رويات نور الغلا متخصص للروايات , روايات,روايات,روايات نور الغلا للنقاش الهادف والبناء




العودة   روايات نور الغلا > روايات نور الغلا , منتديات نور الغلا > فضفضه , فضفض لنا

مَمْــڶـڪـٺے .. |● ỉ₥ỉ₥ ●|

السلام عليكم صراحه الوضع ماينسكت عليه .. يعني وشو بأي حق ياخذون اللاب مني مب انا اللي كسرته كسر الله ...


الملاحظات

عدد المعجبين212الاعجاب

إضافة رد
قديم 28-08-2013   #1511
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
صراحه الوضع ماينسكت عليه ..
يعني وشو بأي حق ياخذون اللاب مني مب انا اللي كسرته كسر الله راس العدو
والحين قالوا بيعطوني لاب حمّود , على فكرة داخله منه
قسم بالله مكسر فيه زر ضايع رايح فيها
وعلى كذا مايشتغل الا على الشاحن
واقول لأأني يقولون مالك الا كذا هماك مهمله -اغمى عليها-
لا صدق خير ؟ مب انا اللي كسرته مب انا اللي كسرته مب انا اللي كسرته مب انا اللي كسرته مب انا اللي كسرته !!!!!!!
واذا قلت عطوني حقي ولا اشترولي جديد يقولون عندك ايباد طيب اللاب ماله غنى
حسبي الله بس قسم بالله ما اخليهم يايرجعلي اللاب حقي ولا يشترون لي هين أصبروا بس يحسبوني زي امي مسكينه وبسكت لا والله اوريكم
اصلا مدري كيف انا متحمله عايشه معهم لما الحين
خلاص بس بقولكم ان قلّه دخولي مب بيدي واشتقت لكم
وخلاص معسلامه بدخل الحين بس من الايباد أبرك من وجه ذا اللاب المنتهي
معسلامه


 


رد مع اقتباس

قديم 01-09-2013   #1512
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
شخباركم ايه ادري بكره مدرسه اص خلاص
كل يوم انام بدري الساعه 11 وانا نايمه بس اليوم؟ سبحان الله كذا بقدرة قادر النوم طار
مع اني قايمه بدري قومني أبوي 8 و 22 ورحنا المستشفى تخيلوا
هما كان فيني نقص فيتامين د ؟ هذا قبل 5 شهور صرفتلي علاج وقالت داومي عليه 3 شهور وتعالي لي
ويوم قضت ال3 شهور سافرنا نجران وجلسنا شهرين والحين جيتها
الزبده حجرت لي هي اساسا أمي مادخلت معي, أبوي اللي دخل معي
وجلست تسألني الدكتوره تاكلين زين؟ تسوين رياضه؟ تنامين الليل؟ وانا لا لا لا
بغت تصقعني بالكيبورد ذا اللي تحوس فيه وجلست تهاوش مب تهاوش بس كذا يعني تهاوش تقول نضامك غلط بغلط ونموّك متوقف والضغط نازل وبنسوي لك تحليل دم سكر فيتامين دال وفحص نظر وشو وش سويت انا !!!
ثمن قالت لاتسهرين لاتشربين مشروبات غازيه وابتعدي عن الاكلات اللي مامنها فايده وجابت لي فاتح شهيه لين تطلع نتايج التحليل وطبعا فاتح الشهيه قلت بسحب عليه خير والله اني اكل زين وانام الليل وش ذا
وأبوي قال شكل الاجهزه بتصادر هلا يبه والله أحبك
ويوم قلت لأمي انقهرت تقول ليتني رحت معك تبي تزيد الطين بله ادري والله انها تبي تقول للدكتوره عن نظامي السيء جداً
الزبده, والله اني انرحم
وعاد رجعت البيت والا انا مشتهيه بطاطس مقلي وسويت لي وادور شي أشربه فيه عصير منقا أيه منقا تبوني أقول مانجو ؟
واناظر ولا فيه هولستن فراوله سرقتها ورحت غرفتي شربتها كلها ماكان مشروب منها الا جغمه
والزبده, يوم الثلاثاء بروح لعند العيون أخاف يلبسوني نظاره بسم الله لا يارب
أقولكم امس اللي هو اليوم الزبده صباح السبت لبست مريولي أجرب
قسم بالله عريييييييييييييييض كذا كأني داخله بوسط خيمه !
وطوييييييييل وديناه الصبح وجابوه الليل وصار زين
انا عطيته أبوي وقلت له المقاسات راح زود نص نص نص ؟
وشو بعد؟ كلمتني هيا الليل تقول 6 وربع وانتي بالمدرسه ان ماجيتي بدري احش رجلينك حش عنيفه هالبنت طالعه منها انا
وتقول ترا بنطقطق على بنات 1 جهزي نفسك لاتاخذون عنا فكره سيئه ترانا مؤدبين بس هي احيان تشطح !
وبعدين على الساعه 11 تروشت المفروض اني متروشه من 11 الظهر عشان يمدي شعري ينشف يجلس يومين لين ينشف ؟
والزبده, تروشت 11 وطلعت حاكيت نوف قالت لي استشوري فاضية انا والله ماستشور يخب عليهم لو جيت بمريولي
والحين تقلبت ابي انام ماجاني نوم :( ؟ هلال يهايط علي الساعه 12 يقول نامي وراك مدرسه ولا بكلم أمي تاخذ ايبادك ؟
وتقلبت تقلبت ماجاني نوم بعد شوي بقوم اغسل المواعين
حميد كان بيغيب هما نظامهم مقررات مايداوم الا الثلاثاء
عاد رحت لم امي وقلت لها لاتخلينه يغيب ومن هالكلام لين عيّت عليه يغيب أي اجل وشو الدنيا فوضى اداوم لحالي ؟
تعالوا وراي ادخل المنتدى من الايباد يعيي يفتح ؟
حسابات مدريد كل شوي واحد مسوي لي فولو
وخلاص الحين قلت منيب مستشوره والشوز الله يكرمكم ضايع احتري امي تقوم عشان اسألها شريته ومدري وين خليته
وبعد شايله هم المدرسه بدون ديما سلمى نجود امل منار زوز أيان أروى :( </3 ...
وخلاص , مدري وشو بس ان شاءالله اني بتحسن ذي السنه صدق يعني, امي كانت تبي تنقلني فتحت معي الموضوع مرتين وأقولها تنقليني منيب مداومه قالت بشوف بالفصل الدراسي الاول ماتحسنتي نقلتك ..
وخلاص بروح الحين يمكن أحاول أنام يمكن ادور شي أكله جججوعانه وأهلي مايعترفون بالاندومي
وخلاص معسلامه


