عرض مشاركة واحدة
قديم 19-09-2013   #1518
¦[ mimi ®
مشرفــه قسـمـ •~

الصورة الرمزية mimi



 عضويتيّ : 1692
 تاريخ تسجيلِي : 2011 Jan
 مجموع مشاركاتي : 12,104
مواضيعي :
ردودي :
 نقاطِي :  85113
றởođ :
 мч ŝறš :

افتراضي رد: مَمْــڶـڪـٺے .. |● ỉ₥ỉ₥ ●|



السلام عليكم شف انا بتكلم وماعلي اذا جت اخطاء املائيه ماراح اعدل حاولوا تفهمون :(
بطني يوجعني مع اني قبل ساعه تقريباً كليت علاجي بكتب لكم عن امس وقبله وقبله
الاثنين مدري ما أذكر الا ان كانت علينا أ.لغتي وهي غايبه طيب
كنا طالعين من الفصل وانا واقفه واقول خن ننحاش المشكله صديقاتي مب جمبي مدري مين جالسه احاكي ؟
شوي ولا نجوى تلتفت علي وتقول والله؟ قدام مشينا
ويوم رحنا هما شفتوا مدرستنا شلون أشرح لكم كذا __فصلنا__ بعدين خلاص فصول وكذا
ثمن حنا مشينا لين وصلنا المكان المقابل لفصلنا يمكن عند أولى رابع
يعني اذا بغينا نرجع فصلنا لازم ناخذ لفتين المهم وحنا نمشي ومعنا لميا
أشوف أ.اسماء طالعه من فصل ثالثة أول ورايحه لفصلنا مسكت نجوى قلت لاتصير علينا ذي !
وتصير علينا قسم بالله ركضت ركضت من زمان ماركضته كلنا كذا فجأه
وكان فيه بنات 2 طالعين من المعمل صقعنا فيهم لين قلنا آمين تووووها أ.اسما داخله الفصل دخلنا وراها
وعلى اساس بنروح كراسينا دون ماتشوفنا قفطتنا ونقصت
ثمن هذا اللي اتذكره بس لا اصبروا
يوم رجعت البيت واتبيثر بتويتر شوي جتن نهى بالدايركت ارتعت مدري ليه لا صدق ماعرفها وشو
وجلست تسولف وانا اسولف معها بالاخير سألتني عن وحده أسمها اثير تقول ان نص المدرسه خاقين عليها
هذي نقطة برجع لها بعدين خن أكمل لكم عاد هذي أثير ب 1 انا ماعرفها قلت لها خلاص ورينياها بكره ونست هي
وثمن عاد اليوم كنت جالسه مع هيا ورزان وجتني نوف مع غيدا فطمه تعالي بوريك شي بسرعه بسرعه بسرعه انا ارتعت وشو وقمت
بالاخير صارت نويف تبيني كذا وصلنا عند حق الاذاعه هذا مدري وشو وشوي أسمع وحده تناديني اتلفت القاها نهى
ومعها وحده مملوووححه ماشاءالله تشبه أسماء اللي قبل العام كانت معنا بس هذي أملح
وورتني أياها عاديه قسم بالله أقل من عاديه
الظاهر عشانها سمرا وعندها حبة خال لاعيون ولا خشم ولاشفايف ولا شعر :( ؟ من جدهم ؟
شفتوا هشام الراشد قتيييعاه و1 الله ياخذه و1
ايه خن اكمل وانا امشي مع نهى فجأه نوف وغيداء طبوا علينا يحسبوني بمشي معها ؟ قالوا بنمشي معكم بنشمي معكم قالت لي نهى خلاص يله معسلامه وغيداء تطب وشو فاطمة وش تبي فيك نهى وانا ساكته مدري وش اقول ؟ قالت نهى شي خاص بيننا قلت ايه سر
عاد خلاص رجعنا وقلت لهم السالفه
أمس السابعه كان علينا فراغ طيب
وانا ونجوى مجهزين بننحاش خلاص طلعنا من الفصل وبنمشي أ.جغر كانت علينا بس كانت تكلم ثالثة أول
