رويات نور الغلا متخصص للروايات , روايات,روايات,روايات نور الغلا للنقاش الهادف والبناء




العودة   روايات نور الغلا > روايات نور الغلا , منتديات نور الغلا > فضفضه , فضفض لنا

مَمْــڶـڪـٺے .. |● ỉ₥ỉ₥ ●|

السلام عليكم اكسجين شتحسبه مع تقييم والله ياضحكت ضحك سوسو هذي وحده مدري منهي ماحب عيال أسماء مب عشان شي ...


الملاحظات

عدد المعجبين212الاعجاب

إضافة رد
قديم 29-06-2013   #1491
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
اكسجين شتحسبه مع تقييم والله ياضحكت ضحك
سوسو هذي وحده مدري منهي
ماحب عيال أسماء مب عشان شي بس مدري خن اتمصلح معها اذا انا اللي سميتهم ووافقت على اساميي بحبهم كيفي
شسمه هذا ثالث يوم بنجران
امس جتنا خالتي حوريه وبناتها وجا خالي محسن وعياله
وبعد الغدا خالي محسن سافر مع اهله ابها وبيرجعون اليوم أو بكره, الزين بسفرتهم ماخذوا دلال والحين قاعده معي
وخالتي حوريه يوم جت بتروح قلت لها تخلي غاده نبيها جت ساره قلت وانا وانا ؟ ابي اقعد شتبين انتي :( ماعندك احد تقعدين معه ؟
الزبده عاد بنفس الوقت جت امي قالت يله بنروح بيت جدك عبدالله نسلم عليهم ونرجع
واستانست مره قلت يله يمكن ويمكن
ورحنا وشفت سوسو وشفت جدتي وجدي عبدالله وشفت ساره اخت زوجة خالي
والله سمنت ياحليلها حتى اول ماشفتها حسبتها اختها
بعدين مالقينا احد يجيبنا هما خالي مسافر وخالي ابراهيم ماعنده سياره لأنه مب عايش هنا
بعدين قال منصور اللي هو يذكرني بهلال اللي هو اخو زوجة خالي بيوصلنا وجا خالي ابراهيم قال خلاص عطني سيارتك وبروح انا
ورحنا اساسا المسافه قريبه مره كنا بنروح مشي عشان خالتي نوره تبي تسوي رجيم مدري وش دخل كل شوي احارشها اقولها يادبه :( انا اكل اللي ابي عشاني ما اسمن انتي لا :(
امس رحنا بيت خالي محسن القديم
رحنا انا وغاده ودلال هما هو بنفس حوش بيت جدي
الزبده دخلناه مهجور وريحته استغفرالله وشغلنا المكيف وقفلنا الباب وجلسنا بالغرفه نسولف
وسولفنا عن الجن وقمطنا
وخلاص طفشت وانا اكتب حر
يله معسلامه بطلع

السبت
20 / 8 / 1434
34 : 2 م


 