 


رد مع اقتباس

قديم 01-09-2013   #1513
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
شف داخله من ايباد ومب مسولفه واجد بس بقولكم
شخباركم ،
خن اسولف لكم امس مانمت الا 3 الفجر وقمت 6 الا عشر
ويوم رحت رقيت ادور اسمي ، 1/3 مالقيته يوم جيت عند بنات ثالثة ثاني اناظر كانه مكتوب اسمي واقول لايارب لا واناظر هو اسمي عاد سويت نفسي ما ادري ورحت ادور بثالثة ثالث
بشاير وحصه ورزان ونوف وهيا وهاجر وريناد بفصل ١/٣
وانا حاطيني مع غيدا وشادن وموضي اوكي صديقاتي بس مب مره... يمكن موضي اقدر اخذ واعطي معها فيها مني كثير بس غيدا وشادن
وعاد هيا عصبت وراحت تحاكي ابله منيره عشان يحطوني معها وقامت تهاوش ابله منيره مريضه الحمدلله والشكر
ومعي بالفصل اروى وساره ياحبيلهم
وعاد جلست طفشانه طول اليوم مالي خلق
وخلاص كان اليوم م ل ل وضيقة صدر كل شوي اناظر فصل ١/٣ على اساس بتطلع منه سلمى ونجود وامل :' وادور زوز ومنار وديما واروى وفاقده ايان :( هذا وهو اول يوم :(
والباص مب فيه سلمى يالله فقدناهم :( ، ومدري ليه كنت متضايقه قوة فجأه كذا
يوم وصلت 1 ماعطونا سابعه صليت واناظر ولا نجود محاكيتني
تسأل عن المدرسه وكذا، عاد انا كبيت كل شي عندها قلت لها اشياء مدري من وين طلعت
وحطوا على جمب المدرسه بالساحه الخارجيه شبك مايمدينا نروح ورا المدرسه
وخلاص المدرسه مب زينه ابد ابد والبنات نتف مب زينات
وانا بنام الحين معسلامه


 


