رويات نور الغلا متخصص للروايات , روايات,روايات,روايات نور الغلا للنقاش الهادف والبناء




العودة   روايات نور الغلا > روايات نور الغلا , منتديات نور الغلا > فضفضه , فضفض لنا

مَمْــڶـڪـٺے .. |● ỉ₥ỉ₥ ●|

السلام عليكم من فترة جايتني طاقة ايجابيه مب طبيعيه أتذكر يوم كنت بفترة الاكتئاب ذيك كتبت بورقه بلغة أنا اخترعتها ...


الملاحظات

عدد المعجبين212الاعجاب

إضافة رد
قديم 02-01-2014   #1531
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
من فترة جايتني طاقة ايجابيه مب طبيعيه
أتذكر يوم كنت بفترة الاكتئاب ذيك كتبت بورقه بلغة أنا اخترعتها ! عشان محد من أهلي يفهم
الزبده الورقه ذي محتواها أني بتغير, وتنص على التغيرات اللي ابي اتغيرها
هم 10 يمكن , ماراح اقولكم اني التزمت فيهم كلهم , يمكن سحبت على واحد أو اثنين
أول ماسويت الورقه كان يوم اثنين أو ثلاثاء , ويمكن اربعا
قلت ببدا من الويكند الجاي
جاء ويكند وراح وجا ويكند ثاني وثالث وراحوا وانا للحين ماتغيرت وطفشت من نفسي وذبيت الورقه بالدرج خلاص فقدت الامل
والزبده عاد بعدين مدري فجأه لقيتني باديه اتغير لا شعوريا , وتذكرت الورقه اللي كتبتها ورحت أشوف
لقيت أغلب الاشياء صرت أسويها بدون ما احس الزبده قسم بالله
أني الحين مرتاحه نفسياً وجسديا صرت مدري اشوف الحياة من ناحية أخرى
وماصرت أتضايق زي أول وبعد ماصرت أعصب كثير
وصرت اشوف الاشياء ايجابيه دايم , الزبده وشو
إيه يوم الاثنين اختبرت تفسير تخيلوا
قاعتي بالدور الثاني ماهظتمه ياخي
بالعاده اصير بالدور الثالث وخلاص متعوده على الدور الثالث قاعتي مقابلة قاعة هيا هالسنه مخلين قاعتي مع رزان تحت مكاني عند الجدار اهم شي
الزبده يوم اختبار التفسير
وزعوا علينا أوراق وانا مذاكره يعني, واناظر الورقه, يارجال! وش ذي الاسئله؟ وشو قريش؟ وشو سورة الاخلاص ؟ ممممتى خذيناه ذا ؟ وش ذي الاسئله ومعاني كلمات غريبه
واجلس اناظر ياولد هذا حق ثالث ؟ اناظر الماده ؟ والصف حق ثالث ؟ ايه ثالث واجلس اتذكر الكتاب ماذكر ان فيه كلمات كذا
وبديت أحل من راسي حليت سؤآلين وتجي المراقبه قالت اسحبوا أوراق ثالث لآن النموذج غلط
وانا احس بانتصار وابتسم هذيك الابتسامه وخذوها مننا وعطونا الورقه الثانيه
وانطلقت بالحل سهل مره مره
ويوم نزلنا على طول طلعنا الساحه الخارجيه انا ورزان لآن هيا مع اميره
وجت لمياء تتبيثر علي مع نجوى , نجوى فيها جرح كبري بوجهها وتغطيه بيدها على اساس ماراح نشوفه ؟
الزبده وجلسنا نسولف وكذا يوم جميل
ويوم الثلاثاء حاسب , عاد انا الحاسب هذا عقدة حياتي ودايم احس انه صعب
يوم ذاكرت حسيته سهل وحليت زين
والحين يوم الاحد علينا رياضيات سهل الرياضيات
بس شايلة هم التوحيد ياخوي أ.ريما ماتشرح؟ والله ماتشرح تدخل تسولف وتطلع (؟)
عآد توحيدنا كلام كثييير وفوق الكلام ذا حنا نحتاج أحد يلخصه لنا يفهمنا الزبده , بس أستاذه ريما الله يهديها تدخل تسولف تسولف وتطلع وحنا بناكلها يوم الاثنين شكلي ببدّع والله حاسه ان التوحيد هو اللي يبي يخرب علي
للحين مابديت أذاكر اليوم مريت كذا على التوحيد , ومستغربه من الناس اللي بادين يذاكرون من الحين
ماش ابذاكر اليوم واذا جاء الاختبار الا انا ناسيه وكلش كل ماده بيومها أحسن
ماقلت لكم؟ زوجة أبوي ولدت جابت ولد وزينوووه
وأبوي سحب علي ماسمّاه عبدالله سمّوه *تميم*
ماكان عاجبنا الاسم حتى زوجة أبوي ماقتنعت فيه, بس بدينا نهظمه الحين
أيه وخلاص مدري شقول كنت بناظر فلم بس امي جت تهاوشني قبل شوي مافيني نوم طيب
هالايام أنا والنوم هواش بالطقاق انام ساعه اتشقلب لين يجيني النوم
وخلاص مدري الحين كاني بواصل واناظر فلم ولا بهجد وبنام
ودي احط رابط الساياتمي عشان تكتبون لي, بس ممنوع
رزان اليوم تقول احب انرفزك ؟ تقولها بوجهي قلة حيا </3
اف ياخي صايرة احب الحليب بارد اول ماااكنت احبه بس مدري شجايني عليه هالايام
شايلة هم الفصل الدراسي الثاني تدرسنا استاذه غير استاذه شريفه ياحبيلها ياخي :(
تناديني فطوم هههههههههههههههههههههههههه :( وميانه معنا وتخطط لنا والله احبها مره مابيها تروح
واستاذه عواطف بعد حق الرياضيات تخيلوا هما ممنوع تعطينا اسئلة المراجعه ؟ تحلها معنا وتاخذ الاوراق عاد انا ونجوى ولمياء نكتبها بالدفتر -مخ -
الزبده المراجعه الخامسه طقت كبدي ماكتبتها نجوى غايبة ولمياء مستأذنه اكتب لحالي ؟
وماكتبتها , وبعدين بالاخير ندمت وقلت للاستاذه اني ماكتبتها وكذا عطيتها كم كلمه
وراحت صورت لي الاوراق وعطتياهم ههاهاها
وخلاص طفشت اللي بيقرا قرقي كله يعلمني انه قرآه
يله معسلامه :*

