رويات نور الغلا متخصص للروايات , روايات,روايات,روايات نور الغلا للنقاش الهادف والبناء




العودة   روايات نور الغلا > روايات نور الغلا , منتديات نور الغلا > فضفضه , فضفض لنا

مَمْــڶـڪـٺے .. |● ỉ₥ỉ₥ ●|

هاي السلام عليكم ماعندي شيء زين أقوله الصدق بس نوعًا ما جايه أوثّق هالأيام بداية سنة دراسية جديدة (آخر سنة ...


الملاحظات

عدد المعجبين212الاعجاب

إضافة رد
قديم 26-09-2016   #1661
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



هاي السلام عليكم

ماعندي شيء زين أقوله الصدق بس نوعًا ما جايه أوثّق هالأيام

بداية سنة دراسية جديدة (آخر سنة إن شاء الله )

بداية سيئة صراحة نفسيتي سيئة وماغير معصّبة، الناس صايرين أغبياء مره ويرفعون الضغط باستهتارهم

المعلمات تغيّروا علي مافيه إلا حق الدّين نفسها، عاد أنا مررره أحتاج وقت اتأقلم على المحيط الجديد

الشيء الحلو بالموضوع ان رزان معي وأغلب بنات فصل العام معي يعني مب مره متغرّبة

بس لسى الجو غريب خصوصًا بعد 4 شهور إجازة

غصيت قبل شوي بأوريو وبغيت أموت عشان كنت مركزة عالشاشة أكتب < هذا توثيق بعد

المهم الشيء الوحيد اللي بيصبرني هالسنة انها آخر سنة ان شاءالله ، وأتمنى تتحسن الأيام وأتأقلم مع الوقت وأدخل مع الجو

والله يجعلها سنة خير وتمر بسرعة بذكريات حلوة ويوفّقنا جميعًا

معد اجي اكتب واجد هنا لأني ماودي أكتب اشياء سيئة وسلبية لاتذكرتها يضيق صدري ومعد فيه ذيك الأشياء الممتعة اللي بكتبها

المهم يله


٢٦ / ٩ / ٢٠١٦ - اثنين - ٢١:٢١


 

رد مع اقتباس

قديم 14-07-2017   #1662
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



واااو مرة وقت من آخر مرة كتبت !

السلام عليكم ..
أيام يوم كنت اكتب هنا أكثر من مرة باليوم الواحد
خلّصت السنة المذكورة أعلاه :َ)
الحمدلله مابغينا نخلّص تعليم عام، احس بطلعة الروح
جبت 85 قدرات و 83 تحصيلي و96 تراكمي
قدّمت عالجامعات وبيطلع القبول في 4 / 11
اللهم يسّر وسلّم
للحين أحس بتشتت من الأمر ماقررت نهائيًا وش بدخل
بس الله يكتب اللي فيه الخير
ووو وش بعد.. الحين بالشّرقية من اسبوع ولسى بنقعد حرفيًا لمدري متى :َ)
وبنت خالي اول حفيدة بالعايلة تزوّجت
الله يوفقهم يارب
فيه شيء حلو مرة ولذيذ يصير لي هالفترة، بس المشكلة بقاءه غير مضمون
وأكره هالشيء..
ان يصير فيه شيء حلو بحياتي بس بنفس الوقت اي لحظة قد ينتهي وادخل بنوبة عناء تخطّيه
المشكلة مب هنا المشكلة كنت باعدة عنّه فترة قعدت 3 شهور، قد ما اني كنت اعتقد اني تخطيته خلاص
لكن كل فترة وفترة تجيني انتكاسه تجاه الأمر لين قبل اسبوع وشيء بطّلت ابعد وخلاص قلعة
اروى ودلال بيسافرون اليوم واحس يويييلي شكلي بموت من الطفش هنا
متأمّلة بصديقتي يسرى الأمر متوقّف بشكل كبير عليها

البنات جمبي يسولفون وانا متكسسرة احس بي نوم مع ان مالي ثلاث ساعات من صحيت
وبس والله .. للتوثيق كالعادة


14 / 7 / 2017
39 : 15
جمعة
فوق سرير إيمان :َ)


 

رد مع اقتباس

قديم 28-07-2017   #1663
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



وجع كتبت كثير وراح!!! :(

اليوم 4 / 11 ، يوم نتايج القبول
واللهم لك الحمد حمدًا كثيرًا حتى ترضى يارب
انقبلت بجامعة الملك سعود تحضيري علمي
ياحلو شعور اني انقبل بأوّل رغبة، والله يابكيت بكاء وانا أطلّع النتيجة
استرجعت كرف وصياح ومراكض ثلاث سنوات
تذكرت تلاعني مع الأحياء وأ.هناء ونفسيتي بثاني ثانوي
هذاني الحمدلله يارب رفعت تراكميّي وانقبلت باللي أبيه. فخورة بنفسي