رد مع اقتباس

قديم 12-09-2013   #1514
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
شخباركم بسولف اليوم واجد ان شاءالله
آيبادي خرب نص الشاشه اسود واذا بصلحه 600 منين لي عاد قلت لأبوي يصرفني وشو طيب
اليوم الصبح بالطابور هما هيا مب معي بالفصل بس بالطابور نصف مع بعض محد يدري
الزبده ونسولف ثمن جت أ.اميره تتكلم بالاذاعه
تقول ان فيه أم طالبة جتنا تقول حللوا بنتي توفت أمس, وهذي الطالبه اللي توفت من بنات العام
انا جتني قشعريره وكل اللي ببالي سلمىديمااملنجودزوزمنار وصديقاتي اللي ب 3 العام, خفت مره ومسكت هيا! ابي الاستاذه تقول الاسم بسرعه وبنفس الوقت تذكرت ساره الله يرحمها
والا يوم تقول أ.اميره رنسه البيشي جتني قشعريره لا اراديا شقهنا انا وهيا واللي معنا ررسسنه!
الله يرحمها, ماكانت علاقتي معها واجد أبد بس اسمع عنها وكذا كانت صديقة هيا هي
هيا مسكتني تضحك وخانقتها العبره تقول فاطمه بصيح يالله وتحط يدها على فمها
قلت لها اصبري انا تو ماستوعبت
ويوم مشت الطوابير ذبينا الشنط بالساحه ورحنا الحمامات وهيا فجأه قالت يالله فاطمه , انا ساكته
غطت وجهها بيدينا وقامت تصيح تصيح بقوه انا مادريت وش اسوي خميتها وقمت اهديه
المشكله انا وهيا شلون أقولكم -تحك راسها-
بشطح شوي نحب بعض مره بس مب مثل باقي البنات اءءءءء وحشتيني شعاده ؟
ماعمري خميتها هذي اول مره اخمها بحياتي, اوكي نحب بعض بس حتى بعد الاجازه مستحيل تشوفنا ضامين بعض ولا نصارخ ونقول اءءءء وحشتيني ؟
الزبده, المشكله انا قصيييره وهيا طوييييله مدري شلون ضميتها مطوله نفسي وهي نازله
وجلست اهديها بعدين قلت لها تدعي لها وكذا والمرض اللي كان برسنه ان شاءالله تكفير لذنوبها
يوم عاد رحت الفصل كان علينا أ.نهيل متغير وجهها وموضي بعد قافله اخلاقها عاد كانوا صديقاتها مره
بالاخير يعني عدت السالفه بس مدري ليه كل ماسكتنا أو سمعنا الجرس تجي ببالنا يقولون حادث ونصهم يقولون كانت تعبانه
امم وشو بعد, مع بداية هالسنه تغيرت اشياء كثير صدق فيه ناس وعدوني واخلفوا وعدهم !
ماراح اذكر الاسماء بس يعني , عموما الله يستر عليهم
المدرسه بدون سلمى تجيب الهم يا لله :( مب سلمى بس كلهم بس هي وزوز اكثر شي :( حتى نجود فاقدتها
كلهم بالرقي وانا على اساس بروح معهم ابي سلمى بالاخير صارت بالجيل هي, واذا بروح معها ابي زوز واللي بالرقي :(
مدري شلون بسوي الله يعين, الباص صاير كئابه اول قبل ما اعرف سلمى كنت انام ولا كذا اجلس هاديه
ثمن يوم عرفتها صرنا نتبيثر ونستهبل وكذا, يوم راحت رجعت انام وهاديه :(
اخلاقي قافله هاليومين بس ياخي من جد الناس صاروا يرفعون الضغط
اهلي ماتمر دقيقه الا وهم مناديني كأن مافيه بالبيت الا انا اعوذ بالله
عاد احتريهم ينامون بناظر فلم مره ناظرت فلم وهم صاحين كرهت نفسي بديته المغرب خلصته اليوم الثاني الصبح من كثر ماينادوني وانام ويقومون وحاله