ونمشي شوي نادتني نهى كانت عند المعمل ويوم حاكيتها قفطتنا الاستاذه ؟
ورجعنا الفصل وجو صديقاتنا من ثالثه أول وجلسنا نغني ونستهبل
جت جغر قالت ارجعوا ارجعوا وحنا لا ومدري وشو وهيله جلست ووقفوا قدامها شهد ونجوى يغطون عليها وحصه راحت جلست ورا شلة الدوافير ماقفطتهم بالاخير جت ورده وعلمت على هيله
وهيا كانت جالسه معي جت جغر قالت يله هيا روحي الفصل وهيا مسكت يدي قالت والله ما اطلع الا وتجي معي فاطمه سفهتها الاستاذه بس بالاخير ماطلعت من فصلنا
واليوم السابعه فراغ جغر قايلة لنا بنزلكم السابعه ثمن سحبت علينا تقول لا مافيه
عاد قبل ماتجي نزلنا انا ونجوى على اساس منحاشين ويمكن ينزل فصلنا وخلاص نصير عادي
مانزلوا حطينا شنطنا مع حقين أولى كانوا نازلين المصلى
وشفنا بنات من 3 / 1 يزينون الاذاعه كانوا عند أ.حصه
جلسنا بالكرسي اللي جمب غرفة استاذه حصه وجالسين ونوف جت معنا
ونسولف شوي طلعت أ.فهده من مكتبها تعرفني هي وقالت عادي امشوركم لفوق
انا مسكت رجلي على اساس توجعني وماقدر امشي صاحين لو رقيت على طول بتشوفني جغر
اصبروا ترى جغر يعني أ.شريفه اللي تدرسنا جغرافيا
أيه المهم ونجوى قمطت كذا شوي ونزلت وحده قالت ايه خلاص بخليها تروح هي
يوم رجعت قالت انتم اصلا ليه نازلين هنا ؟ قالت نوف استاذه برد انا نزلت عشاني بردانه وانا ونجوى ماسألتنا
بالاخير جالسين طلعت أ.هيله من مكتبها انا لا اراديا قمت رحت عند الدرج ونجوى تقولي خليك طبيعيه
وانا خفت عاد هيله ذي وقفنا عند باب أ.حصه لا اراديا فتحت الباب انا
وشوي اشوف أ.حصه والبنات اللي معها حقين الاذاعه يناظروني
ونجوى وراي توها مادخلت ممديت لها قارورة المويه حقي مسكتها هي ؟ قالت أ.حصه هاه شتبون قلت بشرب مويه
وعلى اساس اني داخله اشرب ونجوى تناظرني احس تقول وش فيها ذي
وانا اشرب اسمع أ.هيله تسأل نجوى ليه نازلين؟ قالت حنا عند أ.حصه تبينا قالت وراكم جالسين بالكرسي طيب؟ ثمن دخلت قالت ياستاذه حصه تبينهم البنات هذولي ؟ قالت أ.حصه لا لا خلاص
ونجىو تسب رقينا جلسنا بالدرج لو نزلنا قفطتنا هيله ولو رقينا قفطتنا جغر
وجلسنا جلسنا ثمن رحنا للدرج الثاني يوم راحت هيله
قسم بالله مايمدينا نمشي خطوة الا وطالعه لنا استاذه أو اداريه, ياحبيبي مدرستنا الاداريات اللي فيها اكثر من البنات
سحبت نجوى انا ورقينا للدور الثالث عند ثواني
كان فيه 3 فصول فاضيه مدري وينهم مافيه الا فصل واحد عندهم أ.كيوي
قلت لنجوى خن ندخل فصل من الفصول الفاضيه ونجلس لين ترن قالت واذا شافونا لحالنا , ماتعرفين تفكيرهم انتي
خير شتبون وعاد بالاخير جلسنا بالحمامات بالدور الثاني لين رنت قسم بالله جتني عقده خلاص منب منحاشه مره ثانيه اص