رد مع اقتباس

قديم 01-07-2013   #1492
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



اوكس مشكلتك اذا فهمك بطيء
ياخفوقي ياحبيلك انتي بعد احسني استحيت !
هما اليوم عندنا عزيمه ف بيت خال امي , هما هو ف بيت جدي عبدالله ولا ودي اروح صراحه
مابي اروح لحالي خير واقول لأرواني روحي معي تقول لا مالي خلق خير خير غصب وشو اروح لحالي فيه هناك صديقاتي بس كذا ماحب :( !
ووشو تخيلو اني مانمت الا 3 ساعات
امس نمت 3 الفجر وقمت 6 تماماً , وجلست لين 7 ونص بالفراش ماتحركت ثمن معدتي اوجعتني مره مره والله شكيت مب نقص فيتامين ذا جلست اتعصر بمكاني كلهم نايمين وماقدر اقوم امشي قسم بالله من قوا الالم اسناني تتصاكك ببعض وامسك الايباد واروح احاكي نوف اقولها وش اسوي وش اسوي عصبت علي قالت قومي كلي لك شي وانا ماقدر امشي جلست ازحف على الجدار وبعدين رحت ادور لي شي حامض وهما كنت بحط ملح مع الاكل لقيت الملح وحطيته ويوم اذوق مب مآلح ماكأني حطيت ! فيه كذا طعم حالي فتحت علبة الملح اذوق صار سكر والله بعذري لحد يضحك كنت تعبانه وابي اي شي بس ابي اكل ويخف الالم :( وبعدين خذيت الملح الصدقي وحطيت وكليت طعمه جميل مالح وحامض بس زاد الالم وقامت خالتي قلت لها معدتي توجعني قالت روحي نامي
رحت للغرفه عاد وعلى الكنب ومير ماغير اعضض مابي اصارخ وبالاخير يوم صكت 10 نمت ! من 7 ونص لين 10 وانا اتعفط وعاد اليوم رجعنا بيت جدي وقلت لأمي اني لازم ابي علاجي من الرياض انا مدري وش اقول عني يوم ماجبته حتى حلاو التوفي جبته والاهم الاهم نسيته
وشو بعد مابي اروح ياخي والله عشان ماشوف بعض الناس واتنكد خلاص نفسيتي الحين تمام وبس امشي واحارش
تو كنت ورا الجدار وعادي يعني بعدين جت غاده فتحت الباب وارتاعت يوم شافتني تحسب مافيه احد وصرخت وانا ارتعت من صرختها بعدين دخلنا بدوامة ضحك
وبعدين يوم طلعت كانت اروى واقفه وانا جيت من وراها وقلت بببببببووووووووو وخافت شكلها يضحك مره
يالله احب ندو ياخي والله كذا ونينينيني امل
قبل امس كنا انا وغاده على اللاب على اليوتيوب , كنا دايخين نوم ومشغله انا الحلو صار يحبي نعسنا عليها وكنا بننام بس جت ارواني ازعجتنا
بروح اسمعها الحين والله احبها ياخي وجهي يصير زي وجه غنوم وهو يناظر طيور الجنه
يله معسلامه بحبكم كتير كتير
لا اصبروا ليه معسلامه وشو اليوم اثنين ؟ الاربعاء بيجونا بيت خالي يالله شايلة هم
هم كثير ومزعجين وتحسهم اطفال يعني عقولهم مب كبيره ونشبه
عاد الله يعيننا يعطونا جو ع الاقل
يله معسلامه مره تانيه بحبكم كتير كتير
اصبروا صبروا اليوم الصبح نوف ارسلت لي صورة وحده تحاكي صديقتها بالواتس
هذي الوحده من سوريا تقول لصديقتها بمعنى الكلام يعني ان مقفل عليهم واخوانها وابوها راحوا يصلون
وتقول الحريم اللي هنا لابسين جلالات الصلاه ومستعدين للموت
حسبي الله على بشار حسبي الله عليه والله حرام وش ذنبهم :(( 3//>
الله يكون بعونهم حزنت عليها مره :(
ايي ارواني قبلوها بالجامعه الحمدلله الحمدلله
منتظره الحين يعييوون على الشي الثاني والله بتكتمل سعادتنا
يله معشلامه بحبكم كتير كتير وترا متعمده اكتب معشلامه

اصبروا هي !
اكره الناس اللي يتقمصون شخصيات غيرهم ! يعني خلاص كل واحد وله شخصيته تعيشين بشخصية غيرك ليه ! ترا كلن بيكرهك وماراح يهضمك !
قبل فتره وحده اعرفها مره مره ومن زمان شخصيتها تقريباً نفس شخصيتي بس تمشي وتستهبل وتضحك وتحارش نفسي يعني ! هي كذا من ربي, بعدين تعرفت على وحده ثانيه واعجبت بشخصيتها وصاروا يعززون لبعض , ال " وحده ثانيه " شخصيتها من ربي كذا حلوه ولايقه عليها لكن اللي اعرفها من زمان غصب تقلدها , اقولكم وش صار فيها يوم تقمصت شخصية غيرها ؟ , خسرت اقرب صديقاتها , وصاروا اقرب صديقاتها يكرهونها ومب بس اقرب صديقاتها , اقرب صديقاتها وصديقات صديقاتها يعني تقريباً مابقى لها احد كل هذا لأنها تقمممصت شخصييه ممببب شخخصييتهاا !!!
خلاص يعني ! جد ليه كذا ؟
يله بنروح معسلامه

08 : 2 م
22 / 8 / 1434 هـ
الاثنين


 


رد مع اقتباس

قديم 05-07-2013   #1493
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
انا خايفه خايفه فجأه قمت ارتجف من الخوف
كل اهلي نايمين ومافيه الا ولد خالي بالمجلس مب هنا المشكله