1 / 3 / 1435
15 : 10 م
الخميس


 


رد مع اقتباس

قديم 05-01-2014   #1532
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



صباح الخير
صبح صبح ياعم
شخباركم ؟ اليوم اختبار رياضيات وذاكرت زين ان شاءالله سهل
قايمه بدري والحين قاعده مدري شسوي -نصابه تحتري ابوها يجي-
اليوم حاطه كعكع عشان رزان, لها 60 شهر تقولي سوي كعكع وانا ساحبه عليها واليوم سويت عشانها
يله معسلامه اللي يقرا يدعيلي واذا قرا بعدين يعني صرت مختبره ومخلصه يدعيلي بالمواد الجايه -غالبا ادعولي بالتوحيد-
متفائله بان اليوم يكون جميل اذا صار جميل يعني انه جميل

يله معسلامه


 


رد مع اقتباس

قديم 13-01-2014   #1533
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
أف اليوم أخر يوم لي بالاختبارات , حديث
ومرتبكه مره خايفه من أنه اخر اختبار ولازم يعني احل ازين شي اقدر عليه
الزبده عآد يوم رجعت من المدرسه وجلست مع يوسف وحمزه -بيت خالي محسن جايينا من امس -
وجلسنا ثمن طلعوا هم راحوا لموعدهم
ومحمد بغرفته وأمي بالصاله
وانا بالمقلط دخلت قروب صديقاتي أشوف نوف كاتبه نتايجنا طلعت
وانا منصدمه؟ أمداها ومتحمسه قلت مستحيل تصير تستهبل!
وأروح اجيب اللاب والشاحن والورقه ذيك وانا شوي ويغمى علي من الخوف
وصصصصدقق خايفه أول مره اخااف كذا
وافتح اللاب وأحط يوم ادخل تقارير الاشعارات عيني وخّرت ! احس كذا مابي اناظر النسبه
العام نسبتي بالاول 80 والثاني 79 ؟؟؟
الزبده وأقول مابي نسبه عاليه والله لو تجي 86 اصير راضيه مره توقعتها بتجي 83 كذا
الزبده يوم فتحت ولا هي 89
ماقدرت اصارخ وماقدرت اتكلم ولا شي غطيت وجهي وجلست اشاهق من الصدمه والفرح :(
أول مره بحياتي أصيح عشان فرحانه ومنصدمه وبنفس الوقت أحس اللاب يستهبل علي شوي ويقول أمزح هذي مب نسبتك الصديقه ؟؟
الزبده وأغطي وجهي ومدري شسوي ولمين أقول؟ أول شي علمت القروب يقولون فخورين فيك أف جعلني
ورحت كلمت عبير بس مايوصلها
الزبده شوي وجا محمد للمقلط وعلمته ورحت لأمي
قلت لها : يمه شوفي , هذي درجات دنيا اوكي! وترا يعني انا سويت اللي أقدر عليه, أنا العام كانت نسبتي 79 , وصدق سويت اللي اقدر عليه يمه ! , واقولها بنبره كذا زعلانه
وهي شوي وتدخل مخي تطلع الكلام قلت العام نسبتي 79 , الحين يمه نسبتي 89
واستانسنا وخلاص