المشكله يتأخرون هم وانا يجيني نوم
اييه صح الحمدلله طلعت نتايج التحليل وصار مافيني غده ولا اثارها اشوا والحين أكل حبوب حق هيكل مدري وشو قسم بالله أكبر من ايش
امس كان فيه محاظرة وجالسة جمب هيا انا , حاطه يدها هي وانا حاطه يدي فوقها
طالعه يدي صصصصصغييييررره جمب يد هيا نتفه
شفتوا هما انا بالعاده اول ماترن الحصه تطلع الاستاذه اروح لعند هيا اليوم هي جتني يوم دق جرس السادسه
جت ودخلت وجلسنا بالزاوية على طاوله ونسولف نسولف ويجون شهد ونجوى يستظرفون
نجوى ودي افتح عقلها أشوف وش فيه هاديه وبثره مدري كيف ملحها هالبنت تجنن
الزبده خلاص :( ابي هيا تصير معي بالفصل :(
زينها هالبنت على كثر مانتبيثر ونتنرفز من بعض مستحيل نزعل
اليوم بالفسحه تاكل فلوتات وتمسح على مريولي صار كله شقلاطه وانا قمت اكل وامس فيها بالاخير قمنا نترافس
بعدين خلاص ما كأنه صار شي
أ.فهده عطتني ورقة حق الباص من الاسبوع الاول وكل يوم انساها اليوم جبتها وشفتها بالفسحه اقولها استااذه جججبت الورقه وهي مستانسه تقول مبروك مبروك
اليوم طعنت ورده بالقلم
تتبيثر هما هي وراي وكل مايرتفع المريول تروح تشخبط بالقلم على رقبتي
بالاخير عصبت انا وفتحت القلم وطعنت يدها
غيدا وموضي ياملحهم ياخي بفقدهم السنه الجايه :( موضي امس انا وياها وغيوض معنا قلم سبوره هم جالسين يكتبون وانا متربعه على الطاوله اللي قدام السبوره على طول
جالسين يكتبون هوامير تويتر الله من الفضاوه تقل كاننا بمسابقه أي هامور يجي ببالك قولهم يكتبونه
والله فله والمصاريه يناظرونا احسهم فهموا غلط على اساس موضي الحين تكلم شباب وجالسه تعدههم اص بس احس مع ذا الفصل صرت قريبه لموضي وغيوض اكثر من قبل
اقولها تداوم لاني بداوم اطلع اقول لهيارزاننوف داوموا لاني بداوم اروح الباص اقول لهناك داوموا لاني بداوم
فيه وحده تعرفت عليها من تويتر اسمها زينب ملح هالبنت ياخي ارتاح مره اذا سولفت معها
السنه هذي نازله على دفاره متحمسه تجي الاختبارات وتطلع النتايج !
اليوم الباص جايبين قطّه وانا سحبت عليهم
وجالسه جمب سحر عاد مير هي كل شي عندها بالاخير يوم خلصنا وكلش جت هي فتحت شنطتها واقز انا القى فيه هذاك زي الفشفاش وصفقتها وخذيته بالاخير هي استسلمت وقالت اعتبريه هديه
ياخي بيتنا هالفتره شغل شغل شغل شغل قسم بالله الواحد مايقدر يعيش براحه يعني
مايمدي تخلص المواعين الا وجايه مواعين ثانيه وبعدين غدا وعشا اااااااخنتغطمنثقسفطقثمن قروشه خلاص
وراه اول ماكان كذا ياخي الحين قسم بالله يالله اشوف وقت اجلس فيه واذا جلست يمنون علي اهلي وش سويت انا :(؟
يعني يتأمرون ومجبوره أنفذ لكن لما اطلب منهم شي مستحيل يجيبونه
انا معسبا وخلاص بروح الى اللا مكان مدري ليه وجهني قام يحكني من العصبيه الظاهر ...
ابي ترجع ايام اللاين لما كنا نلعب :(
خلاص معسلامه ..
الخميس - 6 / 11 / 1434 ه - 21 : 8 م