انا كنت مسوية شي يعني تعرفون لما تفقدون الامل لمده 3 سنوات ؟ وبعدين تحسون فيه امل انه يرجع
مابعد استوعبت ادري اني بتحطم مدري ليه اتحمس
الزبده اني خايفه مره مره ومافيه شي يستحق الخوف
عاد الحين ارسلت وانتظر الرد , يعني مدري وش اقول قسم بالله :( ؟
مرّت ساعه ككامله وانا ارتجف من الخوف ورحت غرفة خالاتي كنت بالصاله وبرد هنا مره , والحين جايبه معي بطانيه
معي كندر سرقته من الثلاجه اللي فوق مدري حق مين
انا شايلة هم يوصل الموضوع لأرواني ولا اي احد والله ياهي نكبه
عاد الحين ارواني بالسرير نايمه وانا جمبها بس بالارض ومب بعيده مره يعني لو تقوم وتناظر يمكن تعرف وش اسوي /داخله من لاب/
ونبمتاكخهقفعغكمنتكمهقت وصل الرد وصل الرد يمه خير ليه ارتجف الحمدلله والشكر :( يع احس اني
ابي مويه بس منيب طالعة اشرب منيب متحركه ابي انام :( بس منيب نايمة ابي اعرف مصيري اول شي
وش مصيري تحمست الله يهديني
الزبده اني الحين جالسه هذيك المعوقه وقلبي يدق بسرعه وبطني يعورني من الخوف وارتجف مره تقل داخل علي جنّي !
صدق على الطاري , قبل امس يمكن كان خالي جايب هندي ينظف الحوش وكذا طيب
ومن هذولاك الهنود اللي يخوفون كأنهم حراميه الزبده خالي حط الهندي بالحوش ودخل يتعشى معنا
انا خلصت العشا اول وحده وقمت خذيت الايباد ورحت المطبخ خذيت لي سنتوب وبعدين ماسكه الايباد والسنتوب بيد وباليد الثايه احاول افتح المزاز حق السنتوب
وناسية ان فيه هندي بالحوش ابي اروح اتمرجح فتحت الباب وطلعت وانا منزله راسي واحاول افتح حق السنتوب شكلي بزر عاد انا قزما
ويوم شسمه رفعت عيني بناظر المرجيحه واحس ان فيه احد واناظر ولا فيه هندي واقف يناظرني كذا
وقفت وجلست اناظره وهو يناظرني , انا منصدمه وهو منصدم
وبعدين بكل هدوء لفيت ودخلت وقفلت الباب وراي بككككل هدوء وامشي ادخل المطبخ لقيت ارواني قمت اناقز واصارخ توني استوعب اللي صار والله يروع مره
عاد انا وش دراني انه كان فيه والوصخ يناظر غض البصر الله يهديك
مم مم مم
امس جالسه افتش بالفريزر لقيت اسكريم ورا للحم واضح ان فيه مخبيه عاد خذيته ورحت عند مزرعة جدتي آكله وشافوني يوسف ولبنى بس مادروا اني سارقته يحسبونه حقي وسلوم نشبت لي ابعى ابعى ابعى عطيتها بالاخير عشان ماتنكبني
افف ياشين اللي يردون متأخر يعنني كشخه, وانا على اعصابي بعد :'
رسلت قبل 12 دقيقه وللحين مافيه رد
افف انا متأزمه يعني قسم بالله هذا الشي الوحيد اللي اقدر احقق نص حلمي بس الشي اللي ياما بكيت عشانه وياما حزنت الحين ممكن يكون مصدر سعاده لي :( بس مستحيل ادري انها معجزه :(
اافف شعور اللي يعورك بطنك من الخخوف ماحبه ومن زمان ماجاني :( بس احس هالمره جاي للحين وتعويض عن اللي راح يعني دبل
الزبده اني خلاص مدري وش بسوي وانا لي اكثر من ساعه يعني تراني اكتب شوي واروح وكذا

احبكم كثير ادعوا يتحقق اللي ببالي وان شاءالله برجع اجي اكتب بعدين ...

الجمعه , 26 شعبان , 53 : 9 ص
انا في غرفة خالاتي و ب ر د ..


 


رد مع اقتباس

قديم 08-07-2013   #1494
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
خلوكم دايم كذا عشان تكونون سعيدين

شسمه كل عام وانتم بخير بحبكم كتير كتير


 
o² «معجب بهذآ .


رد مع اقتباس

قديم 10-07-2013   #1495
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



صباح الخير
صار لي سالفة اليوم قسم بالله صليت الفجر وانا ارتجف مابي اصيح من العبره
الحمدلله, وان شاء الله بكره بكمل السالفة والله اني احس الحين براحة نفسيه عكس قبل الفجر لو قلت كلمة بصيح
تخيلوا قبل مايأذن شربت مويه كثير كثير خلاص شبعت على قولة سلمى او تنفجر بطني غرقت البيت وغرقوا اهلي
ولما اذن رجعت عطشانه
الزبده, بكره ان شاءالله اللي هو اليوم بس بعدين بقولكم وش صار لأن صراحه مافيني حيل الحين =ِ))
مبارك عليكم الشهر وكل عام وانتم بخير
من يعرف كم رمضان مر وانا مسجله بالمنتدى ؟
يله تصبحون على خير بحبكم كتير


 


رد مع اقتباس

قديم 10-07-2013   #1496
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
اوكس وراك متحمس تراها سالفة تافهه بس اني انقهرت
زوجة خالي حطت ولددها حتوم عندي وراحت ةالحين حتوم معي تو صاح شوي والحين سكت
مافيه نوم المشكله

عطيته ليمون تخيلوا وجهه بس
خلاص اذا جت اه بكتب السالفه لاني الحين جالسه اكتب بيد وحده معاناه
لحول صاح خلاص معسلامهع


 