ذي النتيجه


يله معسلامه بروح هنا وهناك أحوس

12 / 3 / 1435


 


رد مع اقتباس

قديم 13-01-2014   #1534
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



اوكس والله ضحكت ضحك على تقييمك

ذي ماده غثييييثه ياولد أحمد ربك انها مب عندكم
كلها خياطه وعنايه بالبيت وطبخ وكيف تصيرين مثاليه ,
معنى الغثى , لحول ذالماده واقفه بحلقي



الزبده تذكرون متى حطيت رمزيتي ذي؟
اتذكر اني قايله بحطها ومنيب شايلتها الا اذا صرت بثالث متوسط
والحين انا بثالث بس مالي خلق اغيرها مع انها دابله كبدي


 


رد مع اقتباس

قديم 25-01-2014   #1535
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
والله مدري شجايني اليوم, اليوم بالذات
طفشانه وففففاضيه ماوراي شي لامطبخ لاسوني لامذاكره وش ذا الملل
باقي لي 100 مشاركة وادخل حدعشر الف تتوقعون أجيبها ؟
ياربيه والله صدق وش ذا ؟ ولا احد اسولف معه ومحمد ذالمدري شقول عنه ينام بدري حتى بالاجازات
طفش مره ودي اطلع اتمشى اغير شي بس مالت هه
الساعه اثنتا عشر منتصف الليل وانا مالي خلق اسوي شي
مدري احس اني بحس بعد شوي اني جوعانه والله فكره ليه ما اناظر فلم اون لاين ؟ بس منين لي فلم
امس ناظرت فلم والله رهيب , ساعتين طوول الفلم واعصابي مشدوده
وفيه واحد يشبه زياد الله يذكره بالخير اللي كان معنا قبل سنه ! تفداك روحي
وخلاص مدري شسوي الحين الا اني صدق طفشانه وادور شي أسويه
يله باي ياشريرين ياقاسين اهه انا مجروحه انا قلبي طيب


 
o² «, ҝєtмaη و اعشق تفاصيلك معجبون بهذا.