بكمّل ثلاث أسابيع بالشرقيّة، ولازال تاريخ عودتي للرياض مجهول
بتكلم شوي
أعتقد ان أبشع شعور يجتاح المرء هو شعور العجز تجاه حزن وتعب اصدقاءه
أكره نفسي لحظة أشوف شخص عزيز يفضفض لي من حاجة ومو قادرة أحدث تغيير جيّد له
في محاولات دائمة لجبر مايمكن جبره ذو،
جيت أمضي شوية وقت هنا، كنت بنام وصحّتني صوت رسالة من شخص بيقتله الأرق
تكلمنا شويتين بعد سوالف ساعات والحين شكلي انتظر هالشخص ينام عشان أنام أنا برضو
هذي احد الأشياء القليلة اللي اقدر اقدمها لصديق، بما اني ماقدرت أساعده ينام بجاريه في أرقه :َ)

5 / 11 ه - 28 / 7 م
4:06 فجرًا
في غرفة لبنى.


 

رد مع اقتباس

قديم 13-09-2017   #1664
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
صباح الخير حياة
اليوم ٢٢ / ١٢ / ١٤٣٨
عندي لقاء تعريفي بعد شوي بروح الجامعة
وقبل امس كان ميلادي الـ ١٩
يخوف اني قاعدة اكبر كذا
وجديًا احسنا مب مستوعبين، كل من قلت له ١٩ اخذ فترة صمت يستوعب
ميمي كبرت....
وعاد ولا شيء، بس جاية اوثّق هاللحظة
صباح الاربعاء - المطبخ وامّي معاي
أمس احسّه كان حلم
تعقيدات كثير وتفاصيل صغيرة واشياء
الحمدلله عدى اليوم على خير
٦:٠٠ ص - ١٣ / ٩ / ٢٠١٧


 

رد مع اقتباس

قديم 27-12-2017   #1665
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



* كلام مرة كثير في هذا الرد, نصيحة انسحب أيها القارئ من الحين *


هلا السلام عليكم

لي كم يوم أبي أكتب وقررت أتفضّى وأدخل من لابتوب عشان أسهب زيادة
أحس كتاباتي هنا صارت توثيق للأشياء اللي أمر فيها, أجي أقرا كل فترة وأحس باطمئنان أني لازلت قادرة على التوثيق

يعني بالمناسبة مدونتي هي المكان الوحيد اللي يسمح لي أكتب بإسهاب, ثرثررررة
فمرة شكرًا


ياوك يا كيف الأيّام تمر
بديت اختبارات نهائية الترم الأول لأوّل ترم جامعي
اللهم سلّم والله العظيم خااايفة , فيه مادة مرة مبلّعتني الحين حالفة أحل كويس بالنهائي الله ييسّر

*تنهيدة طويلة* والله الواحد مايدري وش يقول, أشوف نفسي كيف تغيرت مع الأيام وأحس ما ادري كيف مفروض يكون موقفي تجاه تغيّري شخصيًا
خصوصًا لا قريت لي تغريدات قديمة ولا قريت كتاباتي بالمدونة زمان
أحس انه يااالله ليش مرة تغيرت

بالنّسبة للشيء الحلو اللي بقاءه مهدّد اللي سبق كتبت عنّه, لازال موجود ولازال حلو
لكن مو متأكدة من فقرة ان بقاءه مهدّد,
أحسه صار كابوس يلحقني مدري كيف أشرح بس مهما حَلَت الاشياء , شخصيًا ماحب اني أحب الاشياء مرة

1) دائمًا أحاول اعود نفسي على فكرة زوال الأشياء, مهما حبيت شيء مصيره ينتهي
2) قريت مرة شيء , بما معنى أننا سجناء لما نحب , وأحس فعلًا
فعشان كذا أحرص أحرّض نفسي عالأشياء اللي احبها واستمتع فيها
هالفترة فترة اختبارات, أوكي حرفيًا بادية بالفاينلز من كم؟ اسبوعين الظاهر
وللحين بختبر ثلاث أسابيع قدام , ورزان بكرة بتخلص ؟؟؟ وت لماذا مافيه عدل ؟؟؟
وعلى طاري الاختبارات يعني, اكتشفت انه اكثر وقت اروق فيه بالسنة
الاختبارات الشهرية مو حلوة هي اللي تستنزف طاقتي, النهائية وقت حلو مرة

همم شبعد ؟ مدري على الحماس واللابتوب توقّعت بيطلع كلام أكثر
صح فيه موضوع أبي أتكلم عنه < ترى جلست شوي أفكر شأبي أكتب