رد مع اقتباس

قديم 16-07-2013   #1497
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
فيني طاقة قهر بجلس اكتب لكم أول شي السالفة اللي قبل كم يوم قلت عنها
وبعدين بقول لكم عن الاشياء اللي تصير لي الزبده ان شاءالله بكتب كلام كثير
أول شي هلال بيجي بكره تخيلوا وانا اخر من يعلم فجأه جت ريم بنت خالي قالت هلال متى بيجي ؟ واختها ترد بكره !!!!!
صارت امي مكلمه هلال وجدتهم جالسة جمب امي عاد تعالوا شوفوا اللقافه أول ماقفلت امي جلست جدتهم تسألها لين درت انه بيجي ويوووووزززعع
ثانيا احس اني انا مب انا ! ياخي من جد
كذا كل شي صار مالي خلقه واحس اني مب زي اول :( اول كنت بثره سامجه وبس ادخل اجلس اتبيثر واسوي جو
الحين احس استغفرالله اني ميته :( مب ميته بس خلاص كذا مالي خلق اتبيثر واساسا اللي حولي مايحمسون
و24 ساعه على الايباد تعبت وانا اجلس
وامي غصب تبيني اصير انا البنت اللتي هي شاطرة وسنعه وكل شي :( !
طيب معليش يعني حنا مسوين ادوار اجي اشتغل بوت مب وقتي ليه ؟ مب سناعه هذي ! خلاص انا بعد الفجر تجين بالعصر تقولين لي اشتغل لي ه:( مب دوري دور زوجة خالي
امس اقول لزوجة خالي ابي حلا راحت عطتني نوتيلا ياملحها
وكان بملعقه رقيت السطح ومعي الايباد طاح على الايباد شوي نوتيلا رحت لحسته شي عادي طيب ؟ يعني ايبادي عادي بس شوفوا التهزيء اللي جاني من امل
الزبده وشو بعد اوه صح السالفه
هما كانت دلال عندنا, ورحت خذيت منها 10 وجبت انا 10 وريال مدري من وين جاء الزبده, رحنا عطيناها بنات خالي يعطونها اخوهم يروح البقاله, لمّا وصلته الفلوس وكان يدري انها حقنا كانت تقريباً الساعه 10 عليها
وجلسنا نحتريه جا الليل وقفلت المحلات وكلش وللحين ماجا قلت ماعليه يمكن نسى بس فلوسنا ترجع لنا !
اوكي 21 شوي لكن معليش الحق حق ؟ ويوم رجع قبل الفجر تخيلوا وجوني اخواته يقولون انه ماشرى وعيّا يرجع الفلوس.. انا عصب مره طيب ولو اني ماتغطا عليه كان رحت له جلدته قسم بالله ..
رحت له دايركت وجلست اهزء وحاله راح ورا الرسايل حمّودي وقاله شف اختك ناشبه فيني ومزعجتني برسايلها !!!!!!!!!!
الحين من اللي مزعج الثاني ؟ من اللي كل شوي يمنشني ؟ من اللي كل شوي يجيني بالكيك ينشب وينشب وكل ماقول بعلم وافضحه ارجع اقول حرام !
الزبده جاني حمّودي وقالت ان حمد يقول كذا وكذا ولعد تحاكينه انا انغبنت هنا قلت دقيقه الحين انا اللي ازعجته ؟ انا اللي نشبت ؟ وقال لي حمودي خلاص انتي ماعليك اهم شي لاتحاكينه هو مايدري بالسالفه طيب ؟
رحت جلست اسب باكاونتي واسب واغرد واسب لأني ادري بيقراها وبعدين هو راح المسجد
ناداني حمّود عند المجلس وقال تراه ولد خالك ومايصير تشيلين عليه ومدري وشو وانا بوقتها كذا لو اقول شي بجلس اصيح
قلت اسمع بس تراك فاهم السالفه غلط وتراك ظالمني وكذا ارتجف مابي اصيح انقهرت لأن حمد قلب السالفه علي وخلّا حمّود ياخذ عني فكره طيب ؟ لأن حمد اتغطى منه شلون اروح احاكيه
الزبده وقلت لحمود تراك ظالمني وفاهم السالفه غلط وتوه هو بيتكلم ولا نسمع صوت خالي من بعيد جاي
قام حمّود قال بصوت عالي آجل يله انا بروح المسجد سكتت انا ولفيت بروح واسمع خالي يقوله وش كنت تقول لها وحمّود ساكت
الزبده الحين شكلهم نسوا السالفه بس قسم بأيآت الله ما انساها والفلوس ترجع وانكد على حمد عآد اووهووو كم انا ماسكة عليه اشياء اشياء واشياء بس ابيلي رقم امه ماتعرفه والله لأنكبه وافضحه واخرب حياته ويشوف شلون