رد مع اقتباس

قديم 28-01-2014   #1536
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



هاي
شخباركم أمس كان فله مره
دآومت وداوموا البنات كلهم محد غاب الا سهاد
بالصبح جلست اسولف مع موضي ووردة وعبير ونسولف
ثمن يوم جت الفسحه وعآدي عآد يوم بالرابعه انا ونجوى ولمياء رحنا ل ثالثه أول
ماكان عليهم أحد وجلسنا عندهم نستهبل مع الاء ورغد ورزان وهيا
ونسولف ونستهبل ونتبيثر ماخلينا شي الا وسويناه وجلسنا عندهم لين السادسه مدري الخامسه
ورجعنا فصلنا , وجلسنا كذا طفشت
ويوم رنّت السابعه كل وحده راحت صوب اللي انحاشت واللي ب ثالثة أول واللي بالفصل
عآد انا طلعت وأطل من فوق اناظر اللي تحت
فيه فصول نازله مدري مين ونجوى تمشي ماتدري وين ربي حاطها
رحت لشهد وقلت امشي خننزل ونزلنا لقينا أ.رحمه عند الباب قالت انتوا 3 / 3 ؟ قلنا ايه وطلعتنا
ورحنا جلسنا مع سحر وريوف ونجوى , وسحر تنغز بالكلام يمين بالله مدري وش اسوي فيها ذالبنت كانت بتنكب
وثمن شهد راحت قعدت مع بنت عمها , وانا جلست مع نجوا, وريوف وسحر راحوا
وتعرفون اللي طفش وحر وماعندك شي تسويه جلسنا نسولف لين خلاص طلعه رقينا ل الاء ورغد
الاء ذا الايام تفصل علي واجد الله يهديها تعرف اني ماحب احد يقرب مني وتقرب ذال***** (ماسبيت)
الزبده بكره بنسوي قطه وخلاص مدري وش جايه اسوي بس بقولكم ان ذا الاسبوع شكله بيصير فله
اليوم بالباص جالسه ونوف معي وانا اناظر فيني نننننوومممم
تغطيت ونمت ماحسيت بشي دايخه بشكل!
وقمت فجأه مالقيت نوف قلت شكلها نزلت واناظر ويننا كذا الباص فاضي فيه بنات شويين والباص موقف عند بيت لونه نفس بيتنا انا انخرشت حسبته موقف عند بيتنا وبيروح
يوم طار النوم صار مب بيتنا ويوم وصلت البيت على طول نمت بدون تفاهم وماقمت الا المغرب والحين احسني دايخه نوم
أ.شريفه و أ.بندري بيدرسونا ذالترم يعني ان شاءالله ضامنه درجاتي
وخلآص مدري شقول يله معسلامه بروح مدري وين كذا بروح

27 / 3 - 35 : 11 م


 


رد مع اقتباس

قديم 31-01-2014   #1537
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



صباح الخير
أمس اسولف مع رزان بالقروب وكل شوي يعلق كيبوردي
rae blog.
والله منقهره انا معلق كيبوردي ويضغط من نفسه وهي ميته ضحك ؟؟؟
الزبده جلس شوي وصلح
اليوم جمعه وأمس طول اليوم مطر عآد قلت لو نروح اليوم البر يارب عمي مايجينا
الزبده طفشانه مره أحلامي هاليومين مدري شتبي! فعلا مدري شتبي...
أمس اقول لحميد ليه مانشتري كمبيوتر عآئله والله احس اني مشتاقة اجلس عليه وألعب العاب طبخ واحرق الطبخ ؟
اللاب كذا احسه خلاص مدري شلون اوصف لكم أحسه صار كذا ماحبه من يوم خربت البطاريه وانا كارهته بس اشوف افلام فيه وادخل هنا
يليل والله مالي خلق أتحرك عآد بروح اسوي اي شي الحين
يله معسلامه


 


رد مع اقتباس

قديم 02-02-2014   #1538
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلآم عليكم