مخوّفني الشيء اللي اسمه فراغ
والله يعني إذا شفت شخص فارغ قدّامي أجلس أهدد عقلي: عقلي شوف ترى اذا ماشدينا حيلنا بالحياة بينتهي فينا الحال كذا < ؟؟؟؟
سبب كلامي هذا هو حرفيًا شخصين بالحياة,
الشخص الأول بنت أتابعها بتويتر,
والله العظيم أول ماتابعتها تابعتها عشان صديق لي يتابعها و أثق بذوقه
بعدين اكتشفت انها غبييية
تعرفون نوع الغباء هذاك اللي تستجرئ عالدّين وعلى مسلّمات , ولما يجي أحد يناقشها ترد ردود سطحية
ردود ال أنا ماعندي سالفة بس بسوي نفسي عندي سالفة غصب
يوم ناقشت الصديق اللي بسببه تابعتها, اكتشفت انه متابعها عشان يضحك على غباءها
حسيت الحمدلله توقعت انه متّفق مع افكارها كان بيجيه جلد
ليش يا ترى قاعدة أقولكم عنها؟؟؟ ايوه, ابي اعلمكم انه لا ينتهي فيكم الحال بفراغ حالك لدرجة تسوون أشياء غبية عشان تلفتون انتباه الناس ...

الشخص الثاني شخص من محيطي شخصيًا,
أحزن عليه, أحس بالوقت اللي حنّا نطلع نركض ورى حياتنا هو قاعد بمكانه يتحلّل مع الوقت
والشيء السيء هو أن المسافات والوقت مايساعدوني أكون جنبه وأبدد فراغه شوي

انتبهوا على حياتكم

همهمهمهم, شيء أخير, مدري كتبت عنه بالرد اللي قبل ولّا؟ ما أتوقع,
لكن قبل فترة قطعت وعد مع شخص على شيء مفروض انه هش وراح يُنسى خلال دقائق
لكن يوم بعد يوم أكتشف اني حطّيت نفسي بموقف بايخ, مدري كيف أتخلّص ..

الناس قاعدين يذاكرون اشعارات القروبات ماوقفت عندي
وانا لا اله الا الله خلاص يارب سلّم


إلى وقت آخر , ومرة ثانية شكرًا مدونتي

9 / 4 / 1439 - 27 / 12 / 2017 < آخر مرة أكتب ب 2017

أوكي معليش برجع أسولف
2017 كانت أطول سنة بحياتي , حرفيًا
أحسّها أكثر سنة كبرت فيها
أكثر سنة حرفيييييًا تعلمت دروس فيها

أحد أهم هالدّروس واللي أعتقد انه غيّرني فعلًا
انه لا تفرّطون بعلاقاتكم , لا تفرّطون بصداقاتكم
الناس صايرين أغبياء وسطحيين , نوعية الـ "سماعاتي وشاحني وأكلي أهم منكم"
لا والله .. الناس للناس , دائمًا, مافيه شيء تستبدل الناس فيه
قبل فترة تقريبًا جتني فترة غلقة ثقيلة دم , سحبت على جميع الأصدقاء (ماعدى رزان طبعًا )
المهم بعد فترة استوعبت شالحالة اللي بديت أوصلها , مرة يع مرة لأ !
الحمدلله يارب قدرت أتدارك الوضع
أوكي له تبعات مستقبلية بس قلعة
مخي معد يعرف يفكر يا أخوان , والله حتى المصطلحات أنساها وانا اتكلم
برضو , 2017 أكثر سنة جرّبت أشياء جديدة
اقولكم اكثر سنة احس اني كبرت فيها
من باب اني احسب الاعمار بالتجارب والدروس لا بالارقام

الحين صدق خلاص بروح


9 / 4 / 1439 - 27 / 12 / 2017 < مرة ثانية عشان كيفي
50 : 11 م , بغرفتي , كتاب الكالكالوس بالارض وفوقه الملزمة وأشياء أخرى


 

رد مع اقتباس

قديم 13-08-2018   #1666
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم ورحمة الله وبركاته

تقريبًا 10 شهور ماكتبت
الصراحة دخلت ماببالي شيء أكتبه بس متأكدة بتتسلسل الأفكار
كالعادة تراي بكتب واجد فلو أنت أيها القارئ شخص مشغول لا تضيّع وقتك, مافيه شيء مهم
احسها صارت عادة اني اكتب هنا بين فترة وفترة, زي ماقلت قبل أوثّق وأراقب تغيّراتي