شسمه ابي حلا عشان اكون صريحه بنجران ماسوي شي بشهر رمضان لاطبخ ولا حلى ولا شي
بس والله ودي بس تعرفون اللي المطبخ زحمه ومافيه لي مكان اصلاً
فيه يعني خالاتي وامي وزوجات خوالي ماشاءالله يكفون ويوفون وانا مالي داعي بينهم داخله ما القى شي اسويه احياناً اذا زوجة خالي انشغلت بحتوم ولدها انا الف السمبوسه مدري السنبوسه
وخلاص صلى الله وبارك على سيدنا محمد
فيه شي انا متحمسة له وشو ؟ اااايييي ببكككرهه هلال بيجي
ان شاءالله 6 ساعات ويكون في بيت جدي عاد قلت منيب نايمة بما انه بيجي بدري مره والناس نايمين وانا اساسا اواصل بذاك الوقت ف بواصل واستقبله
الله يوصله بالسلامه
بنات خالي قلق قلق عاد انا امشي وازبد
والله مب قصدي كشخه بس اول كنت اسلك لهم بعدين خلاص مرارتي ماتتحمل صراحه
امس كنت فاتحه نور الغلا مدري امس او قبله الزبده
جت ايمان : يووه عادك على نور الغلا قديمه يختي !!!!!!!
تعرفون اللي كذا حطيت يدي على خدي وقلت لها شتبين ؟ كيفي ؟ اصلاً وش دخلك ؟
وهي ترقع تقول لا يعني بس اسأل انا ماقلت ليه تدخلينه
وجلست اهاوشها وقلت مالك دخل شي خاص فيني والزبده طاح وجهها وجلست اصارخ ككيييففييي كييفييي ماناقص الا اقول ابي كونتاكي !
وخلاص الفتره ذي اخلص من اللاب اروح الايباد واخلص من الايباد ارجع على اللاب
واي احد يطلبني لاب او ايبادي اقول لا ؟ معليش كل واحد عنده جهازه والعام ما انسى لمّا كانوا يذلوني على لابهم المشكله مكسر ورايح فيها بس اعلمهم كيف شفتوا مرت سنه ومانسيت اللي سووه فيني وجالسه اردّه لهم الحين
دقيقه جالسه اسمع احد يقول اوه ماتنسى قلبها مب ابيض لاياحبيبي معليش زي ماقهروني اقهرهم وشو يعني يقهروني واسكت وانسى ؟ الحق حق
وخلاص الغرفة محيوسه مره
امس بعد الفجر كنت جالسه على اللاب والايباد بيدي جت امي تهاوشني ومتى نومك كذا الزبده سحبت الاجهزه مني وقالت اخمدي ذا على الساعه 4 ونص كذا
وخذتهم مني بس مانمت جلست اتقلب اتقلب ويوم نامت طلعت السطح وجلست اصور مره جميل الجو وصورت نملتين جمب بعض !
وبعدين على الساعه 6 أو 6 ونص ويمكن 7 نمت وجت 3 ومير تجي تقومني وغصب اقوم تحسبني نايمه الفجر
الزبده وخلاص توته توته خلصت الحتوته
انا جوعانه
يارب حمّود يجيب معه عشاء
ابي بطاط مقلي خير مخلص البطاط في بيت جدي
تخيلوا اني انادي خوالي خالو ؟ خالو ابراهيمو تراو ولدكو حتومو مزعجو وبثرو واكرههو !
ايمان بنت خالي ياحبها للسواليف ماتسكت تسولف عن اشياء ما طلبتها انها تسولف فيها ؟ والمشكله اني اسلك وواضح علي اني اسلك مدري ليه ماتسكت ؟
وطبيعي جداً اقولها روحي شوفي المودم شفيه طفا ولا جيبيلي مويه ويكون قريب مننا تروح تنام اوريها ذا الفلبيونو
ياخي زوجة خالي مسوية شي مدري وشو حلا هو ويجنن طعمه مع اني ماحب الاكلات الصفراوية بس جميل
ونورة بعد مسوية حلا بس طعمه عادي طعمة شي حالي !
امس منى بنت خال امي عزمتني مع نوره واروى لعندها
واروى اعتذرت ورحنا انا ونوره عاد تعالوا شوفوا كيف
انا جالسه بالوسط وهم : ا
- ايي شفتي هذيك المثقفكمنفتقسيبص هي مناسبا مع لون بشرتك
- لا لا مو من جدك ؟ انا بشرتي سمرا انتي ابيض مني تناسبك مرا
- امم والله ؟ اجل خلاس ارسلي لي اسم المثهتيبلسكمبينتلث
وانا كذا مزهريه بينهم ويوم رجعت سولفت لأمي قالت حلو كذا البنات مب زيك جرحتني صراحه طيب انا بنت بس وشو اجلس ادور شي يناسبني لا لا انا سمرا لا معليش انا بيضاء يوه مشوار والله !