 


رد مع اقتباس

قديم 12-09-2013   #1515
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



خلاص ولا شي


 

التعديل الأخير تم بواسطة mimi ; 12-09-2013 الساعة 08:33 PM سبب آخر: ولا شي :|

رد مع اقتباس

قديم 14-09-2013   #1516
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



لما تسأل وتتكلم عن بنات الناس ماتخاف احد يسأل ويتكلم بأمك واخواتك ؟
#فكر_فيها .


 

رد مع اقتباس

قديم 17-09-2013   #1517
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



ذكروني اذا رجعت اسولف لكم عن أمس واليوم ان شاءالله
أمس كنت بسولف ونسيت تاريخ اليوم مميز
11 / 11 / 34 خلاص امزح
يالله معسلامه بروح المدرسه , ناموا بدالي .


 


رد مع اقتباس

قديم 19-09-2013   #1518
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم شف انا بتكلم وماعلي اذا جت اخطاء املائيه ماراح اعدل حاولوا تفهمون :(
بطني يوجعني مع اني قبل ساعه تقريباً كليت علاجي بكتب لكم عن امس وقبله وقبله
الاثنين مدري ما أذكر الا ان كانت علينا أ.لغتي وهي غايبه طيب
كنا طالعين من الفصل وانا واقفه واقول خن ننحاش المشكله صديقاتي مب جمبي مدري مين جالسه احاكي ؟
شوي ولا نجوى تلتفت علي وتقول والله؟ قدام مشينا
ويوم رحنا هما شفتوا مدرستنا شلون أشرح لكم كذا __فصلنا__ بعدين خلاص فصول وكذا
ثمن حنا مشينا لين وصلنا المكان المقابل لفصلنا يمكن عند أولى رابع
يعني اذا بغينا نرجع فصلنا لازم ناخذ لفتين المهم وحنا نمشي ومعنا لميا
أشوف أ.اسماء طالعه من فصل ثالثة أول ورايحه لفصلنا مسكت نجوى قلت لاتصير علينا ذي !
وتصير علينا قسم بالله ركضت ركضت من زمان ماركضته كلنا كذا فجأه
وكان فيه بنات 2 طالعين من المعمل صقعنا فيهم لين قلنا آمين تووووها أ.اسما داخله الفصل دخلنا وراها
وعلى اساس بنروح كراسينا دون ماتشوفنا قفطتنا ونقصت
ثمن هذا اللي اتذكره بس لا اصبروا
يوم رجعت البيت واتبيثر بتويتر شوي جتن نهى بالدايركت ارتعت مدري ليه لا صدق ماعرفها وشو
وجلست تسولف وانا اسولف معها بالاخير سألتني عن وحده أسمها اثير تقول ان نص المدرسه خاقين عليها
هذي نقطة برجع لها بعدين خن أكمل لكم عاد هذي أثير ب 1 انا ماعرفها قلت لها خلاص ورينياها بكره ونست هي
وثمن عاد اليوم كنت جالسه مع هيا ورزان وجتني نوف مع غيدا فطمه تعالي بوريك شي بسرعه بسرعه بسرعه انا ارتعت وشو وقمت
بالاخير صارت نويف تبيني كذا وصلنا عند حق الاذاعه هذا مدري وشو وشوي أسمع وحده تناديني اتلفت القاها نهى
ومعها وحده مملوووححه ماشاءالله تشبه أسماء اللي قبل العام كانت معنا بس هذي أملح
وورتني أياها عاديه قسم بالله أقل من عاديه
الظاهر عشانها سمرا وعندها حبة خال لاعيون ولا خشم ولاشفايف ولا شعر :( ؟ من جدهم ؟
شفتوا هشام الراشد قتيييعاه و1 الله ياخذه و1
ايه خن اكمل وانا امشي مع نهى فجأه نوف وغيداء طبوا علينا يحسبوني بمشي معها ؟ قالوا بنمشي معكم بنشمي معكم قالت لي نهى خلاص يله معسلامه وغيداء تطب وشو فاطمة وش تبي فيك نهى وانا ساكته مدري وش اقول ؟ قالت نهى شي خاص بيننا قلت ايه سر
عاد خلاص رجعنا وقلت لهم السالفه
أمس السابعه كان علينا فراغ طيب
وانا ونجوى مجهزين بننحاش خلاص طلعنا من الفصل وبنمشي أ.جغر كانت علينا بس كانت تكلم ثالثة أول
ونمشي شوي نادتني نهى كانت عند المعمل ويوم حاكيتها قفطتنا الاستاذه ؟
ورجعنا الفصل وجو صديقاتنا من ثالثه أول وجلسنا نغني ونستهبل
جت جغر قالت ارجعوا ارجعوا وحنا لا ومدري وشو وهيله جلست ووقفوا قدامها شهد ونجوى يغطون عليها وحصه راحت جلست ورا شلة الدوافير ماقفطتهم بالاخير جت ورده وعلمت على هيله
وهيا كانت جالسه معي جت جغر قالت يله هيا روحي الفصل وهيا مسكت يدي قالت والله ما اطلع الا وتجي معي فاطمه سفهتها الاستاذه بس بالاخير ماطلعت من فصلنا
واليوم السابعه فراغ جغر قايلة لنا بنزلكم السابعه ثمن سحبت علينا تقول لا مافيه