نبدأ بأوّل شيء وأهم شيء.. خلصت التحضيري الحمدلله على خير
وتخصّصت كيمياء عامة
كل ما أحد سألني وش دخلتي ياميمي؟ وأرد فجأة تتغير ملامحهم وينصدمون وبعضهم يشعر بالشفقة علي
لكن الحقيقة اني دخلت كيمياء عن رغبة, رغبتين بعد مو رغبة وحدة
وللأمانة أنا احس بالشفقة للناس لأنهم شوي اغبياء ومايدرون كيف هو موضوع شيّق ومثير للاهتمام
مافكّرت بالمستقبل الوظيفي كثير وأعتقد هذي خطوة غير موفقة, لكن متوكّلة على الله وأعرف ان لكل مجتهد نصيب..
معدلي ماهو ذاك الزود لكن المهم انه لسى فوق الأربعة وان شاءالله بيمديني أرفعه
التحضيري بالذات ماكانت سنة سهلة والله, من نواحي كثيرة عانييت عانيت مرة, نفسيًا أكثر شيء
كنت احس كل شيء ملخبط ومدري شالسالفة واحساس ضياع 24 ساعة, مو داخل أسوار الجامعة بس لأ الفترة ذيك بشكل عام
لذلك عاذرة نفسي على ان المعدل مو مرة عالي لأني اعرف شمريت فيه
لكن الحين الحمدلله احس كل شيء ترتّب وصار واضح, ويكفي اني استعدت توازني خلال هالاجازة

يوترني كيف فيه أشياء نسويها ونقولها نعتقدر انها عابرة بس نكتشف ان لها أثر علينا .. أثر طويل المدى أحيانًا !
بـ2015 رميت كلمة وانا مو منتبهة ووالله بدون مبالغة إلى الآن يلحقني الموضوع
طبعًا بعد الكلمة ذي صار كلام أكثر لكن أقصد هي الأساس, هي اللي فتحت كل شيء
تخيلوا ثلاث سنوات (وغالبًا بيتواصل الموضوع لمدري متى) بسبب كلمة وحدة بس

بعد هالسالفة والله بشكل واضح صرت انتبه لكلامي وأحسب حساب لكلش بكتبه وبقوله
علمًا ان السالفة اللي من 2015 ماكانت شيء سيء, أبدًا, لكن اللي وترني كيف شيء تحسبه عابر بيلحقك مع الوقت

مدري إذا سبق قلت لكم عن هالشيء أو لا بس ترى صار عندي أخت صغيرة أحلى الحلوات
ياجماعة بشكل مخيف ماعمري حسيت اني احب أحد اكثر من نفسي والله العظيم إلا يوم جت للحياة هالحلوة

صح تذكرت, قبل شهر تقريبًا كنت بنجران
طبيعي ان الامور تتغير والناس ينتقلون لمراحل ثانية بحياتهم بس مدري شفيني ما استوعبت الموضوع
أغلب صديقاتي هناك تزوّجوا, وأروى صارت أم, وانا شكلي مب متقبلة الموضوع
بنت خالي اللي اصغر مني زواجها بعد كم شهر وأمي تدقني بالكلام.. اييييه شوفيها خلصت الثانوي وبتتزوج لو أنتي كان سويتي سوالف
والله عاد منب مستعدة
يابثري انا وهالاستعداد أحتاج سنوات عشان اتأهّب للشيء
بس خصوصًا الزواج الصراحة أحس الواحد لازم يصير أنضج شيء بالحياة عشان يقدم على خطوة كذا
عشان مايتوهق بعدين, أو يوهّق الطرف الثاني

والله مدري بس منصدمة من كيف كتبت كلام مرة كثير
للأسف أعترف لي فترة رغبة الحديث والكتابة شبة منطفئة كليًا عندي,
أكتفي بسوالفي اليومية مع صديقاتي وخلاص, قبل كنت أكتب بمذكراتي وأسهب بالكتابة
وكنت أسووولف على أرض الواقع, مدري شصار الحين أحس هدوء داخلي وخلاص انطفت الرغبة اللي أوّل
يعني الحين ودي أمسح كل اللي كتبته فوق واللي مدري كيف طلع أصلا
بس ماودي أندم , الصراحة أحب أدخل اقرأ احيانًا هنا
فنوعًا ما هذي لنفسي المستقبلية < هاي ميمي

أتوقع كفاية كذا خلاص
11:10 م - 2 / 12 / 1439 هـ - 13 / 9 / 2018 م
الاثنين
بغرفتي


 

رد مع اقتباس

إضافة رد

مواقع النشر (المفضلة)

الكلمات الدلالية (Tags)
ỉ₥ỉ₥, ỉ₥ỉ₥, ●|, ●|, .., مَمْــڶـڪـٺے, مَمْــڶـڪـٺے, |●, |●

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


مَمْــڶـڪـٺے .. |● ỉ₥ỉ₥ ●|

جميع الاقسام الاخرى

فضفضه,فضفضنا لنا

روايات,قسم الروايات

Rss - Rss 2.0 - Html - Xml - روايات


الساعة الآن 09:51 PM


Powered by vBulletin® Version 3.8.7
Copyright ©2000 - 2018, vBulletin Solutions, Inc
Search Engine Optimization by vBSEO
ارشفة:Salem Alshmrani

روايات نور الغلا

Loading...