العام كان فله وانا انحشت القى كثير من فصول ثانيه منحاشين
وبعد أقدر اروح الساحه الخارجيه واروح ورى الحين حطوا شبك مب من جدهم
اليوم النت كان مفصول ططططفففشش بغى يجيني اكتئاب بس الحمدلله
لعبنا انا وهلال فيفا اليوم , بدينا المباراه 11 وعشر
ولعبنا أول شي تعادلنا 2 - 2 , بعدين اشواط اضافيه تعادلنا 3 - 3 بعدين بلنتيات وفاز هو
وخلاص طفشت وانا اكتب وجوعانه وبطني يوجعني وحر ونهى تقول بكره بتمشي معي اذا داومت وانا مالي خلق حالتي تكسر الخاطر جيبولي سنكرز
امزح خلاص بس صدق وشو يعني :( شكلي بناظر فلم
قبل كم يوم بالويكند كنت اناظر فلم وصار لي موقف قسم بالله انقهرت خخير بس بالاخير حاولت أسفه وما كأن شي صار
بنفس الوقت خلاص مابي اناظر افلام الا ااذا ناموا اهلي كلهم مع ان افلامي عاديه والله بس كذا ؟
وغير ان ابوي يكون فوق مب عندنا لحد يقول ليه حاكيت أرواني وقلت لها السالفه انقهرت هي بعد زينها ياخي :(
خلاص مدري احس اني تعبت لا اصبروا تتتخخخيلوا
جت زوز امس بالصبح كان علينا علوم
وعيت الاستاذه تطلعني مافيه الا غيدا جت اخت سديم نحشتها وراحت شافت زوز
وانا اقول لها زينب تعرفينها الدافوره هذيك بسلم بس واجي والله والله :( عيت الوصخه افف :( مشتاقة لها
اصبروا بسألكم لاتسفهون لاتسفهون لاتسفهون :(
هما لحين سلمى بالجيل طيب , ونجود وامل وزوز ومنار وديما بالرقي , السنه الجايه ان شاءالله انا مدري وين اروح
أبي سلمى وأبي نجود وامل وزوز يعني ابيهم كلهم :( مدري اي مدرسه أروح :( وين تتوقعون احسن الرقي ولا الجيل صدق ياخي بتجيني عقده نفسيه بسبة هالموضوع
خلاص تعبت, اتتتتتتتتتحداكم اذا فهمتوا شي من سوالفي اللي فوق صدق اني اطلسم كذا اذا تحمست السوالف تصير داخله ببعصض عشان ما انسى
وخلاص حر مره بس احس اني بردانه :( يوه متحديه امي اني اقوم الفجر وانا توني مانمت
الزبده خلاص ادعوا لأمي تتشافى ويله معسلامه احبكم وازد

10 : 2 ص -ماجاني نوم شكلي مكثره قهوه -
13 / 11 / 34 ه
الخميس , المقلط
اليوم الوطني بعد كم يوم تدرون ليه احبه ؟
لأن فيه اجازه أوكي معليش وطني احب الاجازه اكثر منك , فله عندنا جمعه سبت أحد اثنين ويمكن نغيب الثلاثاء
هي مابي الجمعه تجي ياخي اكره هاليوم مب عشانه جمعه لا والله احب الظهر بس اكره الناس اللي يجون بيتنا فيه :(
قسم بالله يصير خفيف وجميل اذا ما جانا احد بس لازم عمي يجي ومرت أبوي تنزل وش سويت بحياتي اانا
مب اكرههم اكره الحوسه اللي تجي لما يجون واشيل هم يوم الجمعه عشان هالسببين
وخلاص الساعه طقت 2 وعشر توني استوعب شكلي بناظر فلم عشان يمر الوقت بسرعه
ولا بنام عموماً خلاص , معسلامه


 

رد مع اقتباس