عاد قبل ماتجي نزلنا انا ونجوى على اساس منحاشين ويمكن ينزل فصلنا وخلاص نصير عادي
مانزلوا حطينا شنطنا مع حقين أولى كانوا نازلين المصلى
وشفنا بنات من 3 / 1 يزينون الاذاعه كانوا عند أ.حصه
جلسنا بالكرسي اللي جمب غرفة استاذه حصه وجالسين ونوف جت معنا
ونسولف شوي طلعت أ.فهده من مكتبها تعرفني هي وقالت عادي امشوركم لفوق
انا مسكت رجلي على اساس توجعني وماقدر امشي صاحين لو رقيت على طول بتشوفني جغر
اصبروا ترى جغر يعني أ.شريفه اللي تدرسنا جغرافيا
أيه المهم ونجوى قمطت كذا شوي ونزلت وحده قالت ايه خلاص بخليها تروح هي
يوم رجعت قالت انتم اصلا ليه نازلين هنا ؟ قالت نوف استاذه برد انا نزلت عشاني بردانه وانا ونجوى ماسألتنا
بالاخير جالسين طلعت أ.هيله من مكتبها انا لا اراديا قمت رحت عند الدرج ونجوى تقولي خليك طبيعيه
وانا خفت عاد هيله ذي وقفنا عند باب أ.حصه لا اراديا فتحت الباب انا
وشوي اشوف أ.حصه والبنات اللي معها حقين الاذاعه يناظروني
ونجوى وراي توها مادخلت ممديت لها قارورة المويه حقي مسكتها هي ؟ قالت أ.حصه هاه شتبون قلت بشرب مويه
وعلى اساس اني داخله اشرب ونجوى تناظرني احس تقول وش فيها ذي
وانا اشرب اسمع أ.هيله تسأل نجوى ليه نازلين؟ قالت حنا عند أ.حصه تبينا قالت وراكم جالسين بالكرسي طيب؟ ثمن دخلت قالت ياستاذه حصه تبينهم البنات هذولي ؟ قالت أ.حصه لا لا خلاص
ونجىو تسب رقينا جلسنا بالدرج لو نزلنا قفطتنا هيله ولو رقينا قفطتنا جغر
وجلسنا جلسنا ثمن رحنا للدرج الثاني يوم راحت هيله
قسم بالله مايمدينا نمشي خطوة الا وطالعه لنا استاذه أو اداريه, ياحبيبي مدرستنا الاداريات اللي فيها اكثر من البنات
سحبت نجوى انا ورقينا للدور الثالث عند ثواني
كان فيه 3 فصول فاضيه مدري وينهم مافيه الا فصل واحد عندهم أ.كيوي
قلت لنجوى خن ندخل فصل من الفصول الفاضيه ونجلس لين ترن قالت واذا شافونا لحالنا , ماتعرفين تفكيرهم انتي
خير شتبون وعاد بالاخير جلسنا بالحمامات بالدور الثاني لين رنت قسم بالله جتني عقده خلاص منب منحاشه مره ثانيه اص
العام كان فله وانا انحشت القى كثير من فصول ثانيه منحاشين
وبعد أقدر اروح الساحه الخارجيه واروح ورى الحين حطوا شبك مب من جدهم
اليوم النت كان مفصول ططططفففشش بغى يجيني اكتئاب بس الحمدلله
لعبنا انا وهلال فيفا اليوم , بدينا المباراه 11 وعشر
ولعبنا أول شي تعادلنا 2 - 2 , بعدين اشواط اضافيه تعادلنا 3 - 3 بعدين بلنتيات وفاز هو
وخلاص طفشت وانا اكتب وجوعانه وبطني يوجعني وحر ونهى تقول بكره بتمشي معي اذا داومت وانا مالي خلق حالتي تكسر الخاطر جيبولي سنكرز
امزح خلاص بس صدق وشو يعني :( شكلي بناظر فلم
قبل كم يوم بالويكند كنت اناظر فلم وصار لي موقف قسم بالله انقهرت خخير بس بالاخير حاولت أسفه وما كأن شي صار
بنفس الوقت خلاص مابي اناظر افلام الا ااذا ناموا اهلي كلهم مع ان افلامي عاديه والله بس كذا ؟
وغير ان ابوي يكون فوق مب عندنا لحد يقول ليه حاكيت أرواني وقلت لها السالفه انقهرت هي بعد زينها ياخي :(
خلاص مدري احس اني تعبت لا اصبروا تتتخخخيلوا
جت زوز امس بالصبح كان علينا علوم
وعيت الاستاذه تطلعني مافيه الا غيدا جت اخت سديم نحشتها وراحت شافت زوز
وانا اقول لها زينب تعرفينها الدافوره هذيك بسلم بس واجي والله والله :( عيت الوصخه افف :( مشتاقة لها
اصبروا بسألكم لاتسفهون لاتسفهون لاتسفهون :(
هما لحين سلمى بالجيل طيب , ونجود وامل وزوز ومنار وديما بالرقي , السنه الجايه ان شاءالله انا مدري وين اروح
أبي سلمى وأبي نجود وامل وزوز يعني ابيهم كلهم :( مدري اي مدرسه أروح :( وين تتوقعون احسن الرقي ولا الجيل صدق ياخي بتجيني عقده نفسيه بسبة هالموضوع
خلاص تعبت, اتتتتتتتتتحداكم اذا فهمتوا شي من سوالفي اللي فوق صدق اني اطلسم كذا اذا تحمست السوالف تصير داخله ببعصض عشان ما انسى
وخلاص حر مره بس احس اني بردانه :( يوه متحديه امي اني اقوم الفجر وانا توني مانمت
الزبده خلاص ادعوا لأمي تتشافى ويله معسلامه احبكم وازد