وخلاص عاد بروح
شسمه احس اني مشتاقة لناس كثير
ناس بالمنتدى وناس برآ المنتدى وناس ما اعرفهم حتى !
اي والله فيه ناس يطلعون بأحلامي ماعرفهم بس احبهم مره ياخي ليه مايصيرون صدق :( خير غش :( بصيح
تخيلوا يطلع عندي ولد عم ما اعرفه وبعدين نعيش قصة حب ودي بس المشكله لو طلع عندي ولد عم ما اعرفه ماراح نعيش قصة حب لأني للأسف ما اعرف اعيش قصة حب الحمدلله والشكر مشوار ياخي اجلس اهتم واسأل وكل شوي اشوف دخل الواتس ؟ حدّث بتويتر ؟ ليه مايكلمني ؟ اوه خاين واعيش حزينه معليش !
الزم ماعلي نفسي اي والله كل واحد يحب نفسه معليش يعني لو ماهتميت بنفسي واهتميت بحبيبي بعدين مين يهتم فيني ؟ لا اسفه اصلاً ماراح احب الا زوجي عشان ماصير انسانتن مجروحتن بعدين الله وكيلك لاتقرا امي كلامي بعدين تصمخني
فجأه احس اني بديت احب السوالف هنا يعني ودي اسولف كثير كثير
امس وحنا طالعين من بيت منى شفت وحده اخر مره شفتها قبل سنه وماشفتها زين لأني كنت متغطية بطرحه
بيتهم قريب مره من بيتنا مافيني حيل البس نقاب وساعتين اعدل معليش
منى ساكنه بنفس بيت جدي عبدالله هما اقولكم ان فيه كم من بيت وانا تغطيت وانا تونا ماطلعت الحوش اصلا وهي كانت قاعده بالحوش
وخلاص فجأه اختفت السوالف لا دقيقه
احسني باديه اكره السنكرز والغوارات كذا :( ؟
ولمّا مسيت في بيت خالي يومين كل ماكليت غوار اوجعني بطني وحامت كبدي بالاخير قلت لدلال وخريهم عني
امس امل تسولف وتقول انها تبي تشتري شي من ديزني وانا جالسه احارش واحطم
واليوم دخلت الموقع ججججمممميييلللل
قسم بالله اشوف واصارخ عاد انا ذي الفتره اتعامل مع الصراخ والعض كم مره اصارخ وارواني جمبي وتضحك على صراخي
اكون ابي اصارخ هذيك الصرخه المزعجه حق البنات اللي كذا ( تصرخ ) ياخي لمّا بنت تشوف صرصور وتجلس تصارخ ذاك الصراخ الحاد انا ماعرف اصارخه اجلس اقول آآآآآآآآآآآآآآآآىعععععععععععع
واليوم كانت لبنى جمبي وجلست اصارخ بالاخير عضيتها ولويت يدها وكفختها قسم بالله رحمتها بس محد قال لها تجلس جمبي
وبعدين عاد جلست احوس بحق ديزني ولقيت اشياء حلوه مره وقلت بستأذن من امي وابوي يارب يوافقون وللحين مافاتحت امي بالموضوع عاد ابوي لين يجي
تخيلوا قبل كم يوم كنا جالسين انا وارواني بالغرفه دخلت خالتي قالت : باد نيوز أو نيوز باد ؟ لا اتوقع انها باد نيوز المهم وحنا نناظرها كذا قالت ان ابوي دق على امي وقالها انه حجز في 15 رمضان نرجع للرياض !!!!
قلت خير ولا ومدري وشو جلست اتحطلم بعدين رحت لأمي ومدري وشو الزبده بالاخير طلع مقلب
مب مقلب بس انه ماحجز ولا شي بس فكره
ولو حجز ولو يجون برجلينهم رجعه للرياض منيب راجعه وبقعد ان شاءالله لبعد العيد مب بكيفهم خير !
استغفرالله احس ربي بيعاقبني على الكلام اللي كتبته الحين وبيصير نرجع الرياض غصباً عننا :(
بس مادام هلال بكره بيجي ان شاءالله مطولين انا مب متحمسه الا للعيد ولبعد العيد
اهه لو جا العيد وهلال معنا :( اخر عيد معه ما اذكر متى العام سافر ليلة العيد وقبله كان بكندا وقبله ناسيه
ياخي سلمى بنت خالي عمرها يمكن 3 أو 4 الزبده احب احارشها ؟ واحب اهاوشها واضربها لين تصيح وحتى اخواتها مدري ليه اذا سمعتهم يصيحون اقول احسن احسن بس ما اكرههم والله :(=َ))
خلاص قرقت واجد صح ؟ الساعه طقت 2
انا بتلع الحين
بحبكم كتير !
يله معسلامه