بكتب عشان رزآن بس
شسمه اليوم كان فله مره مب مره بس أحسن من قبله
بالفسحه وحنا نازلين نادتني افنان ومعها ريم , ويوم رحنا لها عطتنا علبه فيها كور سودا مدري بنيه قالت خذي
قلت وشو ذا انا احسبه زيتون كأنه زيتون! قالت خذي خذي معليك؟ وانا اقولها وشو ذا طيب أحسبها بتسوي فيني حركه
أحسه زيتون , ثمن قلت لا مب زيتون شكله بلاستك بيكسر سنوني
ويوم ترددت ثمن خذيت وصار شقلاطة طعمه جميل وعاد جلست مع هيا ورزين يالله ضحكت ضحك! يمين بالله يضحكون ذالسامجات
ثمن يوم رقينا الفصل فجأه أشوف كل العالم يحفظ قرآن؟ وغيداء مرتاعه تقول فيه تسميع ؟ صار بيسوون رحله وبديت أحفظ
أحسن شي يوم نزلنا السابعه , نازلين حنا و 3 / 1 -فصل رزان وهيا- وفيه فصول بعد اتوقع كل المدرسه
والزبده رزان وهيا وشهد ولمياء القحطاني جلسوا
وانا ولميا قمنا نتبيثر ونمشي , ونروح نحارش آلاء ونجوى
هما انا وهيا نخاف من نظرات نجوى اذا عصبت؟ مب اذا عصبت دايم نظراتها تخوف اليوم ولمياء يوم جت تحارشها قامت نجوا تعطيها هذيك النظرآت , لمياء ذالسامجه قالت " عيون نجوى تطلع أقلام "
يعني عيون نجوى زي المسدس تطلع اقلام تطعننا فيها , عآد ضحكت والله يضحك مره تخيلت شكلها يعني
وثمن رحنا نحارش الاء , ذالبنت صايره تفصل علينا واجد , الله يهديها
اليوم الصبح جايه متأخر دخلوا الفصول قلت بمر فصل 3 / 1 جمب فصلنا بناظر رزين وهيا جايين ولا لا
وتوني لفيت والا أ.موضي من نص الممر تعطيني نظرة ال " على فصلك!!!" انا قمطت ولفيت رحت ماشفت
جتنا أستاذه جديده ياربيه حصتها تجيب الصداع
هي للعربي , تتكلم فصحة وكلامها كثير ! يمين بالله تدخل بموضوع وانا منتبهه معها , بعدين تجلس تتكلم تتكلم انا أسرح واروح بخيالي وكلش بعدين لاخلصت ارجع اصحصح والقاها لسا ماخلصت كلامها ولاوصلت لنصه
عآد أجلس أرسم على الكتاب والطاوله أغلب شي , ولا اسولف معي ولا اسوي اي شي لين تخلص
تخيلوا الحفظ معطيتنا 15 بيت ؟ الله يذكر أ.تغريد بالخير ,الكتاب يجيب 90 بيت هي تقول أحفظوا 5 ابيات </3
حايمه كبدي من الايباد ذالفتره ,
عآد الحين ذبيته بالغرفه وخلاص ما افتحه الا فترت العصر , اللي اصلا بالغالب اكون نايمه
برامجه كثيره! مايمديني اطلع من برنامج الا وداخله ثاني!
تويتر , انستقرام , بيبي , لآين , أسك , كك , أوفو , عآد كل برنامج يبيله ساعتين على الأقل
الحين شحنت الايبود , خفيف وصغير وبس فيه الكك عشآن اسولف مع رزان واذا طفشت مره مره دخلت الاسك من سفاري
امس كنت متحمسه للنصر والحمدلله فآز , انا مب نصراويه بس صدقاً أكره الهلال, وغرورهم وثقتهم اننا بنفوز ومدري وشو
الزبده خلاص مدري شقول يله معسلامه بروح ل ولا مكان

2 / 4 / 35 - 59 : 9 م - الاحد


 


رد مع اقتباس

قديم 02-02-2014   #1539
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



هههههههههههههههههههههههههههههههههههههههههههههههههه هههههههههههههههههههههههههههه شوفوا رزان كتبت عن الكفوف
أه بصيح من الضحك كل وحده تصفق الثانيه وتصرخ
لمياء تعطي الاء كف وماتستوعب تقوم تصرخ! والاء تعطي لمياء كف وماتستوعب تقوم تصرخ اهه هههههههههههههههههههههههههههههههههههههههههههههههههه هه


 