10 : 2 ص -ماجاني نوم شكلي مكثره قهوه -
13 / 11 / 34 ه
الخميس , المقلط
اليوم الوطني بعد كم يوم تدرون ليه احبه ؟
لأن فيه اجازه أوكي معليش وطني احب الاجازه اكثر منك , فله عندنا جمعه سبت أحد اثنين ويمكن نغيب الثلاثاء
هي مابي الجمعه تجي ياخي اكره هاليوم مب عشانه جمعه لا والله احب الظهر بس اكره الناس اللي يجون بيتنا فيه :(
قسم بالله يصير خفيف وجميل اذا ما جانا احد بس لازم عمي يجي ومرت أبوي تنزل وش سويت بحياتي اانا
مب اكرههم اكره الحوسه اللي تجي لما يجون واشيل هم يوم الجمعه عشان هالسببين
وخلاص الساعه طقت 2 وعشر توني استوعب شكلي بناظر فلم عشان يمر الوقت بسرعه
ولا بنام عموماً خلاص , معسلامه


 


رد مع اقتباس

قديم 19-09-2013   #1519
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
اليوم مممماكان لي خلق أداوم وبطني يوجعني مره واتذكر اني واعده هيا اداوم مابي اخليها لحالها
بالاخير داومت , وممممالي خلق
وانا امشي قبل الحصه الاولى جتني لمى قات تعرفين من بيجي اليوم؟ قلت مين ؟ قالت سلمى
ماصدقتها مدري ليه وتقول لي بتجي بالحصه الاولى
جت الحصه الاولى وراحت ولثانيه والثالثه :( وهي ماجت انا قلت يمكن جت وراحت وماشفتها
الزبده عاد وبالفسحه جلسنا انا وهيا عند معمل الاقتصاد وكل شوي نقوم نمشي شوي ونرجع
أخر لفتين خذيناهم كنا نمشي بعيد شوي من مكتب الاداره وجت روابي قالت شفتيها ؟ قلت مين
قالت سلمى انصدمت جججججججتتتت !! قالت ايه وللحين ماراحت شوفيها عند الاداره
رحت لم مكتب الاداره هما فيه كذا هنا مكتب أ.نوف بالغرفه وبعدين فيه قزاز يعني الجدار اللي بين الساحه وغرفة الاداريات قزاز اناظر انا شفت سلمى من ورى عرفتها من شعرها :( ورحت وقفت جمب باب الاداره
واحتريها تطلع ومعي هيا, شوي طلعت وهي ملتفته للجهه الثانيه تناظر بنات المدرسه مسكتها انا سلمممىىى وهي انصدمت بعد وضميتها عند مكتب الاداره طولنا والله يوم فكيتها ولا جمبنا استاذه عبير واستاذه ايمان منصدمين هم يناظرونا كذا يعني زي اللي خير ؟ وشو ليه تضمون بعض
تفكيرهم المريض الوصخ هذي ثانوي وهذي متوسط اوه ليه يضمون بعض معليش احتريها طول السنه بالاخير أسلم سلام عادي ؟
وتحسفت مره كانت مستعجله مامداني اقعد معها :( ان شاءالله اقدر اشوفها مره ثانيه
بعدين عاد هي طلعت وحنا رحنا لمعمل الاقتصاد وانا كل شوي اقول هيا شفففت سلمى ,مب مستوعبه ياخي :( كذا صدق من الوناسه ودي اصيح لأنها راحت الثانوي يعني
ضاق صدري شوي بعدين استانست اني مداومه حسيت اني ماداومت عالفاضي الحمدلله
وخلاص بس جيت كذا والحين بروح

