يالله وش هالزين والرزه

يابخت زوجته فيه ياااااااااارب ارزقني بواحد مثل

هالفواز

&&&&

زياد جالس في حديقه البيت مع امه

زياد:يمه مابي ابداء شغلي من الحين على

الاقل ابي ارتاح لي اسبوع

امه:وانا امك سو اللي يريحك المهم

لاتهلك حالك مثل اخوك وتتعب قلبي

زياد ببتسامه:من عيوني يمه

زياد بتفكير:يمه سلطان للحين مايفكر يتزوج

الام بحزن:ياليت يقول كان خطبت له لولوه بنت

عمك راشد وش حلاتها ياولدي

زياد:طيب فاتحيه بالموضوع يمكن

يوافق هالمره وربك يهداه

الام:الله كريم

&&&


ريفان تحس قلبها شوي ويطلع من مكانه من

كثر ماهي مرتبكه

ريفان تطق الباب

سلطان وعيونه على ايدها:ادخلي.أ. ريفان

ريفان :يقول .أ.فواز تبيني خير في شي

سلطان رفع حاجب:انا ماوضفتك هنا عشان توكلي

احد بشغلك حركاتك تقلل منك على فكره

ريفان تحاول تحافض على برود اعصابها:وماطلبت

ارتفع بعين أي احد ممكن اعرف اش تبي بالضبط

سلطان بعصبيه:انتي وبعدين مع اسلوبك اللي مو

راضيه تعدليه

ريفان تقدمت من كرسيه اللي جالس عليه

واخذت الملف اللي قدامه وفتحته

ريفان بربكه من قربها منه:ممكن اعرف وشو اللي

مافهمته من المخطط

سلطان ماتوقعها تقرب:اممم هذا اشر على جزئيه

بدون حتى مايناضر لها اذا فعلا يبي لها شرح اولا

ريفان بدون قصد قربت منه عشان تاشر على

الاوراق وهي تتكلم

سلطان لما قربت منه عطرها جننه ويحسه دخل

لاخره
غمض عيونه من المشاعر اللي يحسها

بداخله ورد فتحهم يناضر يدها المجروحه وشلون

ترجف وهي تشرح فيها

ريفان وكلامها يتقطع من الخوف والاحراج

تحس نفسها خبصت كثير بالكلام اللي تقوله

ريفان ماصدقت تخلص كلامها وتتمنى بقلبها سلطان
مايطلب شي ثاني

ريفان:احم باقي شي حاب اوضحه

سلطان وعيونه على ايدها:أي

ريفان بلعت ريقها وشلون بتتحمل اكثر: وشو

سلطان مسك يدها المجروحه اللي كانت تشرح فيها

وناضرها وكان اول مره يشوف عيونها من قريب

سلطان وعيونه بعيونها:باقي تعورك

ريفان ماتوقعت يتجراء يمسك ايدها

ارتبكت من مسكته لها حاولت تفلت ايدها بس

ماقدرت

ريفان بتوتر وعصبيه:اترك يدي انت مين محسب

نفسك

سلطان صار يتحسس ايدها وكانه يبي يلمس الجرح

بيده

ريفان توترت من حركته

وفجاءه تذكرت كلام دانه

انه يبي يعلقها فيه ويتركها

ريفان بدون شعور:سحبت يدها منه ودفته على

وراء واخذت الاوراق ولفت على جهت الباب

سلطان صحى من اللي كان فيه

سلطان بعصبيه منها مسكها من يدها بقوه ولفها

ناحيته:انتي مين مفكره نفسك لاتفكرين اني اهتميت

فيك شوي فتنغرين لا ياماما كل السالفه حبيت اتسلى
ريفان طالعته بصدمه وبعصبيه:اجل غلطت موانا
اللي يلعب معاي

سلطان بسخريه:هه لاتسوين لي فيها نادره ومامنك

ريفان طالعته من فوق لتحت :انت مايفيد معك شي

ممكن يكون كلامنا في هذا وبس وترفع الملف

بوجهه

سلطان جن وبنفسه انتي مو حاسه في شي ولا شي

تقدم منها واخذ الملف اللي بيدها:هذا اللي فرحانه

فيه اعلمك وش راح اسوي فيه

فتح الملف وطلع الاوراق وقطعهم لجزاء ورماهم


في وجها


سلطان بقهر:اشوف وش تقدرين تسوين الحين
وشلون بيكون تفاهمنا انسه ريفان

ريفان فتحت عيونها على الاخر مذهوله مصدومه

تعبها وسهرها راح

ريفان : ..............؟؟؟؟


 


رد مع اقتباس

إضافة رد

مواقع النشر (المفضلة)

الكلمات الدلالية (Tags)
متى, ميلك, آحبك, أنا, مني, ترى, تعال, يآ, يولعني, رواية, صبري, فضح, إنا, إنثر, و, ودآك, قربك, كاملة

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


رواية تعال إنثر هنا ليلك و خل ويلك يولعني ..أنا أحبك و أبي قربك ترى مني فضى صبري / كاملة

المواضيع المتشابهه
الموضوع كاتب الموضوع المنتدى مشاركات آخر مشاركة
رواية دنيتي تحلى بوجودك / كاملة أنفآس الورد روايات 1 10-12-2012 12:53 PM
رواية أنا أنثى لا يقف المستحيل أمامها / كاملة أنفآس الورد روايات 3 07-12-2012 01:47 AM
رواية , روايات , رواية غرامية لشابة سعودية فى لندن كاملة رنيمالشوق روايات 0 30-11-2012 07:24 AM
رواية , روايات , رواية سعود ومشاعل كاملة رنيمالشوق روايات 0 30-11-2012 06:57 AM
رواية أنت لي كاملة : من البداية إلى النهاية أنفآس الورد روايات 6 14-11-2012 04:13 AM

جميع الاقسام الاخرى

فضفضه,فضفضنا لنا

روايات,قسم الروايات

Rss - Rss 2.0 - Html - Xml - روايات


الساعة الآن 06:05 AM


Powered by vBulletin® Version 3.8.7
Copyright ©2000 - 2017, vBulletin Solutions, Inc
Search Engine Optimization by vBSEO
ارشفة:Salem Alshmrani

روايات نور الغلا

Loading...