8 / 9 ه
52 : 1 ص
غرفة خالاتي
رايقه


 


رد مع اقتباس

قديم 20-07-2013   #1498
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
انا طفشانه لأبعد حد لا صدق يعني لمتى كذا ؟
اصبروا دقيقه واجي...


جيت
يالله وش اقولكم من وين ابدا ؟
قسم بالله اني هالفتره كمية حومة كبد وغلقه !!
من جو بيت خالي من الشرقيه وانا كارهه نجران ومشتاقة للرياض ابي ارجع لها:( !
صدق يعني, هنا هم بس يحومون كبودنا وخلاص...
يعني قبل مايجون كنت مره مستانسه وموسعه صدري ورحنا بيت جدي عبدالله مرتين !
ومن يوم جو وصاكين علينا بالبيت , العيال بس يطلعون ويوسعون صدورهم بس حنا ؟ لا بنات ممنوع
يعني صدق بس ترانا بشر؟ ليه يعاملونا كذا؟ ما اقصد شي بس احسهم يشوفونا مب ناس !
يعني صدق كل شي علينا عادي هم ياكلون ويرتاحون وحنا لاناكل بس نشتغل
واذا شافونا على النت يعصبون ويهاوشون نعم؟ طيب انا مرتاحه كذا شدخلكم؟
قسم بالله خصوصاً من يوم جو بيت خالي , اوكي صح انهم مب ساكنين في بيت جدي بس ساكنين في بيت خالي محسن القديمه! يعني ايش ؟ يعني نفس الحوش ! يعني كأننا ببيت واحد!
وطبعا تعالوا شوفوا الاطفال, 24 ساعه عندنا افتح عيوني وهم قدامي ومايروحون الا بعد صلاة الفجر
وغير كذا اذا وصلت معنا وطردناهم مايروحون
وفيهم كمّية مصلحه وتتصصنننععع قسم بالله الواحد مايدري وش يقول !
البنت الكبيره اذكر قبل يمكن 3 سنوات كانت صديقتنا انا وارواني, وكنا مره مره مع بعض !
واذكر كانت اجازه صيفيه وكان بعد العيد زواج خالي ابراهيم
وكنا حنا ننسق الهدايا واذكر نجلس بالفوتشوب نزين الكلام وكان رمضان وهي تروح تستهبل وضحك قسم بالله دموع من الضحك
وهما العام كذا بدأت تبتعد عننا
والسنه ذي ابد بالمره تبرينا من بعض, خلاص بعني معليش
وكل اللي بالبيت لاحظوا يقولون ليه معد تجلسون مع نوره؟ ليه ماتنادون نوره تجي معكم؟ حنا نسكت =َ))!
لأن وشو يعني ؟ نناديها تجي تجلس تتفشخر وكل سوالفها عن نفسها معليش طفشنا وحنا نسلك
وذي الفتره ماغير امشي وتزبيد تزبيد وهم ابد لا اله الا الله مايحسون
وحمد ولدهم بعد, ذاك القلق النشبه !
هما هو يعرف اكاونتي بتويتر والاسك وعنده الكيك حقي /مع اني اتغطا منه/
بس اذكر اني عطيته الاسك قبل ماتغطى طيب؟ وبعدين يوم تغطيت وخلاص كنت حاطة الكيك والاكاونت بتويتر في بايو الاسك طيب ؟
وهو جا وخذاه فجأه مادريت الا وهو مسوي لي فولو
اوكي انا سكتت وبعد فترة سويت فولو باك, فجأه جاني على الدايركت وقال افتحي الكيك وجلس يسولف وانا ماغير اسلك !
وبعدين عاد خلاص نسيت انه عندي ويوم جيت هنا بس اتحلطم بتويتر واحيان اكتب كلام عنهم بنات خالي /اكتب بالاسماء/
وهو يجي بالكيك ليه تكتبين كذا؟ وليه مدري ايش!
غير عن السالفة اللي صارت لي معه /كتبتها فوق/ بس معليش ماله دخل؟ اكاونتي كيفي؟
بالاخير جا بالكيك ارسل لي صور, 17 تغريده كتبتها انا يقولي احذفيها لأنها عن اخواته وعنه !
حذفت نصهم بس! والنص الثاني قلت له منيب حاذفتها
بعد كم يوم جا وقال لي لعد تكتبين والله مايصير لك خير ويهدد يهدد قلت له *** وجلست اسب وزببببببدت كذا كمية في قلبي ! وقلت له مالك دخل واكاونتي ومحد له دخل؟ ابوي يعرف اكاونتي ويشوف وش اكتب ومايقول شي من انت عشان تجي تحاججني ؟ مب عاجبك سو انفولو ؟ خلاص!
والله كتبت كلام طوووويييلللل احسه شوي وبيصيح وهو يقرا
وبعدين سويت له انفولو, وللحين اكتب واسب وبكيفي ماله دخل !
وسويت له بلوك بالكيك بعد وخلاص الحين مايمدي يوصلني منه أي شي
ولو ارسل شي بالاسك بوريه اخواني يتفاهمون معه
الزبده وشو ؟ بعد شوي بيجونا حريمن
اليوم الصبح كنا انا ودلال بالمطبخ انا اغسل المواعين وهي توديهم مكانهم
كان فيه صحن كذا كسرته هي وكسرت كاس معه
وخااافففتتت مره مره رحمتها وبعدين قلت لها انا بدبر
وكانوا كلهم نايمين مافيه الا ارواني بالغرفه
الزبده خلصت المواعين وخذيت الصحن اولكاس اللي انكسروا وحطيتهم بكيس/يارب يمشي المصطلح/ ووديته كذا مكان
هما بالحوش فيه كذا زي الدولاب وفيه درج انا حطيته هناك ويارب ماننقفط
وبعدين ررقينا السطح وجلسنا نحوس وكذا ورسمنا وحسنا
ويوم نامت دلال ناظرنا فلم انا وارواني /ايفل ديد/ 2013
هما كنا فوق سرير ارواني وكل وحده معها حلاو مصاص
وكاننا منسدحين طيب؟ وانا كل شوي اغص بالحلاو واضحك اضحك
معليش حسيت الفلم كوميدي نصه راح وحنا ميتين ضحك
اجل عمركم شفتوا سماء تمطر دم؟ وووييييييننننن
وخلاص نمنا 10 ونص وقومتني امي 6 معصبه وتهاوش طيب وشو وش فيها لو نمت ماراح يضرك شي :(؟
وبعدين ذي الفتره والله ياهي منسدّة نفسي ! ومالي خلق اكل ولا اتحرك 24 ساعه بالغرفه مع خالاتي كل وحده على جهاز
بس خلاص معليش محد له دخل اهم شي حنا مرتاحين ؟
دقيقه تعرفون هذيك العصا اللي يعلقونها على الباب بعدين هي حق تمارين
تجي تتعلق فيها وترفع نفسك
الزبده فيه وحده معلقينها عند باب غرفة خالاتي طيب؟ انا وارواني نتعلق فيها عشان نتمرجح
وامس كنت احس اني متكسسررررهه تعرفون اللي مافيني حيل اسوي شي
جيت اتمرجح وانا طاايره هما التمرجح كذا \ / ها انا جيت ويوم صرت كذا / وطايره يعني مرتفعه اكثر فكيت بالغلط
ودرببببججججج على الارض
المشكله مب اني طحت على يديني بعدين طحت على الارض :( لا كذا سيده على ظهري كذا _
انا اناظر الجدار كيف فجأه صرت اناظر السقف وكذا فجأه هدووووء مابعد استوعبت اني طحت
واحس كل عظامي رجعوا على ورا وقفصي الصدري اوجعني والله
وظهري انكسر, وهو هدوء وانا توني استوعب اني طايحه قلت : أه, مت .
وارواني تضحك تضحك تضحك تضحك ممن قققللببب
والله جلست متصنمه بمكاني فتره:(
ابي اصارخ من الالم بس مابي امي تسمع بس شكلها سمعت ضحك اروا
بعدين فجأه اسمع امي تناديني ورحت قالت شفيك؟ طحتي قلت خفيفه ماتوجع /ابد/
والله ولما الحين ظهري يوجعني
ياخي انا هالفتره والله صايره احب الحليب :( وهو بارد
احس انها زي اللي بتوم جيري طعمه حلو كذا وماغير اشرب اشرب وامي مستانسه
الجرس يدق لايكون الحريم وصلوا اصبروا بروح السطح اشوف
خلاص جت ايمان اطفتثقمغعقثكنفتلكمهقفتق برجع لكم بعدين