13 / 11 ه - الخميس , 23 : 6 م
ايبادي بيطلع اليوم , قايله من زمان ان اليوم بيصير فيه اشياء تفتح النفس الحمدلله يارب


 


رد مع اقتباس

قديم 23-09-2013   #1520
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم شخباركم والله يا اني مر تا حه نفسيا وجسديا من هالمدرسه
جديا ما اذكر سنه كرهت فيها المدرسه مثل هالسنه ! مدري ليه
معد صار فيه ناس يحمسون زي أول ,أمس زوز حاكتني وأرسلت لي صور مدرستهم جميله مره وسيعه
بس نظامهم مدري وش يبي الزبده مالي خلق اتكلم واجد فيه فلم ابناظره من سنتين
امزح بس من زمان وكل ماجيت بناظره وأبوي فوق يجيني نوم
واليوم أبوي فوق وبكره اجازه أحس وقت مناسب مره اني اناظره بس مابي امي تعرف اني صاحيه بتقول لي أرتب غرفتي اذا ماجت هي نفظتني مع الغرفه ! عآد شكلي بحتريهم لين ينامون
تو ضحكت ضحك :( هما هلال دايم نطقطق عليه أنا وحميد واليوم هلال يسولف مع أمي وكل ماقال كلمه تجي عليها سماجه بمخي وتوني بقولها ولا حميد يسبقني ويقولها
انا انكتم من الضحك أه هو مدري يدخل عقلي ولا وشو
والله يا اني احس نفسيتي كذا من يوم جت الاجازه صح اني فاقده هيا وموضي خصوصا موضي لأن كانت غايبه الخميس قلت لكم انا يوم طقطقنا على نهى معليش يعني
كوكو واوا كوكو واوا كوكو كوكو وا ترنتن هي أسمعوا ممدري متى اليوم الوطني بس رجاء رجاء لحد يلبس أخضر ويرقص بالشارع تكفون مابي اتبرا من احد منكم احبكم تسمعون كلامي
أيه صح فيه شي بقوله بس مب الحين ذكروني بعدين
شكلي بناظر اوقست روش اليوم أي والله يله معسلامه خلاص بطلع
أمس وقبله أمي صايره تزور ناس واجد ياخي وانا هالفتره مدري وش جايني قسم بالله اكره أطلع
كذا احب البيت واذا قلت كذا قالوا عشان النت , والله مب عشان النت بس كذا احس بالبيت راحه مالي خلق اجلس اجامل ناس
وامي مدري وش جايها أيه صح بكره موعدها أدعوا لها ,
هاليومين صايره أجي من الصاله لغرفتي واذب نفسي كذا على السرير وانام مالي خلق ارتب وحوسه وخلاص يارب يزين الحمممممد لله زان خلاص معسلامه :( ....
16 / 11 ه
00 : 12 ص


 


رد مع اقتباس

إضافة رد

مواقع النشر (المفضلة)

الكلمات الدلالية (Tags)
ỉ₥ỉ₥, ỉ₥ỉ₥, ●|, ●|, .., مَمْــڶـڪـٺے, مَمْــڶـڪـٺے, |●, |●

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


مَمْــڶـڪـٺے .. |● ỉ₥ỉ₥ ●|

جميع الاقسام الاخرى

فضفضه,فضفضنا لنا

روايات,قسم الروايات

Rss - Rss 2.0 - Html - Xml - روايات


الساعة الآن 02:27 PM


Powered by vBulletin® Version 3.8.7
Copyright ©2000 - 2018, vBulletin Solutions, Inc
Search Engine Optimization by vBSEO
ارشفة:Salem Alshmrani

روايات نور الغلا

Loading...