رد مع اقتباس

قديم 03-02-2014   #1540
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,102
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
وين الناس فجأه تختفون ؟
شسمه اليوم جميل مره
جيت الصبح كالعاده الناس دخلوا الفصول ومريت على فصل هيا مالقيت أحد ورجعت لفصلنا مالقيت الا ساره العيد
ساره واقفه عند الباب واي وحده تقل تجلس تقولها حياك الله الفصل فصلك ارحبي ارحبي
وبعدين بدوا البنات يجون شوي شوي وثمن قعدت مع لمياء وغيدا البديع ورآ ونسولف وجت نجوا وجلسوا يحارشون بعض هي ولمياء
وهمآ لمياء جايبه قهوه ؟ جالسه تشربها هي وغيدا , وانا ونجوا ماشربنا
الزبده هما حنا جالسين على طاولات ؟ الا لمياء جالسه على كرسي وحنا جلسنا نطبع برجلينا على مريولها
وتعصب تقوم تكبكب قهوه علينا لحول
وبعدين يوم نزلنا فسحه وتوزعنا وانا مع هيا ورزان تقول هيا ابي قهوة لمياء وينها ورحنا ناديناهم ورقينا
وكان فيه بنت نظآم جالسه بالدرج طيب ؟ هيا ولمياء يرقون وماتقولهم شي ! وانا ورزان يوم جينا نرقى قالت وين ؟ وقفنا حنا مادرينا وش نقول
شوي والا الاء ورغد ونجوى وكلهم يرقون بدون ماتقول لهم شي قلت لرزان امشي بس ورقينا
وتونا دخلنا الفصل نشرب جونا بنات نظام يله تحت بصرعه بصرعه اسمها بسرعه ؟؟
واقول لبنت النظام انا جالسه انزلهم يله بينزلون بعد شوي وتروح ويجلسون يشربون هم
ثمن جو مره ثانيه بنات النظام وكرشونا رحنا جلسنا على الدرج من النص
وحنا كثيرين مره جو قالوا لا مافيه انزلوا بعد عشان مانروح وترقون يليل ونزلنا شوي
وجلسنا وخلاص
بحصة العربي كل ماتشوف شي حلّه طويل تحطه واجب وجع وجع العربي مايعطون واجبات فيه وش تبين من حياتي انتي
عطتنا واجبين, الواحد كلامه أطول مني! ياربيه
والعلوم عطتنا حق المطويه , عآد حليت كل الواجبات بالمدرسه منها ان مالي خلق بالبيت منها مابي اخذ الكتب معي خليتها هناك
والسابعه نزلنا كل المدرسه نزلت
كنت انا مع افنان وسهآد ورغد طيب؟ وافنان تستهبل تقول انا أفنان ماشي كماها وتتخصر شكلها يضحك
ماشي كماها يعني مافيه مثلها , وافنان تقول خنقول كذا ل الاء عشان تعصب من شسمه
وانا اروح ل الاء قلت انا روبي , قصدي فاطمه ماشي كماها ولا تمسكني هذيك المسكه
وذالبنت صراحة يعني صراحة صراحة انا اخاف منها اذا توحدت فيني معليش البنت كبيره ماقدر عليها
وتمسكني وتسحبني وانا انادي افنان سهاد بس ذذال... مايسمعون انبح صوتي
وتسحبني لعند الباب الاخضر وكآن جمبنا بس من بعيد شوي هيا ورزان يكلمون شهد وانادي انادي ياربي وش ذا مايسمعون ؟
الزبده كان بيصير شي مب زين استغفرالله استغفرالله والله اني قمطت بس ياربي لك الحمد رزآن جت كأنها دريل بيننا فرقتنا شكرا رزان كنت بروح فيها
بعدين عآد رحنا نمشي انا ورزآن وكذا ندور ندور قآلت رزآن خنروح لالاء نقولها روبي ماشي كماها ؟
ونروح وحنا ماخذين حذرنا لاتصفقنا ولا تسويلنا شي طيب؟
ونروح جت رزان وقفت جمبها وقالت بهدوء وكل أدب "روبي ماشي كماها" وجاها كف مصفي الطبلون
انا مادري انحاش من الاء ولا اضحك على رززآن اللي طارت مترين من الضحك
ونبي نحارش الاء وكل شوي تعطينا كفوف ثمن لفينا ورحنا
يعني رحنالها وكلينا كم كف ورجعنا ولا كأن شي صار لا ونضحك بعد
ويمين بالله ممميتتتين ضحككك!! عشاننا تصفقنا
بعدين عآد خلاص جلسنا مع هيا ولمياء ونجوى بالزاوية ولمياء تتبيثر
ومدري ماذكر صآر شي مهم بعدها وفيه أشياء ماقلتها او نسيت مدري
واحس كلامي يلحس المخ فوق ترا اكتب وانا مستعجله
الزبده يارب بكره محد يغيب وجع كأنهم خرفان نطارد وراهم يداومون لمياء ولمياء وهيا ورزان وسهاد ورغد بيجون ونجوى والاء الحين بسألهم

شسمه خلاص مدري شقول يله معسلامه

أيه واتحداكم تفهمون سوالفي اللي فوق انلحس مخي وانا اقراها

يله معسلامه

3 / 4 / 35 - 55 : 6 م - الاثنين


 


رد مع اقتباس

إضافة رد

مواقع النشر (المفضلة)

الكلمات الدلالية (Tags)
ỉ₥ỉ₥, ỉ₥ỉ₥, ●|, ●|, .., مَمْــڶـڪـٺے, مَمْــڶـڪـٺے, |●, |●

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


مَمْــڶـڪـٺے .. |● ỉ₥ỉ₥ ●|

جميع الاقسام الاخرى

فضفضه,فضفضنا لنا

روايات,قسم الروايات

Rss - Rss 2.0 - Html - Xml - روايات


الساعة الآن 12:46 AM


Powered by vBulletin® Version 3.8.7
Copyright ©2000 - 2018, vBulletin Solutions, Inc
Search Engine Optimization by vBSEO
ارشفة:Salem Alshmrani

روايات نور الغلا

Loading...