معسلامه


السبت
12 / 9 / 1434 هـ
25 : 9 م
غرفة خالاتي
جالسه جلسه معوقه وظهري يوجعني !


 


رد مع اقتباس

قديم 21-07-2013   #1499
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم
فيه موقع حق رسم رسمت يمكن 6
وما اقولكم أبداع واو بس انها مب شينه
عاد اذا خلصت احط اكاونتي بس ان شاءالله اذا رجعت من عند خالتي حوريه بمسح الاكاونت وبجيب لكم الرسمات تشوفونها
وبنات خالي اذا شافوني بنص الرسمه ماغير يحطمون وانا ماكأني اسمع
بالاخير ازبد ياخي من جد خير وش يبون ؟ هل انا طلبت رأيهم ؟ لا !
مدام عاجبتني مالكم دخل خلاص
ايوه وشو ؟ صح بيروحون لخالتي حوريه وانا بروح معهم
عشان اشوف ندى وعبيد وغاده
وكالاس كلّس الكلام
معسلامه


 


رد مع اقتباس

قديم 21-07-2013   #1500
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

 мч றறš :

MMS ~

 أوسمتيّ الاخيرة  :

وسام التواجد المستمر 


اوسمتي

افتراضي رد: مَمْــڶـڪـٺے .. |● ỉ₥ỉ₥ ●|



وانا اقرا اللي فوق مكتوب /هل انا طلبت رأيهم/ حسيت اني مدري وشو هل انا طلبت رأيهم يا الهي ومنيب معدلتها مافيني حيل
عشان كذا خلاص لاتقرون الجمله الغبيه ذي :( ويله معسلامه


 


رد مع اقتباس

إضافة رد

مواقع النشر (المفضلة)

الكلمات الدلالية (Tags)
ỉ₥ỉ₥, ỉ₥ỉ₥, ●|, ●|, .., مَمْــڶـڪـٺے, مَمْــڶـڪـٺے, |●, |●

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


مَمْــڶـڪـٺے .. |● ỉ₥ỉ₥ ●|

جميع الاقسام الاخرى

فضفضه,فضفضنا لنا

روايات,قسم الروايات

Rss - Rss 2.0 - Html - Xml - روايات


الساعة الآن 09:18 PM


Powered by vBulletin® Version 3.8.7
Copyright ©2000 - 2018, vBulletin Solutions, Inc
Search Engine Optimization by vBSEO
ارشفة:Salem Alshmrani

روايات نور الغلا